NEWS FLASH मराठा आरक्षण आंदोलन में नांदेड जिले का २४ लाख २५ हजार का हुवा नुकसान, आंदोलन में द्वेषभावना से कार्यरत आदोलंकारियो को ढुंढाने का काम सुरू - नांदेड पुलिस अधीक्षक संजय जाधव ..., **

बुधवार, ९ ऑगस्ट, २०१७

अंनिसच्या वतीने रक्तदान शिबिर संपन्न

नांदेड (एनएनएल) नांदेड अंधश्रद्धा निर्मूलन समितीच्या वतीने बुधवारी शहरातील महात्मा फुले पुतळा येथे रक्तदान शिबिर घेण्यात आले.

महाराष्ट्र अंधश्रद्धा निर्मूलन समितीच्या २८ व्या वर्धापनदिनानिमित्त शहरातील आयटीआय येथील महात्मा फुले पुतळ्याशेजारी विविध संघटनांचे पदाधिकारी उपस्थित होते. याप्रसंगी इंडियन रेडक्रॉस व पारसी अंजुमन ट्रस्टचे प्रदीप कांबळे, विद्या केळकर, जगदीश वंजारे, संजय कोकरे, शिवाजी मसुरे आदी कर्मचारी उपस्थित होते. या शिबिरात लक्ष्मण शिंदे, वसंत कलंबरकर, शिवाजी नाईकवाडे, अमोल कुलकर्णी, बालाजी टिमकीकर, आनंद बिरादार, विजय डोनेकर , धनंजय बुट्टे, शिवराज जाधव, संजय दारलावर, राहुल भालेराव, विठ्ठल चव्हाण, राजू दहिवाळ आदी रक्तदात्यांनी रक्तदान केले. चंद्रहर्ष टीमकीकर याच्या ११ व्या वाढदिवसानिमित्त रक्तदात्यांना फळे आणि गुच्छ देऊन स्वागत करण्यात आले. सदरील शिबिरात अंनिसचे राज्य प्रशिक्षण कार्यवाह इंजि. आनंद बिरादार, जिल्हाध्यक्ष डॉ किरण चिद्रावार,  जिल्हा कार्याध्यक्ष प्रा. लक्ष्मण शिंदे , इंजि सम्राट हटकर, इंजि रंजना खटके, प्रा बालाजी कोंपलवार, ऍड. धोंडिबा पवार, बालाजी टीमकीकर, कुलदीप नंदूरकर, राणी बंडेवार, दीपाली हाडोळे, रविकिरण पालकूटवार, अमृत केराळे, आदी पदाधिकारी उपस्थित होते .

नगरपंचायत कर्मचार्‍यांचे मागण्यांसाठी एक दिवसाचे सामुहिक रजा आंदोलन

हिमायतनगर (एनएनएल) महाराष्ट्र राज्य नगरपंचायत कर्मचारी, संवर्ग कर्मचारी, कामगार संघटना संघर्ष समितीच्या कर्मचारी कामगारांनी दि.9 आॅगस्ट रोजी शहरातील नगरपंचायत कार्यालयासमोर एक दिवसाचे सामुहिक रजा आंदोलन केले. 

कार्यरत कर्मचारी कामगार यांना शंभर टक्के वेतन शासनातर्फे द्या, चोविस वर्षे अश्वासीत योजना लागू करा, राज्य कर्मचाऱ्यांसोबत सातवा वेतन आयोग लागू करा, ग्राम पंचायत मधील सर्व कर्मचाऱ्यांचे नगरपंचायतीमध्ये समावेश करा व निवृत्ती वेतन लागू करा, रोजंदारी /कंञाटी कर्मचाऱ्यांना कायम करणे या सह आदी मागण्यां असून त्या मागण्यांसाठी आंदोलनाची सुरुवात दि. 9 आॅगस्ट रोजी एक दिवसाचे सामुहिक रजा आंदोलन करून झाली. तसेच दि.10 आॅगस्ट ते 14 आॅगस्ट पर्यंत काळ्या फिती लावून काम करणे, 15 आॅगस्ट रोजी स्वातंत्र्य दिनाच्या ध्वजारोहणानतंर जिल्हास्तर, तालुका स्तरावर पालकमंञी, खासदार, आमदार यांना मागण्यांचे निवेदन देणे, सदरील मागण्यांबाबत विचार नाही झाल्यास, दि 10 आॅगस्ट पासून बेमुदत काम बंद आंदोलन करण्यात येणार असल्याचे सांगण्यात आले आहे. बुधवारी हिमायतनगर नगरपंचायत कार्यालयासमोर झालेल्या एक दिवसीय सामुहिक रजा आंदोलनात मुख्याधिकारी नितीन बागूल, भोगावार रूख्माजी भुमना, बालाजी माळसापूरे, दळवी, रत्नाकर डावरे, महेमुद भाई, विठ्ठल शिंदे, बाळू हरडपकर, मारोती हेंदरे, श्याम मंडोजवार, शेख मोजमिल, दत्ता डुडुळे, यांच्यासह कर्मचारी, कामगार यांची प्रामुख्याने उपस्थिती होती. नगरपंचायत कर्मचारी कामगार यांच्या सामुहिक रजा आंदोलनास नगराध्यक्ष अ.अखिल अ. हमीद, आणि काँग्रेसचे नगरसेवक यांनी पाठिंबा दर्शविला आहे.

वाचनसंस्कृती संवर्धनासाठी शाळा दत्तक योजना स्तुत्य् उपक्रम --जिल्हाधिकारी

नांदेड (एनएनएल) मानवी जीवनात वाचनाचे महत्व् अगाध असून जगणे समृध्द व परिपूर्ण करण्यासाठी वाचनाशिवाय तरणोपाय नाही. भविष्यातील उत्तम नागरिक घडविण्यासाठी शालेय मुलांना वाचनाची गोडी लावणे आवश्यक असुन जिल्हा ग्रंथालय अधिकारी कार्यालयाच्या मार्गदर्शनाखाली  नांदेड जिल्हयातील सार्वजनिक वाचनालयांनी सुरु केलेला शाळा दत्तक योजना हा एक स्तुत्य उपक्रम असल्याचे प्रतिपादन जिल्हाधिकारी अरुण डोंगरे यांनी केले. ते जिल्हा ग्रंथालय अधिकारी कार्यालय,नांदेड येथे ग्रंथालयशास्त्राचे जनक पदमश्री डॉ.एस.आर.रंगनाथन यांचा जन्मदिन व क्रांतीदिनाचे औचित्यावर शाळा दत्तक योजनेच्या शुभारंभप्रसंगी उदघाटक म्हणून बोलताना मनोगत व्यक्त करीत होते.

अप्पर जिल्हाधिकारी संतोष पाटील यांचे अध्यक्षतेखाली पार पडलेल्या या कार्यक्रमास ज्येष्ठ साहित्यिक डॉ.सुरेश सावंत,सहाय्यक ग्रंथालय संचालक अशोक गाडेकर, जिल्हा ग्रंथालय संघाचे अध्यक्ष मा.आ.गंगाधर पटने, जिल्हा ग्रंथालय संघाचे कार्यवाह निर्मलकुमार सुर्यवंशी व जिल्हा ग्रंथालय अधिकारी सुनील हुसे यांची उपस्थिती होती. ग्रंथालयशास्त्राचे जनक पदमश्री डॉ.एस.आर.रंगनाथन व राष्ट्रपिता महात्मा गांधी यांचे प्रतिमेला मान्यवरांचे हस्ते हार अर्पण करण्यात आल्यानंतर प्रास्ताविकातून सहाय्यक ग्रंथालय संचालक अशोक गाडेकर यांनी मराठवाडयामध्ये नांदेड जिल्हयामध्ये प्रथमच शाळा दत्तक योजना राबविण्यात येत असल्याचे सांगून नजीकच्या काळात ही योजना इतर जिल्हयामध्येसुध्दा राबविण्यात येणार असल्याचे सांगितले. ज्येष्ठ साहित्यिक डॉ.सुरेश सावंत यांनी आपल्या अभ्यासपूर्ण भाषणातून शालेय मुलांना वाचनाकडे वळवून त्यांच्यामध्ये वाचनाची गोडी टिकवून ठेवण्यासाठी करण्यात येणा-या विभिन्न उपक्रमांची माहिती देऊन विद्यार्थ्यांसोबतच त्यांच्या पालकांनीही वाचन करणे आजच्या काळाची गरज असल्याचे सांगितले.

ॲड गंगाधर पटने यांनी वाचन चळवळीला राजकीय व शासकीय सहकार्य पूर्णपणे लाभणे असल्याचे सांगून वाचनालयांनी विविध वाचकोपयोगी उपक्रम राबवून लोकाभिमूख होणे गरजेचे असल्याचे नमूद केले. अध्यक्षीय समारोप करताना अप्पर जिल्हाधिकारी संतोष पाटील यांनी सदर योजनेचे कौतुक करुन वाचनालयांनी व शाळांनी ही योजना अविरतपणे चालू ठेवावी जेणेकरुन मुलांना ग्रंथ व ग्रथांना वाचक मिळणे सोपे जाऊन यातून एका निकोप समाजाची निर्मिती होईल असे प्रतिपादन केले. निर्मलकुमार सुर्यवंशी व बसवराज कडगे यांचीही या प्रसंगी समायोचित भाषणे झाली. वाचनसंस्कृती जोपासणारे बसवराज कडगे यांचा यावेळी जिल्हाधिकारी अरुण डोंगरे यांनी सत्कार केला.

कार्यक्रमाचे सुत्रसंचालन जिल्हा ग्रंथालय अधिकारी,सुनील हुसे यांनी तर आभार प्रदर्शन प्रताप सुर्यवंशी यांनी केले. कार्यक्रमास जिल्हा परिषदचे माजी अध्यक्ष संभाजीराव धुळगुंडे,संगत प्रकाशनचे जयप्रकाश सुरनर, संजय पाटील,गजानन कळके,उमेश जाधव हाळीकर,सुभाष पुरमवार,दशरथ सुकणे,कपाटे महाराज,शिवाजी सुर्यवंशी,सुभाष पाटील,बालाजी नारलावार,कुबेर राठोड,यशवंत राजगोरे,बालाजी पाटील, उध्दव रामतीर्थकर,ज्योतीराम राठोड नवनाथ कदम इ.सह जिल्हयातील वाचनालयाचे व शाळेचे प्रतिनिधी मोठया संख्येने उपस्थित होते.कार्यक्रम यशस्वी करण्यासाठी संजय कर्वे, अजय वटटमवार, कोंडिबा गाडेवाड, आरती कोकुलवार, बाळू पावडे, रघुवीर श्रीरामवार, यनगुलवाड इ.चे सहकार्य लाभले.

ज्येष्ठ नागरिकांच्या सेवेसाठी पोलीस सदैव प्रयत्नशिल - पो.नि.निकाळजे

नविन नांदेड (एनएनएल) ज्येष्ठ नागरिकांच्या सेवेसाठी व त्यांच्या मागण्या सोडविण्यासाठी पोलीस सदैव प्रयत्नशिल राहिल असे मत ग्रामीण पोलीस स्टेशनचे पोलीस निरीक्षक सुनिल निकाळजे यांनी हडको येथे ज्येष्ठ नागरिक संघाच्या बैठकीत केले. 

ग्रामीण पोलीस स्टेशन, ईच्छापूर्ती ज्येष्ठ नागरिक संघ हडको व नगरसेविका डॉ.करुणा जमदाडे यांच्या संयुक्तरित्या झालेल्या ज्येष्ठ नागरिक संघटनेची बैठक हडको येथील शिवाजी उद्यान परिसरात दिनांक 08 ऑगस्ट रोजी करण्यात आली होती. यावेळी उपविभागीय पोलीस प्रशिक्षणार्थी प्रशांत ढोणे, मराठवाडा विभागीय फेस्कॉम ज्येष्ठ नागरिक संघटनेचे विभागीय अध्यक्ष डी.के.पाटील, उपनिरीक्षक कल्याण नेहरकर, महिला उपनिरीक्षक स्वाती कवाळे, सेवा निवृत्त पोलीस निरीक्षक बालाजी इंगेवाड यांच्यासह ग्रामीणचे पोलीस निरीक्षक सुनिल निकाळजे, नगरसेविका डॉ.करुणा जमदाडे व मान्यवर पदाधिका-यांची यावेळी उपस्थिती होती. बैठकीला मार्गदर्शन करताना पोलीस निरीक्षक निकाळजे यांनी ज्येष्ठ नागरिकांच्या समस्या सोडविण्यासाठी पोलीस प्रशासन कटीबध्द असल्याचे सांगून ज्येष्ठ नागरिकांच्या सेवेसाठी पोलीस सदैव प्रयत्नशिल राहिल असे सांगून ज्येष्ठ नागरिकांनी आपआपले प्रश्न प्रत्यक्ष येऊनही सांगितल्यास, पोलीस प्रशासन तात्काळ सोडवेल अशी ग्वाही यावेळेस दिली. उपविभागीय पोलीस अधिकारी प्रशांत ढोणे यांनी संयुक्त कुटूंब पध्दतीत ज्येष्ठ नागरिकांची भुमिका महत्वाची असल्याची सांगून, मला घडविण्यात माझे आजोबा यांची प्रेरणा मला मोलाची ठरल्याची सांगितले. यावेळी विभागीय अध्यक्ष डी.के.पाटील व नगरसेविका करुणा जमदाडे यांनी ज्येष्ठांची कवितेतून भुमिका मांडली. सुत्रसंचालन सचिव शंकरराव धिरडीकर तर आभार हुंबाड यांनी मांडले. ही बैठक यशस्वीसाठी संघटनेचे अध्यक्ष शिंदे, पांचाळ, पुयड, वारकड, बालाजी रहाटकर, गाढे, चंदेल, बच्चेवार, काचावार, दमकोंडवार, भिमराव जमदाडे यांनी प्रयत्न केले. या बैठकीस सिडको हडको परिसरतील जवळपास 200 ज्येष्ठ नागरिकांची उपस्थिती होती.

श्रीक्षेत्र काळेश्वर, विष्णुपुरी येथे महाप्रसादाचा भक्तांनी घेतला लाभ

नविन नांदेड (एनएनएल) नांदेड वाघाळा शहर महानगरपालिका अधिकारी/कर्मचारी व क्षेत्रिय कार्यालय अ,ब,क,ड च्या वतीने श्रावणमास निमित्त श्रीक्षेत्र काळेश्वर, विष्णुपुरी येथे महाप्रसादाचा भंडाराचा लाभ अनेक भाविकभक्तांनी घेतला. यावेळेस मनपा प्रशासनाचे अधिका-यांसह लोकप्रतिनिधींचीही उपस्थिती होती.  

प्रतिवर्षाप्रमाणे याही वर्षी श्रावणमास निमित्त श्रीक्षेत्र काळेश्वर, विष्णुपुरी येथे दि.09 ऑगस्ट रोजी महाप्रसादाचे आयोजन करण्यात आले असून यावेळी माजी उपमहापौर आनंद चव्हाण यांच्यासह माजी विरोधी पक्ष नेते जीवन पाटील घोगरे, नगरसेवक बाळासाहेब देशमुख, संजय मोरे, क्षेत्रिय अधिकारी माधवी मारकड, संजय जाधव, अविनाश अटकोरे, सुधिर इंगोले, कार्यालय अधिक्षक विलास गजभारे यांच्यासह मालमत्ता व्यवस्थापक संधु व मनपा पतसंस्थेचे अध्यक्ष तानाजी कानोटे, पंडित जाधव, विविध विभागांचे अधिकारी/कर्मचारी यांच्यासह ग्रामीण भागातून आलेल्या हजारो भाविक भक्तांनी महाप्रसादाचा लाभ घेतला.   

ज्योती कदम यांना आचार्य अत्रे साहित्य गौरव पुरस्कार

नांदेड (एनएनएल) येथील सुप्रसिध्द कवयित्री व साहित्यिक ज्योती कदम यांना पुणे येथील काव्यमित्र संस्थेच्या वतीने देण्यात येणारा आचार्य अत्रे साहित्य गौरव पुरस्कार त्यांच्या साहित्यिक योगदानासाठी नुकताच जाहीर झाला आहे. पिंपरी चिंचवड येथील आचार्य अत्रे सभागृहात 13 ऑगस्ट रोजी मान्यवरांच्या हस्ते व उपस्थितीत या पुरस्काराचे वितरण करण्यात येणार आहे. सदरील पुरस्कार कदम यांच्यासमवेत डॉ. नरेशचंद्र काठोळे, इशान संगमनेरकर आदि मान्यवरांनाही घोषित झाला आहे.

ज्योती कदम यांचे मोरपीस आणि गारगोट्या, चित्रकाव्य आदि चार पुस्तके प्रकाशीत झाली आहेत. त्यांनी महाराष्ट्रातील विविध आकाशवाणी केंद्रांवरून काव्यवाचन केले असून त्यांची व्याख्यानेही प्रसारीत झाली आहेत. नामवंत व नवोदित साहित्यिकांच्या पुस्तकांवरील त्यांचे समीक्षणही अनेक दैनिकांमधून प्रकाशीत आहे. त्यांच्या कवितेचा शालेय अभ्यासक्रमातही समावेश झाला असून विविध वृत्तपत्रातून त्यांनी स्तंभलेखन केले आहे. महाराष्ट्रात लोकप्रिय ठरलेल्या दै. श्रमिक एकजूटमधील कवी आणि कविता या सदराचे त्या गेल्या दीड वर्षापासून संयोजन करीत आहेत. यापूर्वी त्यांना दै. लोकमत सखी सन्मान पुरस्कार, कुसुमताई चव्हाण महिला भूषण विशेष सन्मान पुरस्कार, पंढरी युवा गौरव साहित्यरत्न राज्यस्तरीय पुरस्कार, शिवांजली युवा साहित्यिक राज्यस्तरीय पुरस्कार, आम्ही जिजाऊंच्या वारसदार या पुरस्कारांनी सन्मानीत करण्यात आले आहे. त्यांना आचार्य अत्रे साहित्य गौरव पुरस्कार घोषित झाल्याबद्दल त्यांचे मान्यवर व हितचिंतकांनी अभिनंदन केले आहे. 

राखी पौर्णिमेनिमित्त वृक्षसंवर्धनाची घेतली शपथ

नांदेड (एनएनएल) व्यंकटेश्वरा पब्लिक स्कूल, धनेगाव ता.जि. नांदेडच्या विद्यार्थ्यांनी राखी पौर्णिमेच्या निमित्ताने वृक्षांची लागवड केली. तसेच झाडाला राखी बांधून वृक्षसंवर्धनाची शपथ घेतली.

या कार्यक्रमास बालाजी पाटील यांचे मार्गदर्शन लाभले. याप्रसंगी शाळेच्या प्राचार्या सौ. श्रीदेवी पाटील, उपप्राचार्य विशाल इंगळे, सहशिक्षक बालाजी कडबे, वर्षा घुंगराळे, ममता जयस्वाल, अर्चना अलमखाने, स्वाती बिरदे, आरती दुमणे आदी शिक्षक, विद्यार्थी, कर्मचारी मोठ्या संख्येने उपस्थित होते. असे उपक्रम राबविण्यामागे विद्यार्थ्यांमध्ये पर्यावरण, वृक्षसंवर्धन याविषयी प्रेम निर्माण व्हावे हा उद्देश असल्याचे यावेळी प्राचार्या श्रीदेवी पाटील यांनी सांगितले. या कार्यक्रमाचे संयोजन बालाजी कडबे यांनी केले.

महाराष्ट्र राज्य नप कर्मचाऱ्यांचे अंदोलन संपन्न

विधानसभेत प्रश्न उपस्थित करण्याचे आमदारांचे आश्वासन

माहुर (एनएनएल) महाराष्ट्र राज्य नप कर्मचाऱ्यांचे सामुहिक रजा अंदोलन आज दि.09 (बुधवार) रोजी नगर पंचायत कार्यालय माहुर येथे संपन्न झाले.

सातवा वेतन आयोग,सहाय्य अनुदान रद्द करने,नप कर्मचाऱ्यांना आश्वासीत प्रगती योजनेचा लाभ मिळावे,रोजनदारी कर्मचाऱ्यांना विना अट कायम करणे,नपचे बळकटिकरण, मुख्याधिकारी यांना उन्नत दर्जा,बदली धोरणातील जाचक अटी,अदीसह तिस ते चाळीस मांगण्या प्रलंबित आहे त्या साठी बुधवार रोजी सामुहिक अंदोलन करण्यात आले.या विषयी आमदार प्रदिप नाईक यांना भ्रमणध्वनीवरून कर्मचाऱ्यांनी माहिती दिल्या नंतर त्यांनी या विषयी चालु अधिवेशनात शुन्य प्रहरात प्रश्न उपस्थित करण्याचे अश्वासन दिले.तर नगराध्यक्ष फिरोज दोसाणी यांनी अदोलना ला पांठिबा देत नगराध्यक्ष संघटना कर्मचाऱ्यां सोबत तण मण धणाने सोबत असल्याचा अभिप्राय दिल.प्रस्ताविकातुन स्थानिक  कर्मचारी संघटनेचे नेते शेषेराव भिसे यांनी गेल्या अनेक वर्षा पासुन नप अधिकारी व कर्मचाऱ्यांचा मागण्यांना वाटण्याचा अक्षदा लावण्यात येत आहे.त्या मुळे अंदलोनाची दिशा ठरविण्यात आली असुन दि.10 ते 14 आगष्ट  पर्यंत काळ्या फिती लाउन काम व त्या नंतर 15 आगष्ट रोजी ध्वजारोहन नंतर आमदार खासदार यांना निवेदन देण्यात येणार आहे.त्या नंतर ही मागण्या मान्य न झाल्यास 21 आगष्ट पासुन नाईलाजास्तव काम बंद आंदोलन करण्यात येणार असल्याचे सांगीतले आहे. नगर पंचायत कर्मचाऱ्यांचा आंदोलनास पाठींबा देण्यासाठी नगराध्यक्ष मा. फिरोज दोसानी, मा. राजकुमार भोपी साहेब, माजी नगराध्यक्ष मा. राजेंद्र केशवे, नगरसेवक रहेमतअलीसाब, रफीकभाई सौदागर, इलियास बाबानी, प्रा. जोगदंड सर,आनंद भाऊ तुपदाळे,अजीस भाई व कार्यालयीन अधीक्षक वैजनाथ स्वामी यांची उपस्थिती होती.तर सर्व कर्मचाऱ्यांच्या उपस्थित अंदोलन 100 % यशस्वी झाले.

अस्‍वच्‍छतेच्‍या लढाईतून स्‍वच्‍छतेचे राज्‍य निर्माण करु - जिल्‍हाधिकारी डोंगरे

कार्यशाळेस महिलांचा उत्स्फूर्त प्रतिसाद

नांदेड (अनिल मादसवार) गावस्‍तरावरील घाणीच्‍या विळख्‍यातून बाहेर पडण्‍यासाठी आता सर्वांनी पेटून उठले पाहिजे. तसेच ही लढाई जिंकून आपणां सर्वांना स्‍वच्‍छतेचे राज्‍य निर्माण करावयाचे आहे असे प्रतिपादन जिल्‍हाधिकारी अरुण डोंगरे यांनी केले. नांदेड जिल्‍हा परिषदेच्‍या जिल्‍हा ग्रामीण विकास यंत्रणा, महाराष्‍ट्र जिवनोन्‍नती अभियान व स्‍वच्‍छ भारत मिशन ग्रामीण अंतर्गत बुधवार दिनांक 9 ऑगस्‍ट रोजी खुले में शौच से आझादी व संकल्‍प स्‍वच्‍छतेचा स्‍वच्‍छ महाराष्‍ट्राचा या विशेष अभियानासाठी जिल्‍हयातील सर्व स्‍वंयसहाय्यता महिलांची जिल्‍हास्‍तरीय एक दिवशीय कार्यशाळा घेण्‍यात आली त्‍यावेळी उद्घाटक म्‍हणून ते बोलत होते.

कै. शंकरराव चव्‍हाण प्रेक्षागृहात झालेल्‍या कार्यक्रमात जिल्‍हा परिषदेचे मुख्‍य कार्यकारी अधिकारी अशोक शिनगारे, जिल्‍हा ग्रामीण विकास यंत्रणेचे प्रकल्‍प संचालक तथा प्रभारी अतिरिक्‍त मुख्‍य कार्यकारी अधिकारी नईमोद्दीन कुरेशी, युनिसेफचे राज्‍य समन्‍वयक जयंत देशपांडे, आदर्श ग्राम पाटोदाचे भास्‍कर पेरे पाटील, संत गाडगेबाबा ग्राम स्‍वच्‍छता समितीचे माजी राज्‍य अध्‍यक्ष माधवराव पाटील शेळगावकर, स्‍वच्‍छतादूत माधवराव पाटील झरीकर, एम.एस.आर.एल.एम. चे वित्‍तीय समावेशन अधिकारी के.बी. दिक्षीत, नाबार्डचे जिल्‍हा विकास व्‍यवस्‍थापक राजेश धुर्वे, माविमचे जिल्‍हा समन्‍वयक अधिकारी चंदसिंग राठोड, मुख्‍य लेखा व वित्‍त अधिकारी अप्‍पासाहेब चाटे, अप्‍पर जिल्‍हाधिकारी संतोष पाटील, उप मुख्‍य कार्यकारी अधिकारी जी.एल. रामोड, जिल्‍हा आरोग्‍य अधिकारी डॉ.व्‍ही.आर. मेकाने, जिल्‍हा कृषि अधिकारी पंडीत मोरे, सहाय्यक प्रकल्‍प अधिकारी डॉ. प्रविणकुमार घुले, मानव विकास मिशनचे सहाय्यक जिल्‍हा नियोजन अधिकारी जी.बी.सुपेकर, अतिरिक्‍त जिल्‍हा आरोग्‍य अधिकारी डॉ. नितीन बोडके, डॉ. कैलास शेळके आदींची उपस्थिती होती.

पुढे ते म्‍हणाले, उघडया हागणदारीमुळे मोठया प्रमाणात रोगराई पसरते. ही रोगराई दूर करण्‍यासाठी घर तेथे शोचालय असणे आवश्‍यक आहे. यासाठी महिला बचतगटांनी पुढाकार घ्‍यावा. गावस्‍तरावर स्‍वंयसहाय्यता महिला बचतगटांना शौचालयाचे बांधण्‍याचे काम देण्‍यात येणार आहे. स्‍वंयसहाय्यता गटांनी यात सहभाग घ्‍यावा असे आवाहन त्‍यांनी यावेळी केले. त्‍यासाठी प्रत्‍येक गटांना निधी देण्‍यात येणार असल्‍याचे ते म्‍हणाले. आज ऑगस्‍ट क्रांतीदिनी आपण शपथ घेऊन आपल्‍या गावासह जिल्‍हा हागणदारीमुक्‍त करण्‍याची लढाई जिंकून स्‍वछतेचे राज्‍य निर्माण करु. यासाठी प्रत्‍येकांनी सहभाग घ्‍यावा असे आवाहन जिल्‍हाधिकारी अरुण डोंगरे यांनी केले.

प्रांरभी क्रांतीज्‍योती सावित्रीबाई फुले, संत गाडगेबाबा व महात्‍मा गांधी यांच्‍या प्रतिमेचे पूजन करुन दीप प्रज्‍वलन करण्‍यात आले. यावेळी भास्‍कर पेरे पाटील यांचे मार्गदर्शन झाले. ते म्‍हणाले, गावाचा विकास हा महिलांच्‍या हाती आहे. आमचे गाव महिलांच्‍या पुढाकाराने आदर्श ठरले आहे. महिलांनी गुड मॉर्निंग पथकातून जागृती केल्‍यास मोठया प्रमाणात शौचालयाची निर्मीती होण्‍यास मदत होणार आहे. आपल्‍या मिश्‍कील भाषेत गावस्‍तरावरील स्‍वच्‍छतेचे वास्‍तव चित्रण त्‍यांनी मांडले. याप्रसंगी त्‍यांनी पाटोदा गावाची यशोगाथा सादर केली. युनिसेफचे जयंत देशपांडे म्‍हणाले आज काळ बदला आहे. काळाच्‍या ओघात आपणासही बदण्‍याची गरज आहे. आज प्रत्‍येकाच्‍या घरात टी.व्‍ही., मोबाईल आणि चैनीच्‍या वस्‍तू याला जीवनात महत्‍व दिले गेले परंतू स्‍वच्‍छतेला जीवनात खरे महत्‍व असल्‍याचे ते म्‍हणाले. माधवराव पाटील शेळगावकर बोलतांना म्‍हणाले की, देवालय, विद्यालय व शौचालय या तीन गोष्‍टीला महत्‍व असून शरिराच्‍या शुध्‍दीसाठी प्रत्‍येकांनी शौचालयाची निर्मीती करुन त्‍याचा वापर करावा असे ते म्‍हणाले. यावेळी माधवराव पाटील झरीकर, के.बी. दिक्षीत यांनी उपस्थितांना मार्गदर्शन केले. बचतगटाच्‍या निर्मला तुकाराम खिल्‍लारे, सुनिता कारभारी यांच्‍यासह बचतगटाच्‍या अध्‍यक्ष व सचिवांनीही मनोगत व्‍यक्‍त केले. या कार्यक्रामचे प्रास्‍ताविक जिल्‍हा ग्रामीण विकास यंत्रणेचे प्रकल्‍प संचालक तथा प्रभारी अतिरिक्‍त मुख्‍य कार्यकारी अधिकारी नईमोद्दीन कुरेशी यांनी केले तर सुत्रसंचालन व उपस्थितांचे आभार जिल्‍हा कार्यक्रम व्‍यवस्‍थापक मिलिंद व्‍यवहारे यांनी मानले. या कार्यक्रमाला जिल्‍हयातील सुमारे दोन हजार स्‍वंयसहाय्यता गटाच्‍या महिला उपस्थित होत्‍या. 

एका बचतगटाने आठवडयात दहा शौचालयाची जबाबदारी घ्‍यावी -  शिनगारे
शौचालयाच्‍या बांधकामात जिल्‍हयातील स्‍वयंसहाय्यता महिला बचतगटांचा सहभाग घेण्‍यात येणार असून गावातील प्रत्‍येक एका बचतगटाने एका आठवडयात किमान दहा कुटुंबांना भेटी देऊन शौचालय बांधकाम करुन घेण्‍याची जबाबदारी स्विकारावी असे आवाहन जिल्‍हा परिषदेचे मुख्‍य कार्यकारी अधिकारी अशोक शिनगारे यांनी केले आहे. महिलांच्‍या पुढाकारानेच अनेक गावे आदर्श झाली असून नांदेड जिल्‍हयातील गावे आदर्श करण्‍यासाठी स्‍वयंसहाय्यता महिलांनी हीरीरीने सहभाग घेऊन गावाचा लौकीक वाढविण्‍याची जबाबदारी घ्‍यावी, असे आवाहनही त्‍यांनी यावेळी केले.

आज जिल्‍हयातील 140 गावात शौचालय बांधकामासाठी विशेष मोहिम
खुले में शौच से आझादी व संकल्‍प स्‍वच्‍छतेचा स्‍वच्‍छ महाराष्‍ट्राचा या उपक्रमांतून आज नांदेड जिल्‍हयातल्‍या अर्धापूर व मुदखेड तालुका वगळून उर्वरीत 14 तालुक्‍यातील मोठया 140 ग्राम पंचायतीमधून शौचालय बांधकामासाठी विशेष मोहिम हाती घेण्‍यात आली असून सकाळी 6 ते रात्री दहा वाजेपर्यंत शौचालयाचे शोषखड्डे तयार करण्‍यात येणार आहेत. यात सुमारे 25 हजार शोषखड्डे होण्‍याची अपेक्षा असल्‍याचे मुख्‍य कार्यकारी अधिकारी अशोक शिनगारे यांनी सांगितले आहे. 

जागतिक आदिवासी दिनानिमित्त जल शुद्धीकरण सयंत्राचे उदघाटन

कंधार (मयुर कांबळे) तालुक्यातील बहाद्दरपुरा येथील आज जागतिक आदिवासी दिनानिमित्त उल्हास मेमोरियल ट्रस्ट संचालित सद्गुरू आदिवासी आश्रम शाळा येथे जल शुद्धीकरण संयंत्राचे उदघाटन जि.प सदस्या सौ.संध्याताई धोंडगे व माजी आमदार भाई गुरुनाथराव कुरुडे यांच्या हस्ते करण्यात आले.

या कार्यक्रमाच्या प्रारंभी आदिवासी समाजाचे सुधारक बिरसामुंडा यांच्या प्रतिमेचे पुजन करून दीप प्रज्वलित करण्यात आले. यावेळी माजी आमदार भाई गुरुनाथराव कुरुडे, संस्थेचे अध्यक्ष दत्तात्रेय कुरुडे, शालेय समिती अध्यक्षा,माजी जि.प.सादस्या संजीवनीताई कुरुडे, संस्थेचे सचिव शिवाजीराव परळकर आदींची उपस्थिती होती.यावेळी माजी आमदार भाई गुरुनाथराव कुरुडे यांनी आपले मनोगत व्यक्त केले. ते म्हणाले की आजचा दिवस संपुर्ण महाराष्ट्रात क्रांती दिन म्हणून पळाला जातो त्याच दिनाचे औचित्य साधुन आम्ही कंधार, देगलूर व अन्य ठिकाणी आदिवासी भागातील लोकांना शिक्षण मिळण्यासाठी शाळा उभारल्या आहेत आमचा या मागचा उद्देश हाच की जेणेकरून प्रत्येक आदिवासी विद्यार्थी शिकला पाहिजे व समाजाला पूढे नेऊन शिक्षण दिले पाहिजे त्याच बरोबर असप्रष्य लोकांना शिक्षण मिळावे हाच आमचा उद्देश आहे जर स्वतंत्र देशातील शिकलेले लोक असतील तरच देशाची प्रगती व उन्नती होते आम्ही 1949 रोजी संस्थेची स्थापणा केली आहे.

श्रीमंतांच्या लोकांना शिक्षण मिळत परंतु गोर गरीब जनतेला शिक्षण मिळत नाही त्या करिता आम्ही संस्थेची स्थापना केली आहे. आम्ही आदिवासी लोकांसाठी खुप कामे केली आहेत. वैधु समाज बांधवांसाठी कॉलनी बांधुन दिली आहे. त्याच बरोबर देगलूर येथे सारकर कडून जमिनीची मागणी करून आम्ही घरे बांधून दिली आहेत सरकारचे जे काही बजेट आहे. शंभर टक्के त्यापैकी एक टक्का बजेट हे आदिवासी समजाकरिता आहे. डॉ.बाबासाहेब आंबेडकरांनी घटनेतून खुप अधिकार हे आदिवासी, दलित, पिढीत, शोषितांच्या न्यायहक्का करिता दिले आहेत. परंतु काही मोजकेच आदिवासीलोक त्याचा उपयोग घेतात. आम्ही आमच्या शाळेत विद्यार्थ्यांच्या कपड्या पासून त्यांना लागणाऱ्या जीवन आवश्यक वस्तु आमच्या संस्थेमार्फत देतोत त्याच बरोबर श्रीमंत लोकांना फिल्टर चे पाणी पिण्यासाठी मिळते परंतु गरीब लोकांना मिळत नाही त्याकरिता आजच्या दिनाचे औचित्य साधुन आम्ही शाळेत जल शुद्धीकरण सयंत्र बसवले आहे असे ते म्हणाले यावेळी जि.प.सदस्या सौ.संध्याताई धोंडगे यांनी देखील मनोगत व्यक्त केले. यावेळी कार्यक्रमास उपस्थित बहाद्दरपुराचे सरपंच माधवराव पेठकर, उपसरपंच उत्तमराव भांगे,ग्राम पंचायत सदस्य बालाजी तोटवाड, गुरुनाथ पेठकर, दत्तात्रेय येमेकर, शाळेचे मुख्याध्यापक विशाल टेकाळे, जी.डी. जाधव शिक्षक जे.एस.खरात,प्रा.गुंडरे,बैलके सर, के.एम. शेख, प्रदिप इंदूरकर, बळीराम पेठकर, गरूडकर सर, नितीन टेकाळे, श्रीनिवार सर, सौ.दिनकर मॅडम, सौ.आडे मॅडम, राऊत मॅडम, आदी शिक्षक व विद्यार्थ्यांची उपस्थिती होती. या कार्यक्रमाचे सूत्रसंचालन देशमुख मॅडम यांनी केले तर प्रस्ताविक जे.एस.खरात व आभार गरूडकर एस.एस यांनी मानले.

डमी परीक्षार्थी प्रकरणात सहाय्यक पोलीस निरीक्षकाला 9 दिवसांची पोलीस कोठडी

नांदेड (रामप्रसाद खंडेलवाल) बहुचर्चित बनावट परिक्षार्थी घोटाळा प्रकरणात राज्य गुन्हे अन्वेषण विभागाने काल सहाय्यक पोलीस निरीक्षकास अटक केली. त्यास आज किनवट न्यायालयाने 9 दिवसांसाठी पोलीस कोठडीत पाठविले आहे. या सहायक पोलीस निरीक्षकाने अनेक विद्यार्थ्यांसाठी बनावट विद्यार्थी बणून त्यांच्या परीक्षा दिल्या त्यात अनेक विद्यार्थी पास झाले आहेत.. चौकशीत अनेक खळबळजनक गोष्टी समोर येतील, अशी माहिती सीआयडीचे पोलीस अधिक्षक शंकर केंगार यांनी दिली.

डमी परीक्षार्थी प्रकरणात दि.21 मे रोजी मांडवी जिल्हा परिषद गटाचे सदस्य मधुकर बाबाराव राठोड यांचा मुलगा प्रबोध राठोड यास राज्य गुप्तचर विभागाने मुख्य आरोपी म्हणून ताब्यात घेतले होते. त्याच्या जबानीनुसार दुसरा आरोपी म्हणून दि.29 मे रोजी परभणी येथील वसंतराव नाईक कृषी विद्यापीठातील सहाय्यक कक्ष अधिकारी अरविंद टाकळकर याला राज्य गुप्तचर विभागाच्या पथकाने जालन्यात अटक केली. या प्रकरणाचे जाळे संपूर्ण राज्यात पसरलेले असल्याने तपास गतीमान करून यातील दोषी आरोपींना ताब्यात घेण्याचे प्रयत्न चालू होते. या मोहिमेअंतर्गत उपविभागीय पोलीस अधिकारी कार्यालय, काटोल, नागपूर ग्रामीण येथे सहाय्यक पोलीस निरीक्षक म्हणून कार्यरत असलेले सोमनाथ अभंगराव पारवे पाटील (वय 33 वर्षे) यांना काल रात्री (दि.8) लातूर येथे अटक करण्यात आली. ते वाचक या पदावर कार्यरत आहेत. ते मूळचे लोदगा (ता.औसा,जि.लातूर) येथील मूळ रहिवासी आहेत. गुप्तचर पोलीस विभागाच्या पथकाने त्यांना आज बुधवारी (दि.9) किनवट न्यायालयासमोर उभे केले असता, न्यायालयाने त्यांना नऊ दिवसाची अर्थात दि.18 ऑगस्ट पर्यंत पोलीस कोठडी सुनावली आहे. जवळपास 13 ते 15 वेळा त्यांनी इतर विद्यार्थ्यांऐवजी डमी परीक्षार्थी म्हणून परीक्षा दिल्याचा त्यांच्यावर आरोप आहे. पोलीस कोठडीतील तपासातून अनेक खळबळजनक बाबी स्पष्ट होतील, असा अंदाज पोलीस सूत्रांकडून व्यक्त करण्यात आला.


सीआयडीचे पोलीस अधिक्षक शंकर केंगार, पोलीस निरीक्षक यु.आर.थिटे, आर.आर.सांगळे, पोहेकॉ. एन.यु.पवार, पोहेकॉ.एस.डी.वाठोडे, वाहन चालक पोलीस कर्मचारी शैलेश काटकळंबेकर आदींचा समावेश असलेल्या पथकाने त्यास अटक करून कोर्टात सादर केले होते. यावेळी सरकारी वकील व्ही.डी.चव्हाण, पोहेकॉ.उकंडराव राठोड हे यावेळी उपस्थित होते. या प्रकरणात यापूर्वी अटक करण्यात आलेले योगेश मोतीराम पंचवटकर हे शासकीय दस्तऐवज परीक्षक म्हणून औरंगाबाद येथे कार्यरत आहेत; तर दुसरे सहभागी आरोपी भगवान उत्तम झम्पलवाड हे नांदेड येथे पोलीस शिपाई म्हणून कार्यरत आहेत. या प्रकरणात यापूर्वी चार आरोपींना अटक झालेली आहे. त्यापैकी एकास जामीन मिळाल्याने उर्वरीत तीन आरोपी तुरुंगात आहेत. या प्रकरणात परीक्षार्थींच्या नावावर डमी विद्यार्थी बसवून नोकरी मिळवून देण्याचा प्रकार 2015 पासून सुरू होता. नियुक्ती आदेश मिळाल्यानंतर लाभार्थ्यांकडून साडेतीन ते 20 लाखापर्यंत रक्कम घेतल्या जात होती. ही बाब तपास अधिकाऱ्यांच्या तपासणीतून पुढे आली.

मांडवी येथील योगेश जाधव या विद्यार्थ्याने पाठपुरावा करत या प्रकरणाचा भंडाफोड केला आहे. या प्रकरणाचा तपास राज्य गुन्हे अन्वेषण विभाग (सी.आय.डी.) कडे सोपविण्यात आला होता. राज्य गुप्तचर विभागाचे अपर  पोलीस महासंचालक संजयकुमार यांच्या मार्गदर्शनाखाली औरंगाबाद विभागाचे पोलीस अधिक्षक शंकर केंगार हे या प्रकरणात तपास करीत आहेत. प्राथमिकतः हा तपास नांदेडच्या स्थानिक गुन्हा शाखेत वेगळा विभाग असलेल्या आर्थिक गुन्हा शाखेकडे होता. तेथे सहायक पोलीस निरीक्षक दिनेश दिगंबर सोनसकर कार्यरत होते. तपास करताना तक्रारीचा तपास करण्याऐवजी  आरोपी प्रबोध राठोडला मदत होईल यासाठी प्रयत्न केल्याने ते सुध्दा राज्य गुन्हे अन्वेषण विभागाच्या यादीत अटक होण्याच्या मार्गावर आहेत. मागील दोन महिन्यांपासून राज्य गुन्हे अन्वेषण विभाग दिनेश सोनसकरचा शोध घेत आहे पण ते सापडत नाहीत. खात्रीलायक सूत्रांनी दिलेल्या माहितीनुसार या बनावट विद्यार्थी प्रकरणात अजूनही बरेच अधिकारी आणि इतर लोक आरोपी होण्याची शक्यता वर्तविण्यात आली आहे.

आपल्या वहिनीवर बलात्कार करणाऱ्यास दोन दिवस पोलीस कोठडी

नांदेड (एनएनएल) एका फळ विक्रेत्याने आपल्या वहिणीवर बलात्कार केल्यानंतर सहाव्या प्रथमवर्ग न्याय - दंडाधिकारी पी. एम. एन. देशमुख यांनी दोन दिवस पोलीस कोठडीत पाठविले आहे.

एक फळविक्रेता विमानतळ रस्त्यावर आपली पत्नी आणि तीन मुलांसह राहतो. काल 8 ऑगस्ट रोजी तो आपली फळाची गाडी घेवून फळ विक्री करण्यासाठी गेला तेंव्हा त्याच्या मावशीचा मुलगा फेरोज खाजामियॉ पठाण (26) रा. सिडको हा त्यांच्या घरी आला.फेरोज पठाण सुद्धा फळ विक्रेता आहे. त्यावेळी फेरोज [पठाणची वहिणी (28) ही आणि एक लहान बालक घरी होते. दोन मुले शाळेला केली होती. आपला दीर आला म्हणून त्यास जेवण करण्यास वहिणीने सांगितले. पण दीर जेवण करण्यासाठी आला नव्हता तर तो आपल्या वहिणीकडे शरीर सुखाची मागणी करु लागला. तिने सांगितले की माझा नवरा आहे, लेकरे आहेत अशी मागणी बरोबर नाही. पण फेरोज पठाणने वहिणीचे काहीच न ऐकता तिच्यावर बळजबरीने अत्याचार केला आणि निघून गेला. 

आपल्यावर झालेला अत्याचार आणि त्यामुळे होणारी बदनामी या भितीने त्या 28 वर्षीय विवाहित महिलेने भरपूर रॉकेल पिवून घेतले आणि त्यानंतर तब्येत खराब झाले. तिला नांदेडच्या सरकारी रुग्णालयात उपचारार्थ  दाखल करण्यात आले. तिने हा सर्व जबाब रुग्णालयात दिला. विमानतळ पोलिसांनी त्वरित फेरोज खाजामियॉ पठाणला आणले आणि विवाहितेच्या तक्रारीनुसार त्याच्याविरुध्द बलात्काराचा गुन्हा दाखल केला आणि त्यास अटक केली. पोलीस निरीक्षक सुभाष राठोड यांच्या मार्गदर्शनात या प्रकरणाचा तपास करणारे पोलीस उपनिरीक्षक शेख जावेद, पोलीस कर्मचारी गायकवाड, तांबारे, पाटील आणि रामदास सूर्यवंशी यांनी त्यास न्यायालयात हजर केले. सरकारी वकील ऍड. मोहंमद रजियोद्दीन यांनी तपासाच्या प्रगतीसाठी पोलीस कोठडी देणे हे आवश्यक असल्याचे न्यायालयासमक्ष मांडले. न्यायाधीश देशमुख यांनी आपल्या वहिणीवर बलात्कार करणाऱ्या फेरोज पठाणला दोन दिवस अर्थात 11 ऑगस्टपर्यंत पोलीस कोठडीत पाठविले आहे.

मारण्याचा प्रयत्न करणाऱ्या बडतर्फ पोलिसाला 5 दिवसांची पोलीस कोठडी

नांदेड (एनएनएल) जून महिन्यात मारामारी करुन एकाला जिवे मारण्याचा प्रयत्न केल्याप्रकरणी बीड जिल्ह्यातून बडतर्फ झालेल्या एका पोलिसाला प्रथमवर्ग न्यायदंडाधिकारी सी.व्ही.सिरसाट यांनी पाच दिवस पोलीस कोठडीत पाठविले आहे.

16 जून 2017 रोजी कुलभूषण टिप्परसे रा.सिडको यांनी दिलेल्या तक्रारीनुसार त्यांना आणि त्यांचा भाऊ सुदर्शन टिप्परसेला बळी इंगेवाडसह सहा जणांनी जिवे मारण्याचा प्रयत्न केला. या मारहाणीत सुदर्शन टिपरसेला फ्रॅक्चर झाले आहे. त्या प्रकरणी नांदेड ग्रामीण पोलिसांनी सात जणांविरुध्द भारतीय दंड विधानाची कलमे 307 सह अनेक कलमान्वये गुन्हा दाखल केला. पोलिसांनी याअगोदर सहा लोकांना पकडले आहे, ते सध्या न्यायालयीन कोठडीत आहेत. या प्रकरणातील सातवा आरोपी सुधाकर लक्ष्मणराव इंगेवाड (32) यास  पोलीस निरीक्षक सुनिल निकाळजे यांच्या मार्गदर्शनात नांदेड ग्रामीण पोलिसांनी पकडले. सुधाकर इंगेवाड हा अगोदर बीड जिल्ह्यात पोलीस होता. तेथे त्याच्याविरुध्द बलात्कार आणि विनयभंग असे गुन्हे दाखल झाले. त्यामुळे बीड पोलिसांनी त्यास सेवेतून बडतर्फ केल्याची माहिती सांगण्यात आली. आज पोलीस उपनिरीक्षक बी.बी.पवार, पोलीस कर्मचारी बालाजी लाडेकर, अंकुश पवार यांनी बडतर्फ पोलीस सुधाकर इंगेवाडला न्यायालयात हजर केले. गुन्ह्याच्या तपासासाठी पोलीस कोठडी आवश्यक असते हा मुद्दा सरकारी वकील ऍड. मोहंमद रजियोद्दीन यांनी मांडला. न्यायाधीश सिरसाट यांनी सुधाकर इंगेवाडला पाच दिवस पोलीस कोठडीत पाठविले आहे.

चारकोटी वृक्ष लागवड कार्यक्रमांचा हिमायतनगरात उडाला बोजवारा

समारोपाला लावलेली वृक्ष गेली वाळून...!

हिमायतनगर (एनएनएल) हिमायतनगर वनपरिक्षेत्रात येणाऱ्या तीनही परिमंडळात लावण्यात आलेल्या शेकडो वृक्षांचे जतन करण्यात वनविभागाच्या अधिकारी - कर्मचाऱ्यांनी कुचराई केल्यामुळे लावलेली अर्ध्याहून अधिक वृक्ष महिन्याभरातच वाळून गेली आहेत. परिणामी हिमायतनगर तालुक्यात चारकोटी वृक्ष लागवड योजनेचा बोजवारा उडाल्याने शासनाचा कोट्यवधींचा खर्च वाया गेल्याने शासनाच्या चार कोटी वृक्ष लागवडीचे स्वप्न भंगण्याजोगे चित्र दिसत आहे.

राज्यातील वनाच्छादनाचे प्रमाण सध्या १६ टक्के इतके आहे. वस्तुत: ३३ टक्के वृक्षाच्छादनाचे राष्ट्रीय उद्दिष्ट गाठण्यासाठी जवळपास ४०० कोटी वृक्ष लावावे लागतील. ३३ टक्के वृक्षाच्छादनाचा संकल्प पूर्ण करण्यासाठी सुरुवात म्हणून २०१६ मध्ये १ जुलै रोजी २ कोटी ८३ लाख वृक्ष राज्यभरात लावण्यात आले. पुढील तीन वर्षांत ५० कोटी वृक्ष लागवडीचे उद्दिष्ट आहे. यावर्षी ४ कोटी वृक्ष लागवड करण्याचे लक्ष्य ठरविण्यात आले असून, २०१८ मध्ये १३ कोटी तर २०१९ मध्ये ३३ कोटी वृक्ष लागवडीचे उद्दिष्ट ठरविण्यात आले आहे. यंदा सण २०१७ च्या पावसाळी खरीप हंगामाच्या सुरुवातीच्या ०१ जुलै ते ०७ जुलै पर्यंत संपूर्ण राज्यभरात चार कोटी वृक्ष लागवडीचा कार्यक्रम हाती घेण्यात आला. यासाठी वृक्ष लागवडी संबंधित वनविभागाच्या संबंधित वनपरिक्षेत्र अधिकाऱयांच्या देखरेखीखाली या मोहिमेत शालेय, माध्यमिक आणि महाविद्यालयीन विद्यार्थी, तसेच समाजातील सामाजीक सेवाभावी संस्था, संघटना यांना सामावून घेऊन वृक्ष लागवड योजनेबाबत जनजागृती करण्यात आली. नांदेड येथील वरिष्ठ अधिकार्यांनी दिलेल्या उद्देशानुसार वृक्ष लागवाड करण्यात आल्याचे सांगून, तालुक्यातील ५२ ग्रामपंचायतीला प्रत्येकी ३६४ वृक्ष लागवड मजुरांच्या हस्ते करण्यासाठी एकूण १८ हजार ९२६ वृक्ष वितरित केल्याची माहिती वनपरिक्षेत्र अधिकारी एस.एस.डोके यांनी हिमायतनगर तहसील कार्यालयासमोर संपन्न झालेल्या वृक्षारोपण कार्यक्रमाच्या समारोपदिनी दिली होती. प्रत्यक्षात मात्र बहुतांश ग्रामपंचायतीने ५० ते १०० वृक्ष लागवड करून हात झटकले. काही ग्रामपंचातीने तर वृक्ष लागवड करण्यात स्वारस्य दाखविले नसल्याचे चित्र तालुक्यात अनेक ठिकाणी दिसून येत आहे. ज्यांनी वृक्ष लागवड केली त्यांनी केवळ फूट - दीडफूट खड्डे करून झाडे लावल्याचा कांगावा केल्यामुळे  महिन्याभरातच अनेक झाडे मृत झाली आहेत. परिणामी मोठा गाजा - वाजा करून करण्यात आलेल्या शासनाच्या कोट्यवधी रुपयाच्या खर्चातून लावलेल्या वृक्ष लागवडीचा पूर्णतः बोजवारा उडाल्याचे चित्र हिमायतनगर तालुक्यात दिसून येत आहे. 


वृक्ष लागवडीसाठी महाराष्ट्र ग्रामीण रोजगार हमी योजनेतुन उभारण्यात आलेल्या तालुक्यातील सरसम बु, दुधड, वाशी आदी ठिकाणच्या रोपवाटीकेतून चिमण साग, जांभूळ, मोह, चिंच, सिसू, आवळा, बोर, करंज, इत्यादी प्राजातीची रोपे वाहतुकीने आणून हिमायतनगर शहरात अल्प दारात रोपविक्री केंद्रे उभारण्यात आली होती. तसेच दुधड, सोनारी, टाकराळा जंगल परिसरात जवळपास १२ हजार रोपे खड्डे खोदून लागवड करण्यात आली. तसेच हिमायतनगर येथील तहसील परिसरात शेकडो वृक्षाची लागवडीचा कार्यक्रम आ. नागेश पाटील आष्टीकर, जिल्हा परिषद अध्यक्ष शांताबाई जवळगावकर  यांच्या हस्ते सुरुवात करण्यात आला होता. तहसील परीसरात लावण्यात आलेल्या त्यासह जंगल परिसरात लावलेल्या झाडांची संगोपन करण्यात वनपरिक्षेत्र अधिकाऱ्यासह वनपाल व वृक्ष लागवड केलेल्या संबंधित कर्मचाऱ्यांनी कुचराई केल्यामुळे महिन्याभरातच ४० टक्के वृक्ष वाळून गेल्याचे चित्र दिसून येत आहे. 

अधिकाऱ्यांच्या दुर्लक्षामुळे वृक्षतोड वाढली 
हिमायतनगर वनपरिक्षेत्र अधिकारी एस.एस.डोके यांच्या जबाबदारीवर हिमायतनगर, सरसम बु, पोटा बु. या तीन परिमंडळाचा कारभार ३ वनपाल, ८ वनरक्षक, ४ वनमजुरांच्या माध्यमातुल चालविला जात आहे. हिमायतनगर परिमंडळात वाशी, सरसम परिमंडळात दरेसरसम, पवना, दुधड, वाळकेवाडी, पोटा बु.परिमंडळातील पोटा, वाई तांडा, टाकराळा, भोंडानी तांडा यासह तेलंगणा सीमेवर असलेल्या बॉर्डरवरून गेल्या काही महिन्यापासून सागवान, गहरी, सिसम, चंदन आदी मौल्यवान वृक्षाची मोठ्या प्रमाणात कत्तल करून तेलंगणातील माफिया तस्करी करत आहेत. याबाबतची माहिती संबंधितांना असताना याकडे जाणीवपूर्वक दुर्लक्ष केल्या जात असल्याने पर्यावरणाला धोका निर्माण झाला आहे. तसेच शासनाकडून केल्या जाणाऱ्या वृक्ष लागवडीचा फायदा कोणाला..? असा सवाल पर्यावरण प्रेमी नागरिक विचारीत आहेत.     

संतबाबा जोगिंदरसिंघजी मोनी सिलाई केंद्राची इमारत बांधण्याची मागणी

नांदेड (एनएनएल) संतबाबा जोगिंदरसिंघजी मोनी सिलाई केंद्राची इमारत अत्याधुनिक स्वरूपात बांधण्यात यावी, अशी मागणी संतबाबा जोगिंदरसिंघजी मोनी आणि कमला संधूसिंघजी ट्रस्ट, गुरू तेग बहाद्दर सेवक जत्था, मोनी बाबा हॉस्पिटल आणि पत्रकार रवींद्रसिंघ मोदी यांनी गुरूद्वारा बोर्डाच्या व्यवस्थापन समिती चेअरमन तथा उपजिल्हाधिकारी अनुराधा ढालकरी यांच्याकडे केली आहे.

सत्ताधाऱ्यांच्या खोट्या आश्वासनाला वैतागून गावातील तरूणांनी रस्त्यावरील खड्डे बुजविले

हिमायतनगर (एनएनएल) भोकर - किनवट राज्य महामार्गावर असलेल्या खडकी फाटा दीपनगर ते खडकी बा. या चार किलोमीटर रस्त्यावर मोठ मोठे खड्डे पडल्याने अपघाताचे प्रमाण वाढले आहे. याकडे सत्ताधारी व विरोधी पक्षाच्या नेत्यांनाच अक्षम्य दुर्लक्ष होत असल्याचा आरोप नागरीकातून केला जात आहे. त्यांच्या आश्वासनाला वैतागलेल्या खडकीच्या वाहनधारक युवक व गावकर्यांनी गांधीगिरीच्या मार्गातून रस्त्यावरील खड्डे बुजवून नेत्यांच्या नाकर्तेपणाचा निषेध केला आहे.

मंगळवार, ८ ऑगस्ट, २०१७

तिकिटाअभावी प्रवाश्याना करावा लागतो विनातिकीट प्रवास

रेल्वेप्रबंधकानी लक्ष देण्याची मागणी

हिमायतनगर (एनएनएल) मुदखेड - किनवट दरम्यान हिमायतनगर पासून ३ किमीवर असलेल्या मौजे खडकी बा. येथील रेल्वे स्थानकावर गेल्या महिन्या भरापासून रेल्वे तिकीटाची टंचाई निर्माण झाली आहे. परिणामी येथील प्रवाश्याना विनातिकीट प्रवास करून रेल्वे प्रशासनाच्या कार्यवाहीचा सामना करून आर्थिक भुर्दंड सोसण्याची वेळ आली आहे. तर रेल्वेचेही मोठे नुकसान होत असून, तात्काळ येथील रेल्वेस्थानकांवर तिकीट उपलब्ध करून द्यावेत. अशी मागणी ग्रामपंचायत व गावकऱ्यांच्या वतीने करण्यात आली आहे.

विहिप.वर्धापनदिनी कंधारात दहीहंडीचे आयोजन

पहिल्यांदाच सांस्कृतिक रंगारंग कार्यक्रमही रंगणार

कंधार (मयूर कांबळे) विश्व हिंदू परिषद वर्धापन दिन व श्रीकृष्ण जन्माष्टमी निमित्त कंधार शहरात दहीहंडीचे आयोजन दि .१४ ऑगस्ट रोजी शिवाजी चौक येथे करण्यात आले असून या दहीहंडी स्पर्धेत जिल्ह्यातील  जास्तीतजास्त  संघांनी सहभागी होण्याचे आवाहन आयोजक ॲड. गंगाप्रसाद यन्नावार यांनी केले आहे .कंधार च्या या दहीहंडीचा लहान थोरांना सह सर्वांना आंनद मिळावा म्हणून मोठ्या स्क्रीन लावण्यात

विकास योजना शेवटच्या घटकांपर्यत पोहचविण्यासाठी

प्रयत्नशील रहावे - विभागीय आयुक्त डॉ. भापकर 

नांदेड (अनिल मादसवार) केंद्र व  राज्य शासनाच्या विविध विकास योजना नागरिकांसाठी उपलब्ध आहेत. त्याचा लाभ शेवटच्या घटकांपर्यंत पोहचविण्यासाठी अधिकारी, कर्मचाऱ्यांनी प्रयत्न केले पाहिजे, असे निर्देश विभागीय आयुक्त डॉ. पुरुषोत्तम भापकर यांनी दिले. 

नांदेड जिल्हाधिकारी कार्यालय परिसरातील डॉ. शंकरराव चव्हाण नियोजन भवनात जिल्ह्यातील

घोगरे यांच्यावर अज्ञात गुंडाकडून झालेल्या हल्ल्याची चौकशीची मागणी

नविन नांदेड (रमेश ठाकूर) नांदेड वाघाळा शहर महानगरपालिकेचे माजी विरोधी पक्ष नेते तथा राष्ट्रवादी काँगेसचे शहर जिल्हा कार्याध्यक्ष जीवन पाटील घोगरे यांच्यावर दि.06 ऑगस्ट रोजी मालकीच्या असलेल्या हडको येथील प्लॉटवरुन घरी जात असताना पूर्वीपासूनच पाळत ठेवलेल्या अज्ञात 15 ते 20 गुंड येऊन अंधाराचा फायदा घेऊन हल्ला

सिडको भाजपा युवा मोर्चा अध्यक्ष पदी डिगांबर कात्रजकर यांची निवड

नविन नांदेड (एनएनएल) सिडको भाजपा युवा मोर्चाच्या अध्यक्ष पदी डिगांबर कात्रजकर यांची नियुक्ती शहर जिल्हा अध्यक्ष दिलीपसिंघ सोडी यांनी एका नियुक्ती पत्राद्वारे केले असून त्यांनी केलेल्या कार्याची दखल घेत ही नियुक्ती करण्यात आली आहे.

भाजपा पक्षात यापूर्वी डिगांबर कात्रजकर यांनी

वसरणी ते श्री औंढा नागनाथ पदयात्रेचे उत्साहात स्वागत

नविन नांदेड (एनएनएल) श्रावणमासानिमित्त वसरणी ते श्री औंढा नागनाथ पर्यंत निघालेल्या पदयात्रेचे उत्साहात स्वागत शिवसेनेचे संजय जोंधळे यांनी वसरणी येथे स्वागत केले व सहभागी भक्तांना फळे वाटप करण्यात आले.

वसरणी येथून औंढा नागनाथ पदयात्रेचे आयोजन भालचंद्र मोळके यांच्या वतीने करण्यात आले होते. या

खोटे कागदपत्र बनवण्याच्या आरोपातील महिला वकिलाला

मिळाला अंतरिम अटकपूर्व जामीन 

नांदेड (एनएनएल) न्यायालयातील खटल्यांदरम्यान बनावट व खोटे कागदपत्र तयार करुन एका गुन्हेगाराची जामीन दिल्याप्रकरणी जिल्हा न्यायाधीश गिरीश गुरव यांनी एका महिला वकीलाला अंतरित अटकपूर्व जामीन दिला आहे.

न्यायालयातील सहायक अधीक्षक प्रल्हाद किशनराव सोनटक्के यांनी 2 ऑगस्ट 2017 रोजी पोलीस ठाणे वजिराबाद येथे तक्रार दिली होती की, प्रथमवर्ग

डॉ विकास केंद्रेची पोलीस कोठडी तिसऱ्यांदा वाढली

नांदेड (एनएनएल) जिल्हा परिषदेचे सेवानिवृत्त उपमुख्य कार्यकारी अधिकारी पद्माकर केंद्रे यांचा मुलगा डॉ.विकास केंद्रेला प्रथमवर्ग न्यायदंडाधिकारी महेंद्र सोरते यांनी तिसऱ्या वेळेस  10 ऑगस्टपर्यंत पोलीस कोठडी वाढवून दिली आहे.

सेवानिवृत्त उपमुख्य कार्यकारी अधिकारी पद्माकर केंद्रे, त्यांची पत्नी, मुले डॉ.विकास आणि डॉ.तुषार, मुलगी प्रतिक्षा, एक खाजगी रुग्णालयाचा डॉक्टर आणि एक सेवक अशा लोकांविरुध्द त्यांनी डॉ.विकासची पत्नी डॉ.चेतनाला कोरे इंजेक्शन खून

प्राध्यापकाला जातीवाचक शिवीगाळ आणि मारहाण करणाऱ्या

एनएसयूआयच्या अध्यक्षाला सक्तमजुरीसह 17 रोख दंड 

नांदेड (एनएनएल) यशवंत कॉलेजमधील अर्थशास्त्र विभाग प्रमुख प्राध्यापकाला एका विद्यार्थ्याला चुकीचा प्रवेश द्यावा यासाठी जातीवाचक शिवीगाळ करुन मारहाण करणाऱ्या एनएसयुआय च्या अध्यक्षाला नांदेडचे सहावे जिल्हा न्यायाधीश हरीभाऊ वाघमारे यांनी तीन वर्ष सक्तमजुरी आणि 17 हजार रुपये रोख दंड अशी शिक्षा ठोठावली आहे. दंडाच्या रकमेतील दहा हजार रुपये प्राध्यापक बिऱ्हाडे यांना देण्याचे आदेश न्यायालयाने दिले आहेत.

विदेशी दारुची वाहतुक करणाऱ्या कार सह चार लाखाचा मुद्देमाल जप्त

माहुर पोलीसांची नाकाबंदी मध्ये कार्यवाही
माहुर (एनएनएल) पुसद वरुन माहुर शहरात दाखल झालेल्या मारोती एस. ऐक्स.फोर या कारची टि पाईंट येथे नाका बंदी करुन तपासणी केली असता सपोनी शिवप्रकाश मुळे यांना गाडीत खचाखच भरुन असलेले विदेशी दारुचे बाॅक्स आढळून आल्याने गाडी व चालका ला ताब्यात घेऊन त्यांचा वर कार्यवाही करण्यात आली.हि धडाकेबाज कार्यवाही आज दि.8 (मंगळवार)रोजी सकाळी पाच वाजेच्या दरम्यान करण्यात आली.

जिल्हाधिकारी व आ.प्रदिप नाईक यांच्या चर्चेत शेतकरी हिताचा निर्णय !

संभाव्य पाणीटंचाईवर मात करण्यासाठी 
बंधाऱ्याचे दारे ऐन पावसाळ्यात बंद करण्याची वेळ ! 

माहुर (सरफराज दोसाणी) माहुर तालुक्यात अत्यअल्प झालेल्या पावसा मुळे पिके कोरपु लागली असुन पावसाळ्यात हि पेयजल समस्या अनेक गावात उद्भवली आहे.संभाव्य पाणी टंचाई लक्षात घेता आ.प्रदिप नाईक यांनी जिल्हाधिकारी अरुन डोंगरे यांच्या सोबत चर्चा करून तातडीने दिगडी बंधाऱ्याचे दार बंद करण्याचा निर्णय घेतला आहे.

माहुर/किनवट तालुक्यातील नागरिकांसाठी वरदान ठरलेल्या दिगडी,मोहपुर,साकुर च्या बंधार्याची दारे शासन निर्णया नुसार पावसाळा लागताच काढण्यात आली होती.मात्र सध्या तालुक्यात सरासरी पेक्षा केवळ 30 टक्के पाऊस पडल्याने नादी, नाले, तलाव,

मुंबई मराठा क्रांती मोर्चास नांदेडहुन हजारो समाजबांधव रवाना

नांदेड (एनएनएल) कोपर्डी घटनेतील नाराधमांना तत्काळ फाशी द्या, मराठा आरक्षण, स्वामीनाथन आयोग व शेतकऱ्यांच्या कर्ज माफी यासह विविध मागण्यांसाठी महाराष्ट्राची राजधानी मुंबई येथे  ९ ऑगस्ट क्रांती दिनी काढण्यात येणाऱ्या राज्यव्यापी मराठा क्रांती मूक मोर्च्यासाठी नांदेडातून हजारो समाजबांधव मुंबईला रवाना झाले.

माझी आई

अहो ते तुम्ही लग्नाच्या वेळेला म्हनता ना, सात जन्म मला हिच बायको मिळु दे किंवा सात जन्म हाच नवरा मिळु दे... हो हो तुम्हाला नक्कीच मिळेल, पण ज्या आईने आपल्यासाठी नऊ महीने सतत दुःख सहन केले त्या आईबद्दल आपन कधी अस म्हटल आहे का की सात जन्म मला ह्याच मायेच्या पोटी जन्माला येऊ दे...असो तो आपआपला जिवनाचा भाग आहे म्हणा अथवा न म्हणा.

महाविद्यालयीन स्तरावर संशोधनासाठी आर्थिक सहाय्य उपलब्ध

संधीचा फायदा घेण्याचे कुलगुरु डॉ. पंडित विद्यासागर यांचे आवाहन 

नांदेड (एनएनएल) राजीव गांधी सायन्स अँड टेकनॉलॉजी कमिशन, मुंबई यांच्या मार्फत संशोधनासाठी आर्थिक सहाय्य उपलब्ध करुन देण्यात येत असते. स्वामी रामानंद तीर्थ मराठवाडा विद्यापीठाने शिफारस केल्यानंतर आर्थिक सहाय्य मिळत असते. महाविद्यालयीन स्तरावर शेती विषयक, सांडपाणी विषयक इत्यादी समाज उपयोगी कोणताही विषय घेऊन विद्यार्थ्यांनी संशोधन करुन आर्थिक सहाय्य मिळवावे. ही विद्यार्थ्यांसाठी खूप मोठी संधी आहे. यासंधीचा फायदा घ्यावा, असे आवाहन  कुलगुरु डॉ. पंडित विद्यासागर यांनी केले. 

परिसर स्वछ ठेवून आरोग्याची काळजी घ्या -काकडे

नांदेड (एनएनएल) परिसर स्वछ ठेवून नागरिकांनी आपल्या आरोग्याची काळजी घ्यावी असे आवाहन जि. प.सदस्य गंगाप्रसाद काकडे यांनी केले. 

बळीरामपुर येथे आरोग्य सदर्भात घेण्यात आलेल्या बैठकीत बोलत होते,यावेळी सरपंच अमोल गोडबोले,माजी सरपंच नागोराव आंबटवार,गणपत चिंतेवार, इंद्रजीत पांचाळ,माजी उपसरपंच किशन गव्हाणे,शिवराज दासरवार,ग्राम विकासाधिकारी एच .वाडेकर ,तुप्पा आरोग्य केंद्राचे आरोग्य अधिकारी

भाषेचे संवर्धन म्हणजे राष्ट्राचे संवर्धन !

राजर्षीच्या लेखन कार्यशाळेत डॉ. अच्युत बन

नांदेड (एनएनएल) चीन-जपानसारखे देश आपली स्वत:ची भाषा टिकवूनच प्रगत झाले आहेत. आपल्या भाषेचे संरक्षण-संवर्धन करणे म्हणजे पर्यायाने राष्ट्राचे संवर्धन करणे असते, असे प्रतिपादन मराठीतील महत्त्वाचे प्रवासवर्णनकार डॉ. अच्युत बन यांनी केले. येथील राजर्षी शाहू विद्यालयात आयोजित लेखन कार्यशाळेत ते बोलत होते. कार्यक्रमाच्या अध्यक्षस्थानी मुख्याध्यापक डॉ. सुरेश सावंत हे होते. यावेळी उपमुख्याध्यापक एस. आर. कुंटूरकर, ऍड. अंजना गव्हाणे (बोखारे), टी.एन. रामनबैनवाड यांची प्रमुख उपस्थिती होती.

अण्णाभाऊ साठे हे विज्ञानवादी विचारवंत होते - चंद्रप्रकाश देगलूरकर

नांदेड (एनएनएल) ही पृथ्वी शेषाच्या मस्तकावर नसून श्रमिकांच्या तळ हातावर तरलेली आहे असे सांगून अण्णाभाऊ साठे यांनी दैववाद व अंधश्रद्धेचा विचार नाकारला असून ते विज्ञानवादी विचारवंत होते असे प्रतिपादन अखिल भारतीय गुरु रविदास समता परिषदेचे नेते चंद्रप्रकाश देगलूरकर यांनी केले. 

बालाजीनगर, नांदेड येथे साहित्य सम्राट अण्णाभाऊ साठे यांच्या ९७ व्या जयंती कार्यक्रमात अध्यक्षीय समारोपप्रसंगी चंद्रप्रकाश देगलूरकर बोलत होते. आम आदमी पक्षाचे जिल्हाध्यक्ष फारुख अहमद यांची यावेळी

'सैराट' प्रमाणे मराठवाडी बोलीत चित्रपट आवश्यक - प्रा. मिथुनचंद्र चौधरी

नांदेड (अनिल मादसवार) 'सैराट' ज्याप्रमाणे पश्चिम व दक्षिण महाराष्ट्रातील बोलीवर आधारलेला आहे. त्याप्रमाणे मराठवाडी बोलीत चित्रपट निर्माण करणे आवश्यक आहे. समाज, संस्कृती आणि चित्रपट अधिक प्रभावी बनवण्यासाठी संवेदनशील मने लागतात, असे मत 'सैराट'चित्रपटाचे सहाय्यक दिग्दर्शक तसेच पणजी येथील डॉन बास्को महाविद्यालयातील जनसंवाद विभागाचे समन्वयक

सामाजिक न्यायमंत्री ना.बडोले यांच्याशी मंगेश कदम यांची सामाजिक प्रश्नांवर चर्चा

नांदेड (एनएनएल) राज्याचे सामाजिक न्यायमंत्री ना.राजकुमार बडोले यांच्यासोबत सामाजिक प्रश्नांवर सामाजिक कार्यकर्ते मंगेश कदम यांची दीड तास चर्चा झाली आहे.

मुंबई येथील `सातपुडा' निवासस्थानी ना. बडोले यांची कदम यांनी भेट घेतली. या भेटीदरम्यान समाजातील दलित, आदिवासी विद्यार्थ्यांच्या समस्या, आदिवासी आश्रम शाळेतील विद्यार्थ्यांना मिळणाऱ्या सुविध अपुऱ्या आहेत. विद्यार्थींनीच्या महिला वार्डनची

मुखेड शहरात चालतो म्हणे बनावट नोटरीचा व्यवसाय

नांदेड (एनएनएल) मुखेड शहरात एक मुद्रांक विक्रेता हा आपल्या वकील भावाच्या नावावर नोटरी कागदांवर खोट्या स्वाक्षऱ्या करीत असल्याची तक्रार अखिल भारतीय सेनेचे जिल्हाप्रमुख बालाजी जोगदंड

संचित रजेचा फरार कैदी संतोष धुतराजला एका जीवघेणा हल्ला प्रकरणात कोठडी

नांदेड (एनएनएल) सन 2010 मध्ये मारोती म्हेत्रेचा खून करुन जन्मठेपेची शिक्षा झाल्यानंतर संचित रजेवर आलेल्या एका कैद्याने दुसऱ्या भावावर जिवघेणा हल्ला केला त्यासाठी दुसऱ्या प्रथमवर्ग न्यायदंडाधिकारी सी.व्ही.सिरसाट यांनी त्या हल्लेखोराला दोन दिवस अर्थात 9 ऑगस्ट पोलीस कोठडीत पाठविले आहे.

काही दिवसापूर्वी तळणी शिवारात लातूर पोलिसांनी

अल्प भूधारक शेतकऱ्याचे दुःख जाणून घेण्यास नेते-अधिकारी यांना वेळच नाही

फोटो काढण्यात मग्न; आत्महत्या केलेतर जबाबदार कोण ?
नांदेड (रामप्रसाद खंडेलवाल) भारतात सर्वसामान्य माणूस हा शासनाचा केंद्रबिंदू असतो. महाराष्ट्र शासनाने जलयुक्त शिवार योजना तयार करुन सर्वसामान्यांना त्याचा लाभ मिळावा यासाठी प्रयत्न सुरु केले खरे पण विळेगाव (ध.) ता.धर्माबाद येथील एका अल्पभूधारक शेतकऱ्याची 16 आरपैकी 13 आर

न्यायालयात 7 लाख रुपये न भरणाऱ्या एकाचा ट्रक जप्त केला बेलिफानी

नांदेड (एनएनएल) एक मोटार अपघात प्रकरणात मोटर मालकांविरुद्ध ७ लाख रुपये तक्रारदार महिलेला देण्याचे आदेश सन 2008 पूर्वीच झालेले असतांना आज त्या ट्रक मालकाचा एक ट्रक न्यायालयाच्या बेलिफाने पोलिसांच्या मदतीने पकडून आणल्याने आपल्या घरातील कर्ता पुरुष गमावणाऱ्या महिलेला काहीतरी आर्थिक मदत मिळणार असे चित्र दिसते आहे.

मोटार अपघात प्रकरण क्रमांक 39/2005 मध्ये विमलबाई या महिलेने आपल्या घरातील कर्ता पुरुष एका अपघातात मरण पावल्याने मोटर वाहन कायद्यातील तरतूनीनुसार खटला दाखल केला.त्या खटल्यात अपघात करणाऱ्या वाहनाचा

खुले मे शौच से आझादी व संकल्‍प स्‍वच्‍छतेचा स्‍वच्‍छ महाराष्‍ट्राचा अभियानाला आजपासून प्रारंभ

नांदेड (एनएनएल) केंद्र शासनाच्‍या वतीने खुले मे शौच से आझादी व राज्‍य शासनाच्‍या वतीने संकल्‍प स्‍वच्‍छतेचा स्‍वच्‍छ महाराष्‍ट्र अभियानाला आजपासून प्रारंभ होत आहे. या अभियानाची गावस्‍तरावर शौचालय बांधकाम, त्‍याचा वापर व परिसरातील स्‍वच्‍छता या विषयावर भर देण्‍यात येणार असल्‍याची माहिती नांदेड जिल्‍हा परिषदेचे मुख्‍य कार्यकारी अधिकारी अशोक शिनगारे यांनी दिली आहे.

दिनांक 9 ऑगस्‍ट ते 15 ऑगस्‍ट 2017 या कालावधीत खुले मे शौच से आझादी तर 9 ऑगस्‍ट ते 2 ऑक्‍टोबर 2017 या कालावधी संकल्‍प स्‍वच्‍छतेचा स्‍वच्‍छ

माजी खा. सुभाष वानखेडे यांनी दरेसरसम तलावाचा प्रस्ताव मंत्रालयात रेटला

शेतकऱ्यांसह घेतली जलसंपदामंत्री गिरीश महाजन यांची भेट 


हिमायतनगर (एनएनएल) मागील सात वर्षांपासून रखडलेल्या दरेसरसम - पवनाच्या मध्ये जंगलाच्या पायथ्याशी असलेल्या सुना तलावाचा प्रश्न माजी खा. सुभाष वानखेडे यांच्या पुढाकारामुळे मार्गी लागणार आहे. लवकरच काम सुरु करण्यात येईल असे आश्वासन जलसंपदा मंत्र्यांनी दिल्याने शेतकऱ्यांच्या अश्या पल्लवित झाल्या आहेत.

तालुक्यातील मौजे दरेसरसम तलावाचा प्रश्न गेल्या ७ वर्षांपासून शेतकरी व शासनाच्या मधील

वीज कोसळल्याने सिरंजनी येथील शेतकऱ्याच्या शेतातील घराला आग

३ लाख ६० हजारांचे नुकसान 
शेतकरी कुटुंब व जनावरे बालंबाल बचावले 

हिमायतनगर (अनिल मादसवार) तालुक्यातही मौजे सिरंजनी येथील शेतात वास्तव्यास राहणाऱ्या घरावर दि.०७ च्या मध्यरात्रीच्या सुटलेल्या वादळी वाऱ्यात वीज कोसळून अखे घर खाक होऊन साढेतीन लाखाचे नुकसान झाले आहे. दैव बालवत्तर म्हणून घरातील कुटुंब व आखाड्यावरील जनावरे बालंबाल बचावले आहेत.

याबाबत सविस्तर वृत्त असे कि, तालुक्यातील मौजे

भावाला राखी बांधण्यासाठी जाणाऱ्या बहीनीचा अपघातात मृत्यू



नायगाव बाजार (प्रभाकर लखपत्रेवार) मोटारसायकल ट्रकने पाठीमागून धडक दिल्याने पत्नी जागीच ठार झाली तर पती व दोन चिमुकले बालंबाल बचावल्याची घटना सोमवारी दुपारी बारा वाजता. नांदेड नरसी महामार्गावर नायगाव बसस्थानकावर घडली. अपघातानंतर चालक ट्रकसह पळून जात असताना रामतीर्थ पोलिसांनी नरसीजवळ पकडले. मयत महीला भावाला राखी बांधण्यासाठी आंध्रप्रदेशातील
जुक्कल येथे असतांना हा दुदैवी अपघात घडला.

पूजा गायकवाड यांच्या कवितांनी श्रोत्यांना केले मंत्रमुग्ध

नांदेड (एनएनएल) युवा सेनेच्या वतीने कवि संमेलनाचे आयोजन करण्यात आले. या कवि संमेलनात सौ. पूजा निवृत्ती गायकवाड यांनी सादर केलेल्या कवितांना श्रोत्यांनी भरभरुन प्रतिसाद दिला.


युवा सेनेच्या वतीने आयोजित या कवि संमेलनात

काष्‍ट्राईब संघटनेच्या कर्मचारी महासंघ राज्‍य सरचिटणीसपदी निवड

नांदेड (एनएनएल) जिल्‍हा परिषदेतील काष्‍ट्राईब संघटनेचे ज्‍येष्‍ठ नेते सतिश कावडे यांची काष्‍ट्राईब कर्मचारी महासंघाच्‍या राज्‍य सरचिटणीसपदी निवड झाली आहे.

जिल्‍हा परिषदेच्‍या जिल्‍हा ग्रामीण विकास यंत्रणा विभागात कार्यरत असणारे काष्‍ट्राईब संघटनेचे ज्‍येष्‍ठ नेते सतिश कावडे हे मागील पंधरा वर्षापासून जिल्‍हा परिषदेमध्‍ये कार्यरत आहेत. जिल्‍हा परिषद

कंधार न.पा.च्या दोन जागेसाठी लवकरच पोट निवडणुकिची शक्यता

हि फक्त झाकी, हुकमाचा एक्का बाकी...
काँग्रेसचा मुगैम्बो खुश हुआ....                                                  
कंधार (मयुर कांबळे) कंधार नगर पालीका निवडणुकीस एकदंरीत आठ महीन्याचा कालावधी झाला आहे.या आठ महिन्यात काय घडले हे सर्व जनतेनी पाहीले आहे.कोण खरं बोलतय व कोण खोट बोलतोय हे माञ आज पर्यंत जनतेला समजु शकले नाही. नगराध्यक्षा सौ.शोभाताई नळगे यांना नगराध्यक्ष पदावरुन हटवण्यासाठी शिवसेना शासनाकडे प्रर्यंत्न करत आहे. हे सर्व चालु आसतानाच  शिवसेनेच्या दोन नगरसेवकांनी सहा महिने होऊन गेले