NEWS FLASH मराठा आरक्षण आंदोलन में नांदेड जिले का २४ लाख २५ हजार का हुवा नुकसान, आंदोलन में द्वेषभावना से कार्यरत आदोलंकारियो को ढुंढाने का काम सुरू - नांदेड पुलिस अधीक्षक संजय जाधव ..., **

शनिवार, २६ डिसेंबर, २०१५

हिमायतनगर परिसरात नंदीवाल्याचे आगमन

गळ्यात बघा घुंगरु गुबु-गुबु वाजतोय... मालकाच्या इश्यार्‍यावर नंदी कसा वागतोय !

नांदेड(अनिल मादसवार)कडाक्याच्या थंडीत सकाळच्या प्रहरी नंदीबैलवाल्यांचे जिल्ह्यातील हिमायतनगर शहरात आगमन झाले असून, कोवळ्या उन्हाची उब आणि नंदीचे घुंगरू व ढोलकीची गुबुगुबू आवाजाने अनेकांना महाराष्ट्राच्या सामाजिक संस्कृतीच्या परंपरेचे दर्शन घडून येत आहे. 

थोर साधुसंताची भुमी असलेल्या महाराष्ट्राला स्वतहाची अशी सांस्कृतीक आणि वैभवशाली परंपरा आहे. या परंपरांची जपवणुक आजच्या धका-धकीच्या जिवनात देखील प्रत्येक महाराष्ट्रीयन मराठी माणुस आप-आपल्या परिने करतांना दिसतोय. अनेक सन-उत्सव, यात्रा महोत्सव आणि पारंपारीक कार्यक्रम आजही महाराष्ट्रामध्ये मोठ्या आनंदाने आणि उत्साहाने साजरी होतात. कितीही वैज्ञानीक प्रगती मानसांनी केली तरी पारंपारीक कार्यक्रमातील रस व माधुर्य आजही कायम आहे. वासुदेव, गोंधळी, संबळ वादक, अदिवासी नृत्य, बंजारा नृत्य, लेझीम, वाघ्या मुरळी, सनई वादन, आदिंसह नंदिवाल्यांची फेरी हे सर्व महाराष्ट्राच्या संस्कृतीक परंपरेचे दर्शन घडवीतात. आज काहीप्रमाणात या कलांचा लोकांना विसर पडु पहात आहे. परंतु जर असा कार्यक्रम कुठे रस्त्यावर किंवा चौकात असेल तर त्या टिकाणी अबाल वृध्दासह तरुण युवक नौकरदार सगळेच थांबतात आणि कार्यक्रमाचा मनमुराद आनंद घेतात. 

असाच एक प्रसंग दि. २६ शनिवारी सकाळी 8 वाजता हिमायतनगर शहरातील प्रभाग क्रमांक ०१ मधील वरद विनायक तथा शनि मंदिराकडे जाणार्या रस्त्यावर दिसून आला आहे. गेल्या काही दिवसापासून पडू लागलेल्या कडाक्याच्या थंडीने सर्वच अबल वृद्ध हे कोवळ्या उन्हाची उब मिळविण्यासाठी बसले होते. अचानक घुंगराचा आवाज ऐकू आला. वळून पाहताच काय बर्याच वर्षानंतर यवतमाळ जिल्ह्यातील गोकुळनगर ता.वणी येथून तालुक्यातुन आलेले गुरव समाज बांधव आणि मारोती नावाच्या नंदिबैलासह ढोलकीवर गुबुगुबू वाजवत येत होता. या आवजाने शेकडो बालके, अबाल वृद्ध, मुले - मुली व कामाला जाणार्यांना आपल्याकडे आकर्षित केले. कडाक्याच्या थंडीत कोवळ्या उन्हाची उब त्यात ढोलकीचा गुबु-गुबु असा आवाज आणि नंदीबैलांचा आकर्षक पेहराव घुंगरुंची रुणझुण ढोलकीची ढुमढुम एैकुन प्रत्येक जन कुतुहलाने गोलाकार थांबले. आणि जोशी बुवांनी आपला कार्यक्रम सुरु केला. पावने चार क्विटंल वजन असलेल्या नंदिचे चारीपाय स्वतहाच्या मांडीवर ठेवने, तोंडात माण घालणे, मांडीवर लंगडी खेळणे, पोटावर पाय देणे, चष्म्यावाल्याचे, टोपीवाल्यांचे, म्हातार्‍याचे, टक्कल पडलेल्याचे, नवविवाहीताचे, व्याहयाचे नाव ओळकणे, दोन पाय मांडीवर ठेऊन नाचने, दोन पाय जमिनीवर एक पाय मांडीवर एक पाय खांद्यावर ठेवणे, चित्रपटाती गान्यातील ठेक्यावर नाचने, दारु पिणारा ओळखणे, सखुबाईला, सदाशिव, मिनाताईला, मिशावाला, बिनमिशावाला, ल्गानापुर्वी बायकोला स्वप्नात पाहणार्यासह मोना मॅडमला ओळखणे हे आणि ईतर अनेक मनोरंजनाचे व तोंडात बोट घालायला लावणारे आश्चर्यजनक खेळ नंदिवाल्याच्या या नंदिनीं गावातील चौका - चौकात केले. या नंदिचे वय वर्ष ३ असल्याचे सांगून चंद्रपूरच्या महाकालीचा सोडलेला असल्याचे नंदिचे मालक संदीप गजर यांनी नांदेड न्युज लाईव्हशी वार्तालाप करतांना सांगीतले. 

संपुर्ण महाराष्ट्र, विदर्भासह गुजरात, मध्यप्रदेश, तेलंगाना, आंध्रप्रदेश कर्नाटक, इत्यादी प्रांतत देखील ते आपले कला आणि गुण दाखवत असतात. त्यांच्या आजोबा - पंजोबापासुन परंपरेने त्यांनी हा रिवाज स्विकारला असुन, मुक्या प्राण्याला ऐवढ शिकवीणारे आम्ही मात्र शासनाकडुन उपेक्षीत असुन, शासनाकडुन कसलीच मदत किंवा आमच्या मुला बाळांसाठी शिक्षण किंवा इतर कोनत्याही गोष्टी मिळत नसल्याची खंत संदीप ताराचंद गजर वय २७ वर्ष यांनी व्यक्त केली. गावोगावी भटकंती करत फिरणारा हा समाज खरचं महाराष्ट्राच्या सांस्कृतीक परंपरेला जोपासणारा एकमेय अव्दीतीय समाज आहे. शासनाने त्यांच्या उत्थानासाठी प्रयत्न करणे काळाची गरज आहे. 

रविवार, २० डिसेंबर, २०१५

आजी- माजी आमदारांची प्रतिष्ठा पनाला

काँग्रेस - सेनेच्या तिकीट वाटपावरून कही ख़ुशी - कहीं गम 

हिमायतनगर(अनिल मादसवार)नगर पंचायत निवडणुकीच्या रणधुमाळीला सुरुवात झाली असून, प्रमुख राजकीय पक्ष असलेल्या काँग्रेस व शिवसेनेत तिकीट वाटपावरून अनेक निष्ठावंत कार्यकर्त्यांवर अन्याय झाल्याच्या भावनेने तर काही उमेदवारी पदरात पडून घेण्यात यशस्वी झाल्याने कार्यकर्त्यामध्ये कहीं ख़ुशी कहीं गम असे चित्र चौकाचौकात सुरु असलेल्या चर्चेवरून दिसून येत आहे.

हिमायतनगर नगर पंचायतीत शिवसेना आणि काँग्रेस पक्षाच्या उमेदवारामध्ये सरळ लढत होणार असून, दोन्ही पक्षांच्या निष्ठावंत कर्त्यांनी पक्षाची उमेदवारी मिळेल या आशेने उमेदवारी दाखल केली होती. परंतु उमेदवारी दाखल करण्याच्या शेवटच्या दिवशी अचानक घडलेल्या राजकीय घडामोडीवरून पक्षाची उमेदवारी मिळो अथवा न मिळो याची अशा न बाळगता अपक्ष उमेदवारी अर्ज दाखल केले आहेत. याचा फटका अधिकृत उमेदवाराला सहन करावा लागण्याची शक्यता दिसून येत आहे. काँग्रेस पक्षाने वार्डातील इच्छुक उमेदवारांना डावलून दुसर्या वार्डातील उमेदवार लादल्याने संबंधित प्रभागातील इच्छुक उमेदवारावर अन्याय झाल्याच्या भावनेने संतप्त कार्यकर्ते सुडाची भाषा वापरात आहेत. तर शिवसेनेने निष्ठावंत कार्यकर्त्यांना डावलून उपर्यांना संधी दिल्याने शिवसैनिकांची गुपचिळी काय चित्र निर्माण करणार हे आगामी काळात दिसणार आहे.  

पक्षांची अधिकृत उमेदवारी मिळविण्यासाठी " फिल्डिंग " लावणाऱ्या कार्यकर्त्यांना ऐनवेळी डावलल्याने दोन्ही पक्षांच्या कार्यकर्त्यांची समजूत काढण्यासाठी स्थानिक पक्ष नेतृत्वाला " कस " लावावा लागणार आहे. अनेकांची मनधरणी करण्याचे प्रयत्न चालू झाले आहेत. नामनिर्देशन पत्र मागे घेण्याची तर्ख २८ डिसेंबर असल्याने त्या नंतर दोन्ही पक्षांच्या लढतीचे खरे चित्र स्पष्ट होणार आहे.  

अमर राजुकारांची घोषणा ठरली वल्गना
-----------------------------------
विधानपरिषद सदस्य अमर राजूरकर यांनी नुकत्याच इच्छुक कार्यकर्त्यांच्या मुलाखती घेवून हिमायातनगर येथे दुसर्या वार्डातील उमेदवार लादणार नाही. असे ठोस आश्वासन देत इच्छुकांना संधी देणार असल्याची घोषणा केली होती. परंतु अनेक प्रभागामध्ये त्याच वार्डातील निष्ठावंत इच्छुक उमेदवारांना डावलून दुसर्या वार्डातील उमेदवार आयात करून उमेदवारी दिल्याने अमर राजूरकर यांची घोषणा वल्गना ठरली आहे. त्यामुळे नाराज झालेल्यांचा फटका कॉंग्रेस पक्षाला व विधान परिषदेचे सदस्यपद मिळवण्यासाठी धडपडणाऱ्या राजूर करांना घातक ठरणार आहे. 

पाणी पुरवठा योजना पाण्यात घालणाऱ्यास शिवसेनेची उमेदवारी 
-----------------------------------
हिमायतनगर शहराची २.१८ लाख ६६ हजारची पाणी पुरवठा योजनेच्या सुरुवातीलाच ६ लाखाचा अपहार करणाऱ्या तत्कालीन अंगठे बहाद्दर महिला सचिवास शिवसेनेने उमेदवारी बहाल केली आहे. यामुळे शहरातील नागरिकही सदरील उमेदवारास पाण्यात पाहत असून, या उमेदवारामुळे शिवसेनेलाही याचा दगाफटका बसण्याची शक्यता निर्माण झाली आहे. 

रविवार, १३ डिसेंबर, २०१५

बिबट्याने केली वासराची शिकार

टाकराळा परिसरात बिबट्याने केली वासराची शिकार...परिसरात भीतीचे वातावरण


नांदेड(अनिल मादसवार) हिमायतनगर तालुक्यातील मौजे टाकराळा शिवारात बिबट्याने एका वासराची शिकार केल्याची घटना दि.१२ च्या मध्यरात्रीला घडली आहे. या घटनेमुळे शेतकरी व गावकर्यामध्ये भीतीचे वातावरण निर्माण झाले असून, शेतकर्याने जागलीवर जाने सोडले आहे. 

याबाबत सविस्तर असे कि, नांदेड - किनवट रस्त्यावर असलेल्या तालुक्यातील मौजे टाकराळा गाव हे तेलंगाना - मराठवाड्याच्या जंगलाच्या पायथ्याशी वसलेले आहे. यावर्षी अल्प पावसामुळे जंगलातील झाडांची पांगली होऊन जंगल भकास होत असून, पाणवठे आटल्याने जंगलात पाण्याचे दुर्भिक्ष जाणवत आहे. त्यामुळे तहानलेले वन्य प्राणी मानवी वस्तीकडे किंवा शेती आखाड्यावर पाण्याच्या शोधात भटकत आहेत. अशीच भटकंती करणारा एका बिबट्या टाकराळा येथील शेतकरी बालाजी किशनराव शिंदे यांच्या शेतावळ असलेल्या तलावावर पाणी पिण्यासाठी दि.१२ डिसेंबरच्या रात्रीला आला. तहान भागवून भक्षाच्या शोधात मध्यरात्री शिंदे यांच्या आखाड्यावरील २ ते २.५ वर्ष वय असलेल्या वासरावर हल्ला करून शिकार केली. हा प्रकार शेतकरी सकाळी शेतात आला असता निदर्शनास आला, त्यांनी सदरील घटनेची माहिती पोटा बु.परिसरातील वनपाल श्री पवार, वनमजूर गारोळे व पशु वैद्यकीय अधिकारी यांना दिली. तातडीने सदर अधिकार्यांनी घटनास्थळावर येउन पंचनामा केला आहे. परंतु या गंभीर घटनेकडे वनपरिक्षेत्र अधिकारी श्री तुकाराम पांडे फिरकले नसल्याने त्यांच्या कार्य तत्परतेवर शेतकर्यांनी नाराजी व्यक्त केली आहे. 

पळसपूर शिवारातील हरणाच्या मृत्यूचे गूढ कायम 
.............................. 
नुकतेच पळसपूर शिवारात मध्यरात्री भरधाव वेगात धावणाऱ्या एका हरणाचा मृत्यू झाला. या घटनेचा पंचनामा वनविभागाने केला असला तरी अद्याप सदरचे हरीण कश्यामुळे मृत झाले हे समजू शकले नाही. त्यामुळे वनविभागाच्या कार्यपद्धती संशयाच्या भोवर्यात अडकली आहे. या प्रकाराकडे उपवनसंरक्षक यांनी लक्ष देण्याची मागणी वन्यप्रेमी नागरीकातून केली जात आहे.

गुरुवार, १० डिसेंबर, २०१५

हिमायतनगरच्या ८ जणांना सुवर्णपदक

राज्यस्तरीय बुडो मार्शल आर्ट स्पर्धेत 
हिमायतनगरच्या ८ जणांना सुवर्णपदक 


हिमायतनगर(खास प्रतिनिधी)नुकत्याच पुणे येथे पार पडलेल्या राज्यस्तरीय बुडो मार्शल आर्ट स्पर्धेत हिमायतनगर येथील हुजपा व राजा भगीरथ विद्यालयाच्या आठ विद्यार्थ्यांनी सुवर्णपदक मिळविले असून, पाच जनन रौप्य तर पाच जननी कस्य पदक जिंकून हिमायतनगर शहराचे नाव उज्वल केले आहे. या यशस्वी मुला -मुलींचे संस्था व क्रीडा प्रेमी नागरीकातून अभिनंदन केले जात आहे. 

पुणे येथील माळवाडी, हरडपसर परिसरातील एस.एम.जोशी महाविद्यालयाच्या प्रांगणात दि.०४ ते ०६ डिसेंबर दरम्यान झाल्या. याचे उद्घाटन आ.राणा जगजीतसिंह पाटील, राष्ट्रीय अध्यक्ष सुधाकरण पण्णीकर, मा.सौ. निताताई होले यांच्या शुभ हस्ते स्पर्धेचा उद्घाटन होऊन संपन्न झाल्या. यावेळी श्री चेतन तुपे पाटील, मगेश तुपे पाटील, प्राचार्य डॉ.अरविद बुरूगुले, सुनिल दादा बनकर, डॉ.शंतनु जगदाळे, ईम्तीयाज भाई मोमिन, प्रशात दादा जगताप, ज्योती यादव, मा.सागर तुपे यांच्यासह अनेक मान्यवरांची उपस्थिती होती. या स्पर्धांचे आयोजन क्रीडा व युवक संचालनालय महाराष्ट राज्य व बुडो फेडरेशन इंडिया / वर्ल्ड बुडो फेडरेशन / इंटरनेशनल ऑलंपिक कमिटी यांच्या संयुक्त विद्यमाने करण्यात आले होते. या स्पर्धेत यशस्वी झालेल्या विद्यार्थ्यांना दि.06 डिसेंबर रोजी सायंकाळी ४ वाजता बक्षीस(ट्रॉफी) मा.आ.जग्गन्नाथ बापू शेवाले, राष्ट्रीय अध्यक्ष सुधाकरण पण्णीकर, चेतन पाटील, महाराष्ट्र् केसरी दत्ता गायकवाड, अध्यक्ष शाम भाेसले, सचिव लहू पारवे, राष्ट्रीय सदस्य भानुदास शिंदे आणि सर्व मान्यवर पदाधिकारी यांच्या हस्ते प्रदान करण्यात आले. या स्पर्धेत प्रथम क्रमांक यजमान पुणे यांनी पटकवला तर द्वितीय क्रमांकाचे मानकरी ठाणे जिल्हा ठरले तर तृतीय क्रमांक नांदेड जिल्ह्याला मिळाला आहे. नांदेड जिल्ह्यातून हिमायतनगर तालुक्याचे एकूण २० विद्यार्थी विद्यार्थीनिनी सहभाग घेतला होता. 


यातून 1) कु.सोनी दत्ता शिल्लेवाड, 2) कु.मनिषा दिगांबर करेवाड, 3) कु.शुभांगी राजकुमार गाजेवार, 4) कु. नांलदा धर्मपाल पाटील, 5) कु.आज्ञा ज्ञाणोबा पंदलवाड, 6) विशाल प्रकाश दगडे, 7) ओंकार बालाजी कदम, 8) संदेश रामराव नरवाडे या विद्यार्थ्यांनी सुवर्णपदक पटकावले आहे. तर 1) तुषार सुदर्शन भवरे 2) अभिषेक विद्दासागर पोपलवार, 3) कु.आचल अच्युतराव वायफनकर, 4) अनिल सुभाष रोकडे, 5) सुबोध सुभाष वाठोरे या विद्यार्थ्यांनी रौप्यपदक जिंकले आहे. आणि 1) कु. साक्षी धनराज ईरपाची, 2) कु. कांचन रामजी तिमापूरे, 3) कु. अंजली विठ्ठल कदम, 4) ऋषभ शेषेराव मिराशे, 5) संकेत संतोष जंगम या विद्यार्थ्यांनी कास्यपदक मिळविले आहे. 1) कु. रागिनी धनराज ईरपाची, 2) शिवकुमार प्रभाकर नेवल या विद्यार्थ्यांना पदक मिळाले नसले तरी त्यांनी आपल्या वजन गटात उत्कृष्ट कामगिरी बजावली आहे. या सर्व विद्यार्थ्यांना मुख्य प्रशिक्षक खंडू एम.चव्हाण व प्रशिक्षक रामा गाडेकर, महिला कोच शुभांगी गाजेवार यांचे मार्गदर्शन लाभले आहे. या यशस्वी विद्यार्थ्यांचे नांदेडचे सेन्साई सुशीलकुमार चव्हाण, परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ, प्रभाकर मुधोळकर, शेवडकर सर, प्रा.माने सर, डाके सर, सुवर्णकार सर, गुंडेवार सर, कुलकर्णी सर, रेड्डी मैडम, गाजेवार सर, वायफनकर सर, पाटील सर, देशपांडे सर, कागणे सर, डॉ. चव्हाण मैडम, डॉ. कदम, गजानन चायल यांच्यासह सर्व पत्रकार व जिम्नैस्टिक असोशियांच्या सर्व पदाधिकार्यांनी अभिनंदन केले आहे.  

शिजविलेल्या अन्नात आळया निघाल्याने एकच खळबळ

आदिवासी वस्तीग्रहातील विद्यार्थांना शिक्षणसाठी भोगाव्या लागतात नरक यातना


नांदेड(अनिल मादसवार)जिल्ह्यातील हिमायतनगर येथील बोरगडी रस्त्यावर असलेल्या शासकीय आदिवासी मुलांच्या वस्तीग्रहात सकाळच्या जेवणासाठी बनविलेल्या अन्नामध्ये आळया निघाल्यामुळे एकच खळबळ उडाली आहे. गेल्या काही महिन्यापासून शिक्षणासाठी नरक यातना भोगाव्या लागत असल्याच्या संतप्त प्रतिक्रिया विद्यार्थ्यांनी पत्रकारासमक्ष दिल्याने अधीक्षक व भोजन व्यवस्थापकाच्या दुर्लक्षित कारभाराचा पर्दाफाश झाला आहे. 

याबाबत सविस्तर वृत्त असे कि, एकात्मिक आदिवासी विकास प्रकल्प कार्यालय किनवटच्या अंतर्गत हिमायतनगर शहरात आदिवासी मुलाचे वस्तीग्रह हे भाड्याच्या इमारतीत चालविले जात आहे. सदर वस्तीग्रहात १२२ विद्यार्थ्यांच्या जेवणाची व्यवस्था करण्यासाठी किनवट तालुक्यातील माळबोरगाव येथील स्व.पंचफुलाबाई शिक्षण प्रसारक मंडळाला कंत्राटी तत्वावर प्रशासनाच्या अटी व शर्तीनुसार ठेका देण्यात आला आहे. मात्र गेल्या काही महिन्यापासून येथील निवासी विद्यार्थ्यांना मोठ्या गैरसोयीचा सामना करावा लागत आहे. तसेच वस्तीग्रह परिसर घाणीने व्यापला असून, झोपण्यासाठी तुटलेले पलंग, बंद पंखे आणि दार तुटलेल्या बाथरूममुळे विद्यार्थ्यांवर नामुष्की ओढवली जात आहे. असाच काहींसा अनुभव दि.०१ डिसेंबर रोजी विद्यार्थांना आला असून, बुधवारी सकाळच्या जेवणात गोबीची भाजी बनविण्यात आली होती. त्या भाजीमध्ये अक्षरशः आळ्या आढळून आल्या. या प्रकारामुळे एकच खळबळ उडाली असून, यातून विद्यार्थ्यांच्या आरोग्याचा गंभीर प्रश्न निर्माण झाला आहे. या ठिकाणी कार्यरत असलेले वस्तीग्रह अधीक्षक दमकोंडेकर हे महिन्यातून एखादे दिवसही वस्तीग्रहात हजेरी लावत असल्याचे विद्यार्थी सांगत आहेत. 

खरे पाहता अधीक्षक व जेवण बनविणाऱ्या ठेकेदाराने परिपत्रकानुसार दर्जेदार जेवण देणे बंधनकारक आहे. मात्र शासनाचे सर्व नियम धाब्यावर ठेवून आर्थिक देवाण - घेवाण केली जात असल्यामुळे या वस्तीग्रहात अतिशय निकृष्ठ दर्जाचे भोजन दिल्या जात असल्याचे विद्यार्थ्यामधून सागितले जात आहे. येथ विद्यार्थी संख्या १२२ असतांना जेवण व राहण्याची सोय व्यवस्थित नसल्याने आजघडीला केवळ ७० ते ८० विद्यार्थी निवासी वास्तव्याला असतात. शुद्ध पिण्याच्या पाण्याची व्यवस्था नसल्याने विहीर किंवा बोअरवरील दुषित पाण्याने तहान भागवावी लागत आहे. परिणामी विद्यार्थ्यांना साथीच्या रोगाची लागण होत असल्याने उर्वरित विद्यार्थी गैरहजर राहत आहेत. असे असताना देखील त्यांच्या नावाची रक्कम दर महिना उचलण्यात येत असल्याचा आरोप उपस्थित विद्यार्थ्यांनी करून अधीक्षकाच्या कारभाराचे पितळे उघडे केले आहे. शासन निर्णयानुसार दर माह प्रतीविद्यार्थी २ हजार ७४० रुपयाची तरतूद करण्यात आलेली आहे. दररोज नियमित जेवणात गहू, तांदूळ, भाजीपाला, इत्यादी वस्तूचा वापर करणे बंधनकारक असून, पोळी भाजी, कंदफळ, पालेभाज्या, वरण, भात, कांदा, दही, लोणचे देणे गरजेचे आहे. सकाळी जेवणात नास्त्यासाठी साबुदाणा, उपमा, शिरा, पोहे यापैकी एक १०० ग्रेम, दुध २०० मिली. १५ ग्रेम साखरेसह, दररोज उकडलेली अंडी व शाखाहारी मुलांसाठी ५० ग्रेम वजनाचा बिस्किटचा पुडा प्रत्येक दिवशी ऋतूनुसार फळे वाटप करण्याचे शासकीय परिपत्रकात नमूद करण्यात आले आहे. 


तसेच दर आठवड्याला आलटून- पालटून मटण, चिकन प्रती विद्यार्थी २०० ग्रेम रविवारी सोबत कांदा, लिंबू, तसेच शाकाहारी विद्यार्थ्यांसाठी दर रविवारी एक वेळ १५० ग्रेम स्वीट (गोड पदार्थ), बासुंदी जिलेबी, बालुशाही, श्रीखंड, गुल जमून, यापैकी एक, नियमित जेवणात द्यावे. आणि आलटून - पालटून सलाड देणे बंधनकारक आहे. असा शासनाचा नियम असताना मात्र येथील मुलांच्या वस्तीग्रहात मात्र यापैकी एकही आट मान्य केल्या जात नाही. आलू किंवा गोबी अश्यापैकी एकाच पदार्थाची भाजी ती सुद्धा केवळ हळद चटणी मीताच मारा देवून विद्यार्थ्यांना खाऊ घातले जात आहे. विद्यार्थ्यांच्या नावे आलेले वरदान व भोजन व्यवस्थापक वाटून खाऊन गलेलट्ठ होत असल्याच्या त्यांच्या कारभारावरून दिसून येत आहेत. येथील वार्डन ( अधीक्षक - दमकोंडेकर ) हे गेल्या ५ वर्षापासून ठाण मांडून बसलेले असून, ते सुधा नांदेड सारख्या शहरात राहून येथे अमावस्या - पौर्णिमेला चंद्राप्रमाणे येवून आपली पगार घट्ट करीत आहेत. अश्या बेजबाबदार कर्मचार्यावर निलंबनाची कार्यवाही करावी. आणि ज्यांच्या नावे भोजन बनविण्याचा परवाना आहे. त्यांचा परवाना तत्काळ रद्द करून शासन परिपत्रकानुसार सकस आहार उपलब्ध करून द्यावा अशी मागणी येथील निवासी विद्यार्थ्यांनी केली आहे. 

------------------------ 
मागील काही महिन्यापासून वस्तीग्रहातील साहित्य, बाथरूम, स्वयंपाक घर आणि परिसर घाणीने व्यापला आहे. याबाबत विद्यार्थ्यांनी अधीक्षकाकडे वारंवार तक्रारी करूनही याकडे जाणीवपूर्वक दुर्लक्ष केल्यामुळे विद्यार्थ्यांना शिक्षणासाठी नरक यातना भोगत घाणीत वास्तव्य करावे लागत आहे. आठ दिवसापूर्वी वस्तीग्रह परिसरात एक वराह मयत होऊन दुर्गंधी सुटली होती. तरीही सदरील अधीक्षकाने याकडे लक्ष दिले नसल्याने दुर्गंधीचा त्रास सहन करत विद्यार्थ्यांना जेवल करावे लागले आहे. 

घटनेची चौकशी करणार -  डॉ. राजेंद्र भारुड 
-----------------------
याबाबत प्रकल्प अधिकारी डॉ. राजेंद्र भारुड यांच्याशी संपर्क साधला असता ते म्हणाले कि, सदर घटनेच्या तपासणीसाठी तत्काळ पथक पाठवून चौकशी केली जाईल. तसेच दोषी आढळल्यास भोजन व्यवस्थापक व वस्तीग्रह वार्डन यांच्यावर कार्यवाही करण्यात येईल असे आश्वासन त्यांनी दिले.

याबाबत अधीक्षक एस.डी. दमकोंड कर यांच्याशी संपर्क साधून विचारपूस केली असता वस्तीग्रहातील समस्या व आज जेवणात निघालेल्या आल्याबद्दल उत्तर देताना उपस्थित विद्यार्थ्यासमोर त्यांची बोलतीच बंद झाल्याचे दिसून आले.

गुरुवार, ३ डिसेंबर, २०१५

चोरटे सक्रिय

हिमायतनगर शहरात चोरटे सक्रिय... झोपलेल्या महिलेचे मंगळसूत्र पळविले


हिमायतनगर(प्रतिनिधी)गेल्या काही दिवसापासून हिमायतनगर शहरात चोरटे सक्रिय झाले असून, दि.०१ डिसेंबर रोजी चार ठिकाणी चोरीचा प्रयत्न झाला. एका ठिकाणी चोरट्या सोबत झटापट एका ठिकाणी काही युवकांनी पाठलाग केला. एवढ्यावरही समाधान झाले नसलेल्या अज्ञात चोरट्याने गाढ झोपेतील दोन महिलेच्या गळ्यातील मनीमंगळसूत्र पळविले आहे. या घटनेमुळे शहरातील नागरिकात भीतीचे वातावरण निर्माण झाले असून, पोलिस झोप काढत असल्याचा आरोप नागरीकातून केला जात आहे. 

याबाबत सविस्तर वृत्त असे कि, काही दिवसापासून तामिळनाडू, आंध्रप्रदेशात सुरु असलेल्या जोरदार पावसामुळे रात्रीला थंडी तर दिवसा गरमी होऊ लागली आहे. तसेच रात्र मोठी आणि दिवस लहान झाल्यामुळे १० नंतर सर्वच रस्ते सुनसान होत आहेत. याच संधीचा फायदा घेत काही भुरट्या चोरट्यांनी उच्छाद मांडला असून, रात्रीला नागरिक झोपेत असताना चोरी करून पोलिसांना आव्हान देत आहेत. सध्या हिमायतनगर येथील पोलिस निरीक्षकाचे पद रिक्त असल्याचे पोलिस ठाण्याचा कारभार प्रभारीवर चालू लागल्याने चोरटे सक्रिय झाल्याचा आरोप नागरिक करीत आहेत. आसाच काहींसा अनुभव शहरातील बजरंग चौक भागातील अमोल धुमाळे नामक या युवकास आला आहे. दि.०१ च्या रात्रीला मित्रासोबत बाहेर गेलेला युवक रात्री १२.३० वाजेच्या सुमारास घरी आला. त्यावेळी घराचे दार उघडे दिसले, सदर युवकाने वडिलास आवाज दिला असता आत घुसलेला अज्ञात चोरटा समोर आला. तू कोण आहेस असे म्हणत पकडण्याचा प्रयत्न केला असता धक्का - बुक्की करून पळ काढला. त्यावरही युवकाने अज्ञात चोरट्याचा पाठलाग केला मात्र तो फरार होण्यात यशस्वी झाला. यानंतर त्या चोरट्याने परमेश्वर गल्ली परिसरातील काही घरात घुसण्याचा प्रयत्न केला तर एका महिलेच्या गळ्यातील मंगळसूत्र चोरले. त्यानंतर पोलिस स्थानकाच्या पाठीमागील आडे नामक व्यक्तीच्या घरात घुसून चोरीचा प्रयत्न केला, येथील घरमालकांच्या सतर्कतेने चोरट्याचा डाव फसला. तर चौथ्या ठीकाणी आंबेडकर नगर भागातील आनंद संभाजी हनवते यांच्या घरातील सर्वच जन गाढ झोपेत असताना मध्यरात्रीला त्यांच्या पत्नीच्या गळ्यातील मनी - मंगळसूत्र व लावा कंपनीचा मोबाईल असा अंदाजे ५१०० रुपयाचा माल लंपास केला. याबाबत केवळ एका फिर्यादीने दिलेल्या तक्रारीवरून हिमायतनगर पोलिस डायरीत अज्ञात चोरट्यावर कलम ४५७, ३८० भादवी अनुसार गुन्हा दाखल करण्यात आला आहे. 

याबाबत पोलिसांशी विचारणा केली असता केवळ एका ठीकाणी चोरी झाली, मात्र ती सुद्धा खरी आहे कि नाही असे सांगून, आकलेचे तारे तोडले आहे. त्यामुळे येथील पोलिस स्थानकाचा कारभार रामभरोसे चालत असल्याचे दिसून येत आहे. तर प्रत्यक्ष ज्यांच्या घरी चोरटे आल्याची माहिती नागरिक निर्भीडपणे सांगून पोलिसात तक्रार देवूनही काही फायदा होत नसल्याचे बोलून दाखवीत आहेत. 

मागील अनेक चोर्यांचा तपास गुलदस्त्यात 
----------------------------------- 
मागील दोन वर्षात हिमायतनगर शहर परिसर, आखाड्यावर व कुलूप असलेल्या घरात मोठ - मोठ्या चोर्या झाल्या. या चोऱ्यांच्या तपासासाठी तत्कालीन पोलिस अधिकार्यांनी, उपविभागीय अधिकारी यांच्या मार्गदर्शनाखाली श्वान पथक, ठसे तज्ञांना बोलावून विविध भागात तपास केला. मात्र अजूनही याचा काहीच तपास लागला नाही. त्यामुळे चोरीच्या घटनांचा तपास करण्यात पोलिस प्रशासन कमी पडत असल्याचा आरोप चोरीमुळे नुकसानीत आलेल्या नागरीकातून केला जात आहे. खरे पाहता पोलिसांकडे चोरटे, पाकीटमार, गुन्हेगार, अवैध्या धंदेवाले, यासह संशयितांची यादीच असते. कोणता गुन्हा कश्या पद्धतीचा यावरून पोलिसांनी तपास करावयाचे असते. परंतु आगावूची झंझट कश्याला म्हणून बहुतांश पोलिस अधिकारी व कर्मचारी कर्तव्यात कसून करीत असल्याने चोरट्याचे फावले जात आहे. तामसा परिसरात एका धान्य गोडावूनच्या चोरट्यांचा अल्पावधीतच तपास लावण्यात आला. तर हिमायतनगर तालुक्यात घडलेल्या चोरीच्या घटनांचा तपास वर्षानुवर्ष होऊन सुद्धा का लागत नाही हा प्रश्न अनुत्तरीत आहे.

रुग्णालयाला उपचाराची गरज

हिमायतनगरच्या ग्रामीण रुग्णालयाला उपचाराची गरज... अधिकाऱ्यांच्या कमतरतेने रुग्णांची गैरसोय

हिमायतनगर(प्रतिनिधी)ग्रामीण रुग्णालयात सध्या वैद्यकीय अधिकाऱ्यांची वानवा दिसून येत असल्याने रुग्णांना मोठ्या अडचणीचा सामना करावा लागत आहे. या प्रकाराकडे तालुक्याचे आ.नागेश पाटील आष्टीकर व जिल्हाशल्य चिकित्सकांनी लक्ष देवून गैरसोय दूर करावी अशी मागणी केली जात आहे. 

दैनंदिन बाह्य रुग्णांची वाढती संख्या लक्षात घेता येथे किमान चार ते पाच वैद्यकीय अधिकाऱ्यांची निकडीची गरज असल्याचे रुग्णांच्या रांगेवरून दिसून येत आहे. येथील ग्रामीण रुग्णालयात वैद्यकीय अधिकाऱ्यांची सर्व मान्य पदे भरलेली आहेत. परंतु काही कारणास्तव वैद्यकीय अधिकार्यांनी इतर ठिकाणी प्रतिनियुक्त्या करून घेतल्या आहेत. सध्या या ठिकाणी रुग्णालयातील ओपीडी, अंतररुग्न, कुटुंब नियोजन, अपघात यासह अन्य कामे हि वैद्यकीय अधीक्षक एस.एम.गायकवाड वसमतकर यांनाच पहावी लागत आहेत. त्यामुळे सर्व भार एकच अधिकार्यावर पडत असल्याने रुग्णांची गैरसोय होत असून, वेळेवर उपचार मिळत नसल्याने गरिबांना खाजगी रुग्णालयाकडे जावे लागत आहे. कार्यरत पैकी श्री हनमंत जाधव या अधिकार्यांनी सोयीनुसार आपली प्रतिनियुक्ती नांदेडच्या स्त्री रुग्णालयात करून घेतली आहे. श्री धुमाळे यांनी स्वताहून कार्यमुक्त करण्याचे पत्र वरिष्ठांना दिले आहे. तर डॉ. डी. डी. गायकवाड हे सुद्धा प्रतिनियुक्तीवर गेले आहेत. येहील रुग्णालयात भोकर येथील जगदीश जाधव हे अधिकारी केवळ दोन दिवसासाठी प्रतिनियुक्तीवर येतात. यामुळे हिमायतनगर येथील वैद्यकीय अधिकाऱ्यांच्या जागा कागदोपत्री रिक्त नसल्यातरी प्रत्यक्षात मात्र रिक्त असल्याने उपचारासाठी येणाऱ्या रुग्णांना नव्हे तर ग्रामीण रुग्णालयास डॉक्टरांच्या उपचाराची गरज असल्याचे नातेवाईकातून बोलले जात आहे. आजघडीला येथील परिस्थिती पाहता तातडीने वैद्यकीय अधिकारी कार्यरत होणे गरजेचे आहे. याकडे जिल्हा शल्य चिकित्सक श्री कंदेवाड यांनी हिमायतनगर येथील ग्रामीण रुग्णालयात रुग्णांचे व कार्यरत एकाच वैद्यकीय अधिकाऱ्यांचे होत असलेले हाल बघून तातडीने येथे अन्य डॉक्टरांची कायम नियुक्ती करावी अशी मागणी जोर धरत आहे. 

मंगळवार, १ डिसेंबर, २०१५

जागतिक एडस दिन

एड्स नियंत्रणासाठी खबरदारी आवश्यक - डॉ. गायकवाड वसमतकर


हिमायतनगर(प्रतिनिधी)सुरक्षित लैंगिक संबंध निर्जंतुकीकरण केलेल्या सुया आणि शुद्ध रक्तपुरवठा या बाबींची खबरदारी घेतली तर एड्सवर नियंत्रण मिळविणे अगदी सोपे असल्याचे मत हिमायतनगर ग्रामीण रुग्णालयाचे वैद्यकीय अधीक्षक डॉ. एम.एस.गायकवाड वसमतकर यांनी व्यक्त केले. 

ते जागतिक एडस दिनानिमित्त दि.०१ डिसेंबर रोजी ग्रामीण रुग्णालयात आयोजित कार्यक्रमाप्रसंगी बोलत होते. यावेळी विचारपिठावर युवक काँग्रेसचे शहराध्यक्ष फेरोजखान युसुफखान, पत्रकार कानबा पोपलवार, अनिल मादसवार, असद मौलाना, धम्मपाल मुनेश्वर, शिकाऊ डॉ. पल्लवी पवार, डॉ. पल्लवी तुकाराम पवार, डॉ. नंदा मोरे यांची उपस्थिती होती. कार्यक्रमाच्या सुरुवातील उपस्थित मान्यवरांचे पुष्पगुच्छ देवून स्वागत करण्यात आले. याप्रसंगी उपस्थिना मार्गदर्शन करताना ते पुढे म्हणाले कि, उपचारापेक्षा खबरदारी बरी म्हणून अनेक दिवस बाहेर राहणाऱ्या किंवा बाहेर काम करणाऱ्या पुरुषांसाठी शासन विनामूल्य कंडोम(निरोध) पुरवठा करत असून, एड्स चे जास्तीत जास्त प्रमाण हे असुरक्षित लैंगिक संबंधामुळे होते. म्हणून स्त्री आणि पुसृशनी सुरक्षित लैंगिक संबंधाकडे लक्ष देण्याची गरज आहे. किंवा उपचार घेताना निर्जंतुकिकरण केलेल्या सुया आणि आवश्यक असेल तरच रक्तपुरवठा करून घ्यावा. महिन्याभरात अचानक वजन कमी होणे, शौच्चालाय येत नाही, तोंडात मावा व गाचाकरण येतो अशी लक्षणे वाटू लागल्यास संबंधितानी रक्ताची तपासणी करून घ्यावी. तपासणी केल्यानंतर एड्स बाधित रुग्णांचे नाव गुपित ठेवल्या जाते, त्यामुळे रुग्णांनी कोणतीही भीती न बाळगता उपचार करून घ्यावा. आणि हा धोका टाळून स्वतःला सुरक्षित ठेवण्यासाठी सर्वांनी आपल्या आचरण व वर्तन चांगले ठेवावे असे आवाहनही त्यांनी केले. तसेच अतिजलद सेवेचा वापर करताना रुग्णांच्या नातेवाईकानी खरोखर आपल्याला १०८ व १०४ ची गरज आहे काय..? हे समजून याचा उपयोग घ्यावा आणि वाहन गावात दाखल होण्यापूर्वी वेळ वाचविण्यासाठी आपली तयारी ठेवावी असेही ते म्हणाले. 

हिमायतनगर तालुक्यात गत वर्षभरात १६६७ जणांची तपासण करण्यात आली असून, यात ४ रुग्ण एचआयव्ही बाधित आहेत. त्यांच्यावर उपचार सुरु असून, १२३० गरोदर मतांची तपासणी झाली असून, यात सर्व रुग्ण नेगेटिव्ह आहेत. एड्सचे रुग्ण कमी करण्यासाठी ग्रामीण रुग्णालय प्रयत्न करीत असून, सामाजिक बांधिलकीच्या उद्देशाने जागतिक एड्स दिन साजरा केला जातो अशी माहिती एड्स विभागाचे सी.के.साबळे यांनी दिली. यावेळी आरोग्यमित्र श्री पटेल यांनी उपस्थितांना राजीव गांधी जीवनदायी आरोग्य योजनेची माहिती देवून याचा लाभ घेण्यासाठी रुग्णांनी आवश्यक कागदपत्रे उपलब्ध करण्याचे आवाहन केले. याप्रसंगी रुग्णालयातील सर्व अधिकारी, कर्मचारी व रुग्णांचे नातेवाईक मोठ्या संखेने उपस्थित होते. सदर कार्यक्रम यशस्वी करण्यासाठी आर.पी.कल्याणकर, लैब ऐसिस्टन्ट श्री सत्वधर, निल्लेवार डी.एस., डी.एस.सुकरे आदींनी परिश्रम घेतले.

बुधवार, २५ नोव्हेंबर, २०१५

धान्याच्या काळ्या बाजार

स्वस्त धान्याच्या काळ्या बाजार करणाऱ्या भ्रष्ट दुकानदारांना पुरवठा विभागाचे अभय

हिमायतनगर(प्रतिनिधी)गोर गरिबांसाठी मिळणाऱ्या स्वस्त धान्याचा ऑनलाईन रेकोर्ड होत असले तरी तालुक्यात धान्याचा काळा बाजार मोठ्या प्रमाणात चालूच आहे. तेलंगाना राज्याच्या सीमेवर असलेले हिमायतनगर शहरात परिसरातील अनेक तालुक्याचे धान्य एकत्र होऊन परप्रांतात पाठवून धान्याच्या काळ्या बाजार केला जात असल्याने एक प्रकारे केंद्रबिंदू बनले आहे. या भ्रष्ट रेशन दुकानदार व माफियांना तहसील पुरवठा विभागाचे अभय मिळत असल्यानेच लाभार्थ्यांना जादा दर आकारले जात असल्याचा आरोप नागरिकांकडून केला जात आहे. एवढेच नव्हे तर ऐन दिवाळीत बहुतांश लाभार्थ्यांना साखर मिळाली नसल्याच्या तक्रारी वाढत आहेत. या गैर प्रकारची नूतन तहसीलदार श्री गजानन शिंदे साहेब दखल घेवून त्या दुकानदार व धान्य माफियावर कार्यवाही करतील काय..? याकडे सर्वांचे लक्ष लागले आहे. 

हिमायतनगर तालुक्यात एकूण ५३ ग्रामपंचायती असून, त्या सर्व गावातील कुटुंबाना जवळपास ७३ परवानाधारक स्वस्त धान्य दुकानदार आहेत. अन्न सुरक्षा योजने अंतर्गत अनेक लाभार्थ्याना लाभ मिळत असला तरी अन्न सुरक्षा योजनेचे बहुतांशी लाभार्थी हे सधन कुटुंबातील घेण्याचा चमत्कार अनेक स्वस्त धान्य दुकानदारांनी केला आहे. राशन कार्डची फोड करून संख्या वाढविण्यात स्वस्त धान्य दुकानदार यशस्वी झाले आहेत. विभक्त राशन कार्ड करून अन्न सुरक्षा योजनेचा लाभ मिळवून दिल्याचा मालीदाही अनेक दुकानदारांनी लाभार्थ्याकडून ५०० ते १००० प्रती कार्ड या प्रमाणात लाटल्याचे अनेक तक्रारी पुरवठा विभागाकडे नागरिकांनी केल्या होत्या. परंतु भागीदारीत असलेल्या पुरवठा विभागाच्या संबंधिताने एकाही दुकानदाराची चौकशी करण्याचे वा कार्यवाही करण्याचे धारिष्ठ दाखविले नाही. परिणामी पुरवठा विभागाच्या संशयास्पद भूमिकेने नागरिकांचा संताप अनावर होत असून, अनेक स्वस्त धान्य दुकानदार लाभार्थ्यांना कमी धन्य देवून एक तर जादा दर आकारतात. आणि महिन्याला किमान आठ ते पाच कुंटल धान्य काळ्या बाजारात विक्री करून रजिस्टर मेंटन करत असल्याचे नागरिक सांगतात. 

हिमायतनगर शहर तेलंगाना सीमेवर असल्याने अनेक ठिकाणच्या स्वस्त धान्याचा माल हे येथूनच तेलंगाना मध्ये पाठविल्या जात असल्याचे खात्रीलायक वृत्त आहे. यात हिमायतनगर येथील अनेक स्वस्त धान्य दुकानदारासह राजकीय वरदहस्त असलेले बडे दलाल सक्रिय असल्याचे दिसून येते. यात अनेक दुकानदार पुरवठा विभागातील अधिकारी आणि कर्मचार्यांना हाताशी धरून गोर - गरीबांचा घास काळ्या बाजारात विकून मालामाल होत आहेत. परिणामी हक्काच्या धान्यापासून वंचित राहून गरिबांवर उपाशी पोटी राहण्याची वेळ येत आहे. 

परवानाधारक बहुतांश स्वस्त धान्य दुकानदार शासनाने ठरवून दिलेल्या नियमानुसार स्वस्त धान्याचे वितरण करीत नसून, महिन्यातून पाच - आठ दिवस दुकान उघडून उर्वरित माल परस्पर काळ्या बाजारात लांबवीत असल्याचे वंचित लाभार्थ्यामधून सांगितल्या जात आहे. वितरीत केलेल्या धान्याची लाभार्थ्यांना पावती दिली जात नसून, शासनाने ठरवून दिलेल्या दरापेक्षा अधिकच दर आकारून दिवसा - ढवळ्या लाभार्थ्यांची लुट करीत असल्याच्या अनेकांच्या तक्रारी आअहेत. अनेक दुकानदार उर्वरित स्वस्तधान्य प्रशासनाकडे परत देत असल्याचे सांगत असले तरी खरा प्रकार काही औरच असल्याचे आढळून येते आहे. 

केरोसीन वितरणमध्ये सुद्धा घोळ 
----------------------------- 
रेशन बरोबर यातील व अन्य मिळून ७८ दुकानदाराकडे केरोसीन वितरणाचा ठेका दिलेला असल्याने त्यातही मोठ्या प्रमाणात अनागोंदी कारभार दिसून येते आहे. नियमानुसार कार्डधारकांना डावलून वाहनांना ३० ते ३५ रुपये जादा दराने रॉकेलची विक्री केली जात आहे. विजेच्या टंचाई मध्ये ग्रामीण भागातील नागरिकांना केरोसीन मिळत नसल्याने गोड्तेलाचे दिवे लावावे लागत आहेत. तर ऐपत नसलेल्या झोपडीतील कार्ड धारकांना रात्रीला अंधारात राहण्याची वेळ आली आहे. या सर्व प्रकाराकडे जिल्ह्याचे कर्तव्यदक्ष जिल्हाधिकारी सुरेश काकांनी, नव्याने रुजू झालेले जिल्हा पुरवठा अधिकारी यांनी लक्ष देवून खर्या लाभार्थ्यांना न्याय मिळवून भ्रष्ट दुकानदारावर व धन्य - केरोसिनचा काळ्या बाजाराला मूकसंमती देणाऱ्या पुरवठा विभागातील संबंधितांच्या मालमत्तेची चौकशी करून निलंबनाची कार्यवाही करावी अशी मागणी धान्य व केरोसिनच्या लाभापासून वंचित लाभार्थी व नागरीकातून केली जात आहे. 

दिवाळीत अनेकांना साखर मिळालीच नाही 
----------------------------- 
यावर्षी महागाईने उच्चांक गाठल्याने शासनाच्या वतीने प्रत्येक कुटुंबाना साखरेचे नियतन मंजूर केले होते. त्या प्रमाणे प्रती व्यक्ती लहान - मोठे असे ५५० ग्रेम साखर १३ रुपये ५० पैसे या दरानेच देणे अनिवार्य होते. त्याचा लाभ दारिद्र्य रेषेखालील कुटुंब, अन्नपूर्णा, अंत्योदय व अन्नसुरक्षा यांना लाभ मिळणार होता. परंतु काही रेशन दुकानदारांनी दिवाळीपूर्वी वितरण तर केलेचे नाही. अनेकांनी तर साखर गायब केल्यामुळे बहुतांश कुटुंबियांची दिवाळी कडू झाली. याबाबत काहींनी तहसील कार्यालाकडे साखर मिळाली नसल्याच्या तक्रारी केल्या. परंतु लाल्चावलेल्या संबंधित अधिकार्यांनी त्या दुकानदारावर कार्यवाही करणे तर सोडाच आपल्या स्वार्थासाठी अभय दिल्याचा आरोप वंचित नागरिक करीत आहेत. 

याबाबत पुरवठा विभागाचे नायब तहसीलदार शे.रफिक यांच्याशी संपर्क साधला असता ते म्हणाले कि, मी बाहेरगावी लग्नात आहे. तुम्हाला काय माहिती पाहिजे ते सकाळी ऑफिसला या काढून देतो असे सांगितले.

सोमवार, २३ नोव्हेंबर, २०१५

कार्तिक स्वामी दर्शन समर्पण

बालाजी मंदिरात कार्तिक स्वामी दर्शन समर्पण तयारी.. २५ रोजी दर्शनाचा योग 


शहरातील बालाजी मंदिरात असलेल्या भगवान श्री कार्तिक स्वामी (षडानंद) दर्शन समापन दिनानिमित्त मंदिर संचालकाच्या वतीने जय्यत तयारी करण्यात आली आहे. यावर्षी कार्तिक शु.१४ बुधवार दि.२५ नोव्हेंबर रोजी कार्तिक पोर्णिमा कृतिका नक्षत्र दिनी तीन योग एकत्र आल्यामुळे सपत्निक कार्तिक स्वामी दर्शन घेत येईल अशी माहिती वेद शास्त्रीय संपन्न पुरोहित कांतागुरु वाळके यांनी नांदेड न्युज लाइव्हशि बोलताना दिली. 

हिमायतनगर शहर हे देवी - देवतांच्या मुर्त्यांचे शहर म्हणून सबंध महाराष्ट्रात ख्यातीप्राप्त आहे. हजारो वर्षापूर्वीच्या अखंड पाषाणातील दुर्मिळ मुर्त्या खोदकाम तथा बांधकामाच्या माध्यमातून समोर आल्या आहेत. त्यातीलच एक मूर्ती म्हणजे (षडानंद) कार्तिक स्वामीची असून, कार्तिक पौर्णिमेनिमित्त दर्शनाला विशेष महत्व प्राप्त झाले आहे. सदर मूर्ती अत्यंत रेखीव व देखणी असून, नांदेड जिल्ह्यात हि एकमेव मूर्ती मोरावर आरूढ झालेली आहे. सदर मूर्ती दर्शनसाठी विदर्भ, तेलंगाना, आंध्रप्रदेश, कर्नाटक, महाराष्ट्रातील दूर दूरवरून भाविक - भक्त दर्शनसाठी येतात. 

या जन्मी विद्या बुद्धी, धन ऐश्वर्य, पुत्र - पोत्र संपदा समर्पनेने सुख समृद्धी आगता...पुढील जन्म चांगला मिळण्यासाठी श्री कार्तिक स्वामीची सर्वांनी दर्शन घ्यावे असे आव्हानही त्यांनी केले आहे. दि.२५ रोजी सकाळी ४ वाजता येथील बालाजी मंदिरात विराजमान असलेल्या भगवान कार्तिक स्वामींच्या मूर्तीचा अभिषेक महापूजा संपन्न होऊन प्रसाद वितरण केला जाणार आहे. त्यानंतर सकाळी ७.३७ पासून ते रात्री २८.१४ म्हणजे गुरुवारच्या पहाटे ४.१४ वाजेपर्यंत भक्तांना श्रीचे दर्शन घेण्याचा विशेष योग जुळून आला आहे. 

" कार्तिक स्वामी " दर्शन विधी 
------------------------ 
यावर्षी कार्तिक शु.१४ बुधवार दि.२५ नोव्हेंबर रोजी सकाळी ३.३७ पासून २८/१४ पर्यंत पोर्णिमा व कृतिका नक्षत्र असल्याने या योगावर कार्तिक स्वामींचे दर्शन घ्यावे. प्रथम स्नान करून कार्तिकेयाचे दर्शन घेवून दर्भ, चंदन, फुले, दशांगधूप, दीप अर्पण करून कार्तिकेयाचे वाहन मयुराची पूजा करावी. त्यानंतर पुढे दिलेले श्लोक म्हणून एक एक उपचार अर्पण करावा. 

श्लोकाने जलाने भरलेला व त्यात किंचित सुवर्ण घातलेला कमंण्डलु समर्पण करावा. ब्राम्हण जन्मप्राप्तीकरता श्लोकाने यज्ञोपावित अर्पण करावे. श्लोकाने गोपीचंदन समर्पण करावे. श्लोकाने पोवते अर्पण करावे, सर्व पाप दूर होण्याकरिता या श्लोकाने तीळ अर्पण करावे. श्लोकाने दर्भ अगर कुश चरणावर अर्पण करावे, अठावीस रुद्राक्षाची माळ अर्पण करावी. 

दैन्य अज्ञान नाहीसे होण्याकरिता या श्लोकांनी सुवर्ण अर्पण करून नमस्कार करावा. श्री कार्तिक स्वामींचे दर्शनास जाणार्यांना हे वरील आठ श्लोक येणे आणि वरील वस्तूही जवळ ठेवणे आवश्यक आहे. कार्तिक शुद्ध पौर्णिमेस कार्तिक स्वामींच्या दर्शनाचा हा विधी आहे. भाद्रपद शुद्ध ६ ला कार्तिकेय दर्शन घेतले व स्मरण केले असता पापांचा नाश होतो. भविष्य पुराणात कार्तिकेची मूर्ती करून पूजा करावयास सांगितले आहे. निलतीर्थांचे स्मरण करून स्नान करावे. आणि वरील प्रमाणे उपचार अर्पण करावेत. ...............अनिल मादसवार

तुळसी विवाह



तुळसी विवाहास आजपासून प्रारंभ.....

कार्तिक महिना प्रारंभ झाला की वेध लागतात ते म्हणजे तुळसीच्या लग्नाचे. मग पंधरा दिवस अगोदरपासून तुळसी वृंदावन सजविण्यासाठी लक्ष दिले जाते. तुळसीचा मामा म्हणून ज्याच्याकडे पाहिले जाते तो ऊस लग्नाच्या पूर्वसंध्येला रुसलेला दिसून आला. 

तुळसीचा विवाह कार्तिक शुद्ध एकादशीपासून पौर्णिमेपर्यंत कोणत्याही एका दिवशी केला जातो. विवाहात तुळस ही वधू आणि कृष्ण हा वर असतो. ऊस हा 'मामा' म्हणून आपली भूमिका बजावतो. दरवर्षी स्त्रीया आषाढी एकाशीला तुळसीचे रोप लावून तिचे संगोपन करतात. पंधरा दिवस अगोदरपासून तुळसीवृंदावन सजविले जाते. त्यावर राधा-दामोदर असे लिहून चारही बाजूला रांगोळी काढली जाते. यानंतर पाच किंवा सात उसांचा मांडव तयार केला जातो. ऊस, झेंडूची फुले, चींच, आवळा आदी तुळसीसमोर चौरंगावर ठेवली जातात. स्वस्तिक काढून त्यावर कृष्ण व राधाची मूर्ती ठेवली जाते. सायंकाळी सूर्य मावळल्यावर मणीमंगळसूत्र, ओटीचे सामान आदी साहित्यांसह विवाह विधीनुसार मंगलाष्टकांसह पार पाडला जातो. नंतर चौरंग किंवा पाटावर मांडलेल्या राधा-दामोदरची आरती करुन आलेल्या मंडळींना प्रसाद दिला वाटण्यात येतो. विवाहाच्या पूर्वसंध्येला ५0 रुपयाला पाच ऊस विकल्याचे दिसून आले. २३ नोव्हेंबर रोजी तुळसी विवाहास प्रारंभ झाला असून २५ नोव्हेंबर रोजी विवाहाची समाप्ती होणार आहे. 


औषधी वनस्पती तुळशीला मानाचे स्थान 
--------------------- 
तुळसीला मानाचे स्थान आहे, कारण तुळस ही औषधी वनस्पती आहे. तुळस अंगणात किंवा बालकणीत असल्यास हवा शुद्ध राहते. तुळस ही कफनाशक व पाचक असून सर्दी, पडसे, खोकला, दमा आदी विकारावर ती गुणकारी अशीच आहे. तुळसीची पाने, आले व गूळ याचा काढा करुन पिल्यास जळजळ किंवा पित्त होत नाही. कोलायटीस, अंग दुखणे, सर्दी, पडसे, डोकेदुखी यावर तुळस ही गुणकारी आहे.उचकी लागल्यास तुळसीची पाने खावीत, स्मरणशक्ती वाढविण्यासाठी तुळस उपयुक्त आहे, असे जुणे-जाणते सांगतात. वृंदावनी, विश्‍वपूजिता, पुष्पसारा, कृष्णजिवनी अशा अनेक नावांनी तुळसीला ओळखले जाते. तुळसीला एक विशिष्ट सुगंध असून ती तीन ते चार फूट इतकीच वाढू शकते. त्यामुळे अंगणात किंवा बालकणीत तुळस लावली जाते. कृष्ण तुळस आणि पांढरी तुळस असे दोन प्रकार असून यापैकी कृष्ण तुळस ही औषधी म्हणून परिचित आहे. तुळसीचे औषधी गुण आणि धार्मिकता यामुळे वारकरी संप्रदायात तिला मानाचे स्थान आहे. अशी माहिती पुरोहित कांता गुरु वाळके यांनी नांदेड न्युज लाईव्हशी बोलताना दिली. ......... अनिल मादसवार

शनिवार, २१ नोव्हेंबर, २०१५

तिनचाकी गाडा बनला सर्वांचे आकर्षण

भंगार दुचाकीपासून बनविलेला तिनचाकी गाडा बनला सर्वांचे आकर्षण

हिमायतनगर (प्रतिनिधी) शहरातील एका युवकाने भंगारमधील दुचाकीचा उपयोग करून एक तीन चाकी गाडा बनविला असून, त्यावरून जवळपास ५ कुंटलचे वजन वाहतूक करण्यात येत आहे. हा मालवाहू गाडा फिरताना हिमायतनगर शहर वासियांचे आकर्षण बनला आहे. 

येथील माजी पंचायत समितीचे उपसभापती लक्ष्मीबाई भवरे यांचे चिरंजीव परमेश्वर भवरे या युवकाने हिमायतनगर येथील जी.प.शाळेत शिक्षण घेतले. मात्र इयत्ता दहावीत नापास झाल्याने तो पूर्णतः खचला होता, त्यामुळे जो - तो व्यक्ती तसेच घरचे सुद्धा तू कोणत्याही कामाचा नाहीस म्हणून हिणवत होते. त्यामुळे व्यतिथ झालेल्या परमेश्वरने कोणताही वाईट विचार न करता नागपूर शहर गाठले त्या ठिकाणी राहून एका मोटार सायकल मेकैनिकलच्या हाताखाली दोन वर्ष काम शिकले. त्यानंतर परत हिमायतनगर शहरात येवून आपला पारंपारिक केळीविक्रीचा व्यवसाय सुरु केला. यात त्याला भरपूर यश मिळाले, परंतु यावर त्याचे समाधान झाले नाही. त्याने गेल्या महिन्याभरापासून मेकैनिकलच्या हुनर (शक्कल) वापरून शहरातील एक भंगार झालेली दुचाकी ५ हजारात खरेदी केली. त्याचा वापर करून वेल्डिंग मशीन विकत आणून स्वतः घरी अन्य एका दुचाकीचा चाकाचा उपयोग करून गाडा तयार केला. सदर गाड्यावर तो केळीसह अन्य कोणतेही सामान वाहतूक करता येईल याचा प्रयोग यशस्वी केला. त्याने बनविलेल्या या वाहनावरून जवळपास ५ कुंटलचा माल वाहतूक करता येत असून, या गाड्याला एक लिटर पेट्रोल मागे ५० किमीचा अंतर कापता असल्याचे परमेश्वरणे नांदेड न्युज लाईव्हशी बोलताना सांगितले. 

शहरातून तीनचाकी गाडा फिरताना अनेकजण दुचाकीच्या इंजन, चाके व अन्य साहित्यापासून बनविलेल्या गाड्यातून स्मानाची वाहतूक करताना पाहून आश्चर्य व्यक्त करीत आहेत. एका भंगार दुचाकीपासून बनविलेल्या गाड्याच्या माध्यमातून गेल्या तीन दिवसापासून विविध मालाची वाहतूक करून जवळपास ३ हजाराहून अधिक कमाई केळी आहे. तर एका व्यक्तीने त्याने बनविलेले तो गाडा २० हजारच्या किमतीला खरेदी करण्याचे दर्शविले. परंतु बनविलेले वाहन एक प्रयोग आहे, त्यामुळे याची विक्री न करता आगामी काळात हे वाहन पेट्रोल ऐवजी बैटरीचा उपयोगावर म्हणजे सौर उर्जेवर चालविण्यासाठी प्रयत्न सुरु आहेत. तसेच यासाठी वेगळे इंजन बनविण्याचे काम सुरु असून, कमी खर्चात जास्त काम करणारी हि गाडी शेतकरी, व्यापारी यांना उपयुक्त पडेल. असे वाहन लवकरच बनवून शासनाच्या परवानगीने विक्रीस आणले जाईल असा मानस त्याने बोलून दाखविला. 

मंगळवार, १७ नोव्हेंबर, २०१५

शेतकर्याची आत्महत्या

नापिकी व कर्जाला कंटाळून शेतकर्याची विषारी औषध प्राषनाणे आत्महत्या



हिमायतनगर(प्रतिनिधी)जवळगाव येथील एका ४० वर्षीय अल्पभूधारक शेतकर्याने सततची नापिकी व कर्जबाजारीला कंटाळून विषारी औषध प्राषण करून आत्महत्या केल्याची घटना दि.१७ रोजी सकाळी उघडकीस आली आहे. या घटनेमुळे शेतकर्याचे कुटुंब उघड्यावर आले आहे. 

याबाबत सविस्तर वृत्त असे कि, मयत शेतकरी गणेश भुजंगा पवार यांच्या नावे जवळगाव शिवारात ५ एकर कोरडवाहू शेती आहे. गेल्या अनेक वर्षापासून ते शेतीत कापूस, सोयाबीन सारखे पिके घेतात परंतु अल्प पावसामुळे सतत तीन वर्षापासून नापिकी झाली. त्यामुळे तो व्यतिथ होता दरम्यान गत वर्षी मुलीचे लग्न कर्ज काढून केले, यावर्षीच्या शेती पिकावर कर्ज फेडायचे यासाठी काबाडकष्ट केले. परंतु सोयाबीनला म्हणावा तसा उतरारा आला नसल्याने शेतीसाठी खरीपात केलेला खर्चही निघाला नाही. त्यामुळे डोक्यावरील कर्ज फिटायचे सोडा उलट डोंगर वधूच लागला, या चिंतेत गेल्या काही दिवसापासून तो होता. दि. १६ रोजी रात्री जगलीला जातो म्हणून शेतात गेला तो घरी परतलाच नाही. सकाळी मालक घरी आले नसल्याने घरच्यांनी शोध घेतला असता शेतकरी गणेश यांचा मृतदेह दिसून आला. 

घटनेची माहिती मयत शेतकर्याचे भाऊ रामराव भुजंगा पवार यांनी दिल्यावरून हिमायतनगर पोलिस डायरीत कलम १७४ सीआरपीसी प्रमाणे नोंद करण्यात आली आहे. मयताच्या प्रेताचे शवविच्छेदन करून नातेवाईकांच्या ताब्यात दिल्यानंतर सायंकाळी ४ वाजता शोकाकुल वातावरणात अंत्यसंस्कार करण्यात आले. मयत शेतकऱ्याच्या पश्चात आई, पत्नी, भाऊ, दोन मुले, एक मुलगी असा परिवार आहे. या घटनेमुळे शेतकऱ्याच्या कुटुंबीयावर दिखाचा डोंगर कोसळला असून, यातून सावरण्यासाठी शासनाने तातडीने मदत देवून हातभार लावावा अशी मागणी परिसरातील शेतकर्यांनी केली आहे. 

शुक्रवार, २३ ऑक्टोबर, २०१५

भारनियमनामुळे दुर्गामंडळ व शेतकरी त्रस्त

वीजकंपनीच्या अघोषित भारनियमनामुळे 
दुर्गामंडळ व शेतकरी त्रस्त


हिमायतनगर(प्रतिनिधी)सर्वत्र सन उत्सवाची धामधूम चालू असताना महावितरण द्वारे केल्या जाणार्या विजेच्या लपंडावामुळे दुर्गामंडळ, शेतकरी नागरिक कमालीचा त्रस्त झाला आहे. एकीकडे वीज बिलासाठी तकादा लावणारी महावितरण कंपनी मात्र सुरळीत वीजपुरवठा देण्यात अपयशी ठरत असल्याचा आरोप नागरीकातून केला जात आहे. याचा पार्ट्यात ऐन दसर्याच्या दिवशी सायंकाळी आला असून, यामुळे रस्त्याने जाणार्यांना मोठ्या अडचणीचा सामना करावा लागला आहे. 

दि.२२ ऐन दसर्याच्या दिवशी सायंकाळी महावितरण कंपनीकडून अघोषित भारनियमन करण्यात आले. याचा नाहक फटका नवरात्रोत्सवात देवीच्या भक्तांना व दसर्यानिमित्त देवी -देवतांचे दर्शन घेण्यासाठी जाणार्या नागरिकांना चांगलाच बसला आहे. एकीकडे शहरात भारनियमन होत नाही असे सांगणारे महावितरण कामाप्नीच्या अधिकार्याकडून मनमानी पद्धतीने वाटेल तेंव्हा वीजपुरवठा खंडित करून दुरुस्तीची कामे केले जात आहेत. लपंडावामुळे संसुडीत आयोजित कार्यक्रमात व्यत्यय निर्माण होत असून, लाईटच्या क्षणाचा भरवसा नाही कधी येईल आणि कधी जाईल त्यासाठी अगोदरच जनरेटरची व्यवस्था लावा असे उद्गार अनेक दुर्गा मंडळाच्या पदाधिकार्यांच्या तोंडून निघत आहेत. हिमायतनगर शहर व ग्रामीण परिसरात ४० हून अधिक ठिकाणी दुर्गा मातेची प्रतिष्ठापना करून भक्त मंडळीद्वारे विविध सामाजीक, सांस्कृतिक व धार्मिक कार्यक्रमाची रेलचेल सुरु आहे. परंतु उत्सवाच्या या रंगात महावितरण कंपनीच्या अधिकारी व कर्मचार्यांच्या नाकर्तेपणामुळे भक्तांना अडचणीचा सामना करावा लागत आहे. तसेच अनेक दिवसापासून पावसाने उघडीप दिल्याने नुकसानीत येणाऱ्या पिकांना विहीर- बोअरचे पाणी देताना शेतकऱ्यांच्या नाके नऊ येत आहेत. कारण महावितरण कंपनीची अघोषित भारनियमन केले जात असल्यामुळे वीजपंप बंद होऊन शेतकऱ्यांची पिके धोक्यात आली आहेत. अनेक वेळा महावितरण कंपनीच्या संबंधित कनिष्ठ अभियंता व लाईनमन यांना सूचना देवूनही काहीच उपयोग होत नसल्याने शेतकरी व दुर्गा मंडळाच्या युवकांनी संताप व्यक्त केला आहे. तत्पूर्वी काही मंडळाच्या युवकांनी उत्सव काळात वीज पुरवठा सुरळीत पुरवठा करावा अशी मागणी केली होती. तरी देखील विद्दुत पुरवठा खंडित होण्याचा प्रकार सुरु असल्याने महावितरण कंपनीच्या विरोधात शेतकरी व दुर्गा मंडळाचे पदाधिकारी यल्गार पुकारण्याच्या तयारीत आहेत. 

गुरुवारी दसर्याच्या दिवशी रात्री ६ ते ७ आणि पुन्हा पाच मिनिटांनी म्हणजे ७.१५ ते ७.४० या वेळेत वीज पुअरवथ खंडित झाला होता. शहरात विजयादाशामीची मिरवणूक तसेच रावनदहनाच्या कार्यक्रमास शहरातील हजारो महिला- पुरुष बालगोपाल परमेश्वर मंदिर परिसरात जमले होते. परंतु ऐन वेळी अर्धा ते पावून तासाने दोन तीन वेळा वीजपुरवठा खंडित झाल्याने नागरिकांनी महावितरण बाबत नाराजी व्यक्त केली आहे. तसेच दुसर्या दिवशी शुक्रवारी सुद्धा सकाळपासून वीजपुरवठ्यात व्यत्यय निर्माण झाल्याने जवळपास दिवसभर नागरिकांना अघोषित भारनियमनाचा फटका सहन करावा लागला आहे. अचानक आलेल्या कमी - अधिकच्या विद्दुत दाबामुळे काही जणांची विद्दुत उपकरणे देखील खाक होऊन मोठे नुकसान झाले आहे. या नुकसानीचा सर्वे करून महावितरण कंपनीने भरपाई द्यावी तसेच वीज बिल वसुली प्रमाणे विजेचा सुरळीत पुरवठा करावा अशी मागणी होत आहे. 

याबाबत उपकार्यकारी अभियंता पंडित राठोड यांच्याशी संपर्क साधला असता ते म्हणाले कि, १३२ मधून संपूर्ण नांदेड जिल्ह्यात टॉवर लाइन मध्ये झालेली बिघाड दुरुस्तीमुळे काम सुरु आहे. परिणामी नागरिकांना भारनियमनाचा त्रास होत आहे. संपूर्ण महाराष्ट्रात ३ - ४ तासाचे एमर्जेन्सी भारनियमन केले जात आहे.

बुधवार, २६ ऑगस्ट, २०१५

भरदिवसा आखाड्यावर दरोडा...

पाण्याचा बहाणा करून अज्ञात चोरट्यांचा भरदिवसा आखाड्यावर दरोडा...



हिमायतनगर(अनिल मादसवार) शहरातील उत्तरेकडील ७ कि.मी. अंतरावर असलेल्या एका आखाड्यावर अज्ञात चोरट्यांनी पाणी पिण्याचा बहाणा करून महिलेचे तोंड दाबून मारहाण करून अंगातील दागिने लुटून नेल्याची खळबळजनक घटना दि.२६ रोजी सकाळी ८.३० वाजेच्या सुमारास घडली आहे. भरदिवसा घडलेल्या घटनेमुळे परिसरातील महिलांमध्ये भीतीचे वातावरण पसरले आहे. 

याबाबत सविस्तर वृत्त असे कि, हिमायतनगर येथील सदन शेतकरी संतोष गाजेवार यांच्या शहरापासून उत्तरेस ७ कि.मी.अंतरावर असलेल्या शेतात सालगडी म्हणून चांदु पुंजाराम अंबेकर हा पत्नी अंजनाबाई सोबत आखाड्यावर राहतो. बुधवार दि.२६ रोजी सकाळी ८.३० वाजेच्या सुमारास चांदु अंबेकर व अन्य एक मजूरदार रामराव कोंडीबा वणेकर हे दोघे शेतातील कापसावर पडलेल्या रोगाच्या नियंत्रणासाठी फवारणीचे काम करीत होते. तर सालगड्याची पत्नी सौ. अंजनाबाई ही आखाड्यावर जेवणाचा स्वयंपाक करीत होती. दरम्यान अंगावर काळे टीशर्ट असलेला एक २५ ते ३० वर्षवयोगटातील अज्ञात युवक आला. आणि गडीदादा कुठे गेले असे म्हणून त्याने पिण्यासाठी पाणी मागीतले. शेजारील कोणी मजूरदार असेल असे समजून अंजनाबाई हिने त्या युवकास पिण्याचे पाणी दिले. याच वेळी पाठीमागुन अन्य एका युवकाने येवून तोंड दाबून धरले. कोणीही नसल्याचे पाहून दोघांनी सदर महिलेच्या कानातील २ ग्रामचे कर्णफुले व गळ्यातील २ ग्रामचे सोन्याचे मणीमंगळसुत्र अंदाजे ८ हजाराची जबरीने काढून घेतले, यास विरोध करता महिलेस मारहाण करून चोरट्यांनी पलायन केले आहे. 

चोरटे पसार होताच सदर महिलेने आरडा - ओरडा केली असता फवारणी करणारे पती व अन्य एक मजूरदारांनी धाव घेतली मात्र तोपर्यंत अज्ञात चोरटे पसार झाले होते. भरदिवसा घडलेल्या या घटनेमुळे सदर महिला भयभीत झाली आहे. घटनेची वार्ता सर्वत्र पसरल्याने भीतीपोटी शेतीकामासाठी जाणाऱ्या महिलां कामावर येण्यास नकार देत आहेत. घटनेची माहिती मिळताच शिकावू उपविभागीय पोलिस अधिकारी एस.डी.बारी, पोलिस निरीक्षक अशोक चाटे, एएसआय डांगरे, सुरनर, पोहेको. आडे, वसंत जाधव, पोको. डगवाल यांनी घटनास्थळावर पोहंचून पंचनामा केला. याबाबत सौ. अंजनाबाई हिने दिलेल्या फिर्यादिवरून अज्ञात दोन चोरट्याविरुद्ध हिमायतनगर पोलिस स्थानकात कलम ३९२, ३४ भादवी नुसार गुन्हा दाखल करण्यात आला आहे. 

याबाबत पोलिस निरीक्षक अशोक चाटे यांच्याशी संपर्क साधला असता ते म्हणाले कि, हि घटना गंभीर असून, वरिष्ठांच्या मार्गदर्शनाने अज्ञात चोरट्यांच्या शोधात पोलिस पथक रवाना केले आहे. लवकरच त्या चोरट्यांना आम्ही जेरबंद करून महिला व तालुकावासियांच्या सुरक्षेची जिम्मेदारी पूर्णतः पार पाडू असे आश्वासन दिले. 

मंगळवार, १४ जुलै, २०१५

कन्यारत्नाचे स्वागत

सरसममध्ये कन्यारत्नाचे जोरदार स्वागत....

हिमायतनगर(कानबा पोपलवार)तालुक्यातील मौजे सरसम येथील रहिवाशी असलेले श्री व सौ. गोडसेलवार यांना कान्यारत्नाच्या रुपात दुसरे आपत्य सोमवार दि.१३ जुलै रोजी झाले आहे. घरी लक्ष्मी आल्याची आनंदाची वार्ता ऐकून परिवारातील सदस्यांनी जिलेबीचे वाटप करून मुलीचे जोरदार स्वागत केले आहे. 

मुलाच्या प्रमाणात मुलीचे जनम दर मोठ्या प्रमाण कमी होत चालला आहे. हि घटती संख्या लक्षात घेता राज्य शासनाने बेटी बचाव अभियान चालवून भ्रूण हत्या टाळा, मुलापेक्षा मुलगी बरी...प्रकाश देते दोन्ही घरी..., बेटी बचाओ.... समाज बचाओ यासह विविध पद्धतीने मातृत्वाचे महत्व पटवून देत मातृशक्तीला वाढवण्यासाठी मोठ्या प्रमाणात प्रचार व प्रसार सुरु आहे. या आवाहनाला शहरासह आता ग्रामीण भागात मोठा प्रतिसाद मिळत असल्याचे ग्रामीण भागात दिसून येत आहे. 

दि.१३ रोजी तालुक्यातील सरसम येथील रहिवाशी सौ.रोहिणी गोविंद गोडसेलवार यांच्या पोटी सलग दुसरे कन्यारत्न जन्मले आहे. या आनंदात त्यांनी येथील दवाखान्यात त्यांनी कुटुबा समवेत जिलेबीचे वाटप करून आनंद साजरा केला. त्यांना पहिली यशश्री हि मुलगी पाच वर्षाची असून आता दुसरे कन्यारत्न जन्मले आहे. सदर मुलीचे लवकरच तेजश्री असे नामकरण करण्यात येणार असल्याचे त्यांनी सांगितले. सदर मुलीच्या जन्माअगोदर त्यांनी गरोदर मातेस सरसम बु.येथील प्राथमिक रुग्णालयात नेले होते. येथील डॉक्टरना तीन वेळेस फोन लाऊन व नर्सला प्रत्यक्ष बोलावून सुधा कोन्हीही आले नसल्याने शेवटी नाईलाजास्तव त्यांना हिमायतनगर शहरातील खाजगी रुग्णालयात न्यावे लागल्याचेहि ते म्हणाले. शासकीय रुग्णालयात रुग्णांसोबत कशी वागणूक दिली जाते हे यावरून स्पष्ट होत आहे.

शुक्रवार, १० जुलै, २०१५

अन्न, वस्त्रासह, आर्थिक मदत

वडगाव ज.पिडीतग्रस्तांना आ.आष्टीकरांनी दिला मायेचा आधार  


हिमायतनगर(कानबा पोपलवार) तालुक्यातील मौजे वडगाव ज.येथील आगीत भस्मसात झालेल्या घराच्या कुटुंबाना दि.०९ गुरुवारी हदगाव हिमायतनगर तालुक्याचे आ.नागेश पाटील आष्टीकर यांनी अन्न, धान्य, कपडे व आर्थिक मदतीचा हात पुढे करून भरघोस मदत देवून मायेचा आधार दिला आहे.  

दि.०६ जुलै च्या मध्यरात्री तालुक्यातील मौजे वडगाव ज.येथील घरांना आग लागून ११ लाखाचे नुकसान झाले होते. या घटनेचा पंचनामा महसूल विभागाचे तलाठी श्री शिंदे यांनी करून तसा अहवाल वरिष्ठांना पाठविला आहे. या घटनेत संसार उपयोगी व शेती साहित्य व रोख रक्कम भस्मसात झाल्याने आता जगायचे कसे ...? असा प्रश्न गंगावलेल्या शेतकर्यासमोर उभा टाकला आहे. शासनाची तुटपुंजी आर्थिक मदतीवर संसाराचा डोलारा उभा कसा करायचा वर्षभर गुजराण करायची तरी कशी..? असे एक ना अनेक प्रश्न घरे उध्वस्त झालेल्या कुटुंबासमोर होती. घटना घडल्याने अनेक नेत्यांनी जाळीत शेतकऱ्यांची भेट देवून केवळ सांत्वन केले. परंतु आश्वासनाशिवाय दुसरे काहीच दिले नाही, तर शहरातील वासवी क्लबच्या लोकानी भेट देवून अन्न धान्य देवून त्यांचे अश्रू पुसून मायेचा आधार दिला आहे.

घटनेच्या काळात मुंबईला गेलेले हदगाव हिमायतनगर विधानसभा मतदार संघाचे आ.नागेश पाटील आष्टीकर परत येताच प्रथम त्यांनी जळीत घटनेच्या वडगाव ज. येथे भेट दिली. या ठिकाणी भेट देवून नुकसानग्रस्त शेतकरी कुटुंबाची आस्थेवाईकपने चौकशी केली. आणि आधार देत प्रत्येक कुटुंबियांना २ क्वीन्टल अन्न धान्य, कपडे, साडी, लुगडे, चिमुकल्यांना कपडे, व रोख १० हजारची आर्थिक मदत केली. तसेच लवकरच घरकुल व शासनाकडून अधिकाधिक तातडीची मदत मिळवून देण्याचे आश्वासन दिले. त्यांच्या या मदतीने भारावलेल्या शेतकर्यांनी " आमदार म्हणजे खरच जनता राजा " अश्या कृतज्ञ शब्दांनी पिडीत कुटुंबांच्या सदस्यांनी समाधान व्यक्त केले. 

तसेच त्यांच्यासोबत आलेल्या परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ यांनी यांनी पिडीत कुटुंबास प्रत्येकी ५ हजारची मदत, आणि बजरंग दलातर्फे कुटुंबियांना २ हजारची आर्थिक मदत सुपूर्द केली. या सर्वांच्या मदतीच्या हातभाराने पिडीत कुटुंबियांना जगण्याची नवी उर्जा मिळाली आहे. निसर्गाच्या लहरीपणाचा दरवर्षी शेतकर्यांना फटका बसत असल्याने गतवर्षीच्या दुष्काळातून शेतकरी अजून सावरला नाही. तोच आगीत घरे उध्वस्त झाल्याने वडगावच्या दहा कुटुंबांचा संसार उघड्यावर आला होता. यावेळी पोलिस पाटील, सरपंच, गावकरी नागरिक, शिवसैनिक कार्यकर्ते मोठ्या संखेने उपस्थित होते.   

कायमस्वरूपी पाणी मिळवून देईन

हिमायतनगर - हदगाव तालुक्याला शाश्वत पाणी मिळवून देण्यासाठी प्रयत्नशील - आ.आष्टीकर


हिमायतनगर(अनिल मादसवार) हदगाव हिमायतनगर तालुक्यात राबविल्या जात असलेल्या नळ योजनेची तब्बल १५० करोडोची रक्कम देणे आहे. एवढ्या मोठ्या प्रमाणात खर्च करून देखील तालुक्यातील जनतेला पाणी उपलब्ध नसल्याने पाणी टंचाईचा सामना करावा लागत आहे. हि समस्या कायमरुपी सोडविण्यासाठी २०० कोटीच्या खर्चातून एम.जी.पी.मार्फत शाश्वत व शुद्धपाणी उपलब्ध करून देण्यासाठी शासन दरबारी माझे प्रयत्न सुरु आहेत. असे प्रतिपादन हदगाव - हिमायतनगर तालुक्याचे आ.नागेश पाटील आष्टीकर यांनी व्यक्त केले. ते हिमायतनगर येथील नगरपंचायतीचा प्रशासक पदाचा चार्ज तहसीलदार शरद झाडके यांनी स्वीकारल्यानंतर दिलेल्या भेटीत बोलत होते. 

यावेळी हिमायतनगर शहराला नगरपंचायतीचा दर्जा मिळवून दिल्याबद्दल शिवसेनेचे आ.नागेश पाटील आष्टीकर व प्रशासक शरद झाडके यांचा शहरातील प्रतिष्ठीत नागरिक व पत्रकारांच्या वतीने सत्कार करून शहरातील नागरिकांना मुलभुत सुविधा उपलब्ध करून देण्याची मागणी करण्यात आली. याप्रसंगी सत्काराला उत्तर देताना ते म्हणाले कि, पैनगंगा नदीवर जनतेची कोणतही मागणी नसताना १४२ कोटीच्या खर्चातून मंगरूळ येथे बंधारा बांधण्यात आला. एवढा निधी खर्च करूनही केवळ १० कि.मी.पर्यंत पाणी साठ उपलब्ध होणार आहे. त्यामुळे तालुक्यातील सिंचनाचा प्रश्न जैसे थेच राहून पाणी टंचाई उद्भवणार आहे. कायमरुपी पाणी टंचाईची समस्या सोडविण्यासाठी एम.जी.पी.मार्फत इसापूर धरणातून हदगाव -हिमायतनगर तालुक्यासाठी पाणी आणण्याच्या प्रयत्नात आहे. शासनाचे १५० कोटी आणि एम.जी.पी.च्या माध्यमातून २०० कोटीच्या खर्चातून होणार्या सिंचनातील खर्च आणी उपयोग यातील फरक निदर्शनास आणून दिला आहे. त्यामुळे राज्यशासन ५० केंद्रशासन ५० टक्के निधी म्हणजे १०० कोटीमध्ये हि योजना कार्यान्वित होऊन शाश्वत पाणी उपलब्ध होणार आहे. यासाठी मला वारंवार मुबईला जावे लागत आहे. मी काही कोणता मोठा माणूस नाही जे कि माझे काम फोनवर होईल, म्हणून मला मंत्रालयात जावून अधिकार्यांना भांडून काम करून घ्यावे लागत आहे. यानंतर दोन्ही तालुक्यातील जनतेच्या कायमस्वरूपी पाणी पुरवठ्याच्या प्रश्न सुटेल असा विश्वासही त्यांनी व्यक्त केला. 

विरोधी पक्षाकडून आजचे आमदार हे काँग्रेस कार्यकर्ते होत..! या पद्धतीने होत असलेल्या टीकेचा खरपूस समाचार घेताना ते म्हणाले कि, मी काय.? कोणत्या पक्षाला जन्मलेला नाही. त्यासाठी विरोधकांनी पक्षाबाबत न बोलता विकास कामे करून घेण्यावर भर द्यावा. पक्ष हे निवडणुका पुरते असतात, विकास कामात कोणताही पक्ष नसून, आज मी सर्वांचाच आमदार आहे. या जिल्ह्याचे मुख्यमंत्री असताना नायगाव, हिमायतनगर नगरपंचायतीची घोषणा झाली. मग या दोन्ही ग्रामपंचायतीला नगरपंचायतीचा दर्जा का..? मिळवून दिला नाही. असा सवालही त्यांनी करून मी काही एवढे कोटी आणीन असे आश्वासन देणार नाही. परंतु चांगल्या सुविधा व शाश्वत पाण्यासह जनतेच्या अपेक्षा पूर्ण करण्यासाठी जीवाचे रान करीन असे ठणकावून सांगितले. यावेळी पं.स. सभापती आडेलाबाई हातमोडे, परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ, स्विय्य सहाय्यक बंडू पाटील आष्टीकर, माजी जी.पं.सदस्य समद खान, रामभाऊ ठाकरे, शंकर पाटील, मदन पाटील, डॉ.गणेश कदम, राम राठोड, बाळू चवरे, संजय काईतवाड, यांच्यासह शिवसैनिक, नागरिक, पत्रकार उपस्थित होते. 

शिवसेनाच हिमायतनगर शहराचा विकास - महाविरचंद 
--------------------------- 
हिमायतनगर शहराला तालुक्याचा दर्जा शिवसेनेचे आमदार असताना मिळाला. आता नगरपंचायत सुद्धा शिवसेनेच्या आमदाराच्या कार्यकाळात झाली आहे. त्यामुळे हिमायतनगर शहर विकासाचे गदा हा शिवसेनेमुळे पुढे रेटत आहे. असे मत परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ यांनी व्यक्त केले. 

नगरपंचायतीसाठी आष्टीकरांचे परिश्रम फळाला - समद खान 
----------------------- 

हिमायतनगर शहराला नगरपंचायतीचा दर्जा प्रस्ताव अगोदर पाठविला हे खरे आहे. परंतु दर्जा मिळवून देण्यासाठी तत्कालीन पुढारी अपयशी ठरले. ग्रामपंचायतीची निवडणूक लागली, आणि मी स्वतः विद्यमान आ.नागेश पाटील आष्टीकर यांच्यासोबत मुंबईला गेलो. माझ्या समक्ष मुख्यमंत्र्यासह सर्वांनी त्याने म्हणणे ऐकून हिमायतनगरला नगरपंचायतिचा दर्जा बहाल केला. त्यामुळे आ.नागेश पाटील आष्टीकर यांचे प्रयत्न फळाला आल्याचे मी या डोळ्यांनी पहिले आहे. त्याच प्रमाणे शहरातील नागरिकांना बिसलेरी पाणी मिळवून देण्याबरोबर सर्वांगीण विकासासाठी प्रयत्न करावे, विकास करणार्यांच्या पाठीशी आम्ही आहे. असे मत माजी जी.पं.सदस्य समद खान यांनी व्यक्त केले.

सोमवार, ६ जुलै, २०१५

वडगावात आगडोंब....

वडगावात आगडोंब....
१० शेतकर्याचे घरांचे ११ लाखाचे नुकसान 
शेती व गृहउपयोगी साहित्य खाक झाल्याने अनेक कुटुंब उघड्यावर...
शाससाने तातडीची मदत देऊन हातभार लावावा...


हिमायतनगर(अनिल मादसवार) अगोदरच निसर्गाच्या लहरीपणाने भिकेला लागलेल्या शेतकऱ्यांच्या घरांना दि.०६ च्या मध्यरात्री अचानक आग लागली. या घटनेत १० शेतकऱ्यांच्या घरादारासह संपूर्ण गृह उपयोगी साहित्य भस्मसात झाले. पावसाभावी शेतातील पिके वाळू लागली...आता काय खावे आणि कुठे राहावे असा हुंदके देऊन प्रश्न उपस्थित केला. आणि उघड्यावर आलेल्या कुटुंबातील माउलीने आगीत जळलेले अन्नधान्य गोळा करणे सुरु केल्याचे विदारक चित्र हिमायतनगर तालुक्यातील मौजे वडगाव ज.येथे पहावयास मिळाले आहे. या आगडोंबात ३ भावकीतील १० अल्पभूधारक शेतकऱ्यांचे जवळपास ११ लाखाहून अधिकचे नुकसान झाले आहे. दैव बलवत्तराने जाग आली म्हणून आमचे व पशु प्राण्यांचे जीव वाचू शकलो अश्या प्रतिक्रिया हताश झालेल्या कुटुंबातील महिलांनी नांदेड न्युज लाईव्हच्या प्रतिनिधीसमोर व्यक्त केल्या.  

गेल्या १५ दिवसापासून पावसाने उघडीप दिल्याने उन्हाळा सदृश्य स्थिती निर्माण झाली आहे. त्यामुळे खरीप हंगामात पेरलेल्या पिकांना जागविण्यासाठी बळीराजा पोटाला चिमटा देत कुटुंबासह धडपड करीत आहे. अश्याच चिंतेत असलेल्या तालुक्यातील वडगाव ज.येथील शेतकरी दि.०५ रोजी दिवसभर घाम गाळून देवाकडे पाऊस पडण्याची विनंती करत घरी परतले. सायंकाळी घरी आल्यानंतर भाकरीचा घास मोडून विश्रांती घेतली. अचानक १२ वाजेच्या दरम्यान घरांना आग लागून पेट घेतल्याचे जाणवले. अचानक घडलेल्या घटनेने घरातील सर्व शेतकरी कुटुंबासह उठून बाहेर आले. तर काही शेतकर्यांनी आपले पाळीव पशु - प्राणी वाचविण्यासाठी धडपड चालविली. तर काहींनी घराला लागलेली आग विजाविण्याचा प्रयत केला. परंतु पाणी टंचाई असल्याने शेतकर्यांना शेतातून पाईप लावून पाणी आणावे लागले. दरम्यान सुरु अससेल्या वार्याने येथील १० घरांना आपले लक्ष केले. पाहता पाहता आगीने रौद्ररूप धारण केल्याने या आगडोंबाच्या घटनेत कोंबड्या, अन्नधान्य, ग्रह उपयोगी साहित्य, कपडे लत्ते, टीन- पत्रे, जनावरांचे वैरण, खते, शेती उपयोगी साहित्य, नगद रक्कम, मालमत्तेची कागदपत्रे आदी जळून भस्मसात झाले आहे. या घटनेने १० शेतकऱ्यांचे कुटुंब उघड्यावर आले असून, त्यांच्यावर उपासमारीची वेळ आली आहे. या अचानक घडलेल्या घटनेने शेतकरी कुटुंब पूर्णतः हताश झाले असून, आता काय खावे, कुठे राहावे असा सवाल करत आहेत. आगीच्या घटनेने नुकसानीत कुटुंबियांना शासनाने तातडीने मदतीचा हातभार लावावा अशी मागणी गावकरी व शेतकरी बांधवांनी केली आहे.

घटनेची माहिती मिळताच महसुलचे तलाठी श्री पी.जी.माने यांनी घटनास्थळी सकाळी ९ वाजता भेट देवून जळीत घटनेचा पंचनामा पोलीस पाटील बालाजी ताडकुले व गावकरी पंचासमक्ष केला. या घटनेत येथील शेतकरी गंगाधर मारोती माळसोठे - ९० हजार, लक्ष्मण मारोती माळसोठे - ०२ लाख ८५ हजार, हुलाजी सखाराम तुपेकर - ०२ लाख ४६ हजार, आनंदराव सखाराम तुपेकर - ०२ लाख ४० हजार, सखाराम तोलाजी तुपेकर - १४ हजार, मारोती नारायण शिंदे - ७८ हजार, बालाजी राजाराम शिंदे - ४३ हजार, राजाराम नारायण शिंदे - २७ हजार ५००, ग्यानबा पुंजाराम पावडे - १० हजार, रामेश्वर ग्यान्बाराव पावडे ०८ हजार असे एकूण १० शेतकरी कुटुंबाचे १० लाख ४१ हजार ५०० रुपयाचे नुकसान झाले आहे. तसेच पोलिसांच्या वतीने श्री कांबळे यांनी येथे भेट देवून घटनेची माहिती घेतली.   

तालुक्यासाठी अग्निशमन बंबाची आवश्यकता
-----------------------------
हिमायतनगर तालुक्याचे ठिकाण असून, तालुक्यात एकूण ५३ ग्रामपंचायती आहेत. यात एकूण ७८ हून अधिक गावे -वाडी तांडे असून, आजवर अनेक ठिकाणी अचानक व शोर्ट सर्किट होऊन आग लागण्याच्या बर्याचश्या घटना घडल्या. परंतु येथे अग्निशमन दलाचे बंब  नसल्याने आगीच्या घटनावर मात करणे कठीण झाले आहे. अशी घटना आघाडल्यास किनवट - ६० कि.मी., हदगाव -४५ कि.मी, भोकर ४० कि.मी.दूरवर असल्याने त्यांना पाचारण केल्या नंतर पोचेपर्यंत मोठे नुकसान झाल्याचा अनुभव तालुक्यात मागील काळात घडलेल्या घटनेवरून आला आहे. आज हिमायतनगर येथे अग्निशमन दलाचा बंब असला असता तर तातडीने आगीच्या घटनेवर उपाय होऊन शेतकऱ्यांचे झालेले नुकसान टळले असते अश्या प्रतिक्रिया या घटनास्थळी उमटल्या आहेत. 
                                                                 

बुधवार, १७ जून, २०१५

दमदार पावसाने

सहस्रकुंड धबधबा खळखळू लागला



हिमायतनगर(उत्कर्ष मादसवार)नांदेड - किनवट राज्य रस्त्यावरील हिमायतनगर पासून १५ कि.मी. अंतरावर असलेल्या रामायणकालीन इतिहासाची साक्ष देणारा सुप्रसिद्ध सहस्रकुंड बाणगंगा धबधबा खळखळ वाहू लागला आहे. 

मृग नक्षत्रात झालेल्या दमदार पावसाने आणि कयाधू नदी दुथडी भरून वाहू लागल्याने विदर्भ - मराठवाडा सीमेवरून वाहणाऱ्या नांदेड जिल्ह्यातील पैनगंगा नदीवरील सहस्रकुंड धबधबा खळखळ वाहू लागला आहे. रामायण कालीन अख्याईका असलेल्या या नैसर्गिक धबधब्याचे दृश्य पाहण्यासाठी पर्यटकांची पाऊले या दिशेने वळत आहेत. मागील चार वर्षा नंतर पहिल्यांदाच जून महिन्यात सहस्रकुंड धबधबा वाहत आहे. १०० ते १५० फुटावरून पडणारा धबधबा सर्वांचे लक्ष वेधून घेत आहे. या विहंगम दृश्याचा आनंद पर्यटक ८० फुट उंचीच्या मनोर्यावरून घेत आहे. तर संपूर्ण परिसर देखील हिरवाईने नटला असून, या धबधब्याच्या काठावर पुरातन कालीन महादेव मंदिर आहे. या ठिकाणी श्रावण मास, दर सोमवारी दर्शनसाठी भक्त येतात. मात्र अद्याप या ठिकाणी पोलिस अथवा मंदिर प्रशासनाने सुरक्ष गार्ड तैनात केला नसल्याने दुर्घटनेची शक्यता बळावली आहे.

शनिवार, १३ जून, २०१५

बियाणे खरेदीसाठी कृषी दुकानात गर्दी

कालच्या पावसाने पेरणीची लगबग... 
बियाणे खरेदीसाठी कृषी दुकानात गर्दी


हिमायतनगर(वार्ताहर)शक्रवारी मध्यरात्री तालुकाभरात झालेल्या कमी - अधिक प्रमाणात झालेल्या पावसामुळे शेतकरी वर्गात उत्साह संचारला आहे. पेरणीसाठी लागणारे खते - बियाणे खरेदीसाठी शनिवारी बाजारात शेतकऱ्यांची गर्दी झाली आहे. काही भागातील शेतकर्यांनी कापूस लागवडीने पहिल्या टप्यातील पेरणीची लगबग सुरु केल्याचे चित्र दिसून येत आहे.

मृग नक्षत्र लागतच आभाळात झालेल्या ढगाळ वातावरणाने काही शेतकर्यांनी कोरड्या जमिनीत  पहील्या टप्याची पेरणी केली होती. मृग नक्षात तुरळक प्रमाणात झालेल्या पावसावर तालुका परीसरातील जवळपास ३० टक्के शेतक-यांनी कापुस, सोयाबीन, ज्वारी आदी पिकांची पहील्या टप्याची पेरणी कोरड्या जमिनीत केली होती. परंतु तुरळक प्रमाणात पाऊस पडून उघडल्याने शेतक-यांच्या कपाशीची बियाणे मध्येच कुजुन जाण्याची भीती व्यक्त होत होती. दरम्यान दि.११ आणि दि.१२ शुक्रवारी मध्यरात्री सुरु झालेल्या दमदार पावसामुळे त्या सरसम, हिमायतनगर, जवळगाव परीसरातील शेतीच्या रानात पाणीच पाणी झाले असुन, बळीराजा सुखावला आहे. 

गतवर्षी कापुस उत्पादक शेतक-यांना निसर्गाच्या लहरीपनाचा मेाठा फटका बसला होता. सरासरी पेक्षा कमी झालेले उत्पन्न त्यातच भावात झालेली घसरण यामुळे शेतकरी आर्थीक संकटात सापडला आहे. त्या संकटावर मात करुन खरीप हंगामेच स्वागत करीत नव्या जोमाने शेतकरी कामाला लागला आहे. मात्र गतवर्षीच्या तुलनेत यावर्षी कापसाच्या पे-याचा आकडा कमी होण्याची शक्यता बळावली असुन, सोयाबीन पिकांवर भर देऊऩ गोर- गरीब अल्पभुधारक शेतक-यांनी शनिवारच्या मुहूर्तावर पेरणीला सुरुवात केली असल्याचे चित्र तालुका परिसरात दिसून आले आहे. 

आतापर्यंत केवळ ६६.६६ मी.मी.पावसाची नोंद 
------------------------------------ 
मृग नक्षत्रानंतर पाचव्या दिवशी पावसाला सुरुवात झाली असून, गुरुवारी रात्रीला हिमायतनगर १२ मी.मी., जवळगाव २७ मी.मी., सरसम ३० मी.मी. तर शुक्रवारच्या रात्री १० वाजेच्या दरम्यान अल्प पावसाने सुरुवात करून मध्यरात्री उशिरा दमदार पावसाचा जोर वाढल्याने हिमायतनगर ३० मी.मी., जवळगाव ३३ मी.मी., सरसम ५५ मी.मी. अशी सरसरी ३९. ३३ मी.मी. नोंद करण्यात आली असून, यावर्षी आत्तापर्यंत एकूण ६६.६६ मी.मी. आणि ६. ८२ टक्के पावसाची नोंद झाल्याची माहिती नायब तहसीलदार श्री एस.एम.देवराये यांनी दिली. 

घाण पाणी साचल्याने नागरिकांचे आरोग्य धोक्यात 
-------------------------
पावसाळ्यापूर्वी ग्राम पंचायतीने नाल्याची सफाई केली नसल्याने कालच्या पावसाने शहरातील अनेक प्रभागात पाणीच पाणी साचले असून, पावसामुळे नालीतील घाण रस्त्यावर आल्याने शहरातील नागरिकांना दुर्गंधीचा सामना कराव लागत आहे. परिणामी दासांची उत्पत्ती वाढून नागरिकांचे आरोग्यद धोक्यात येण्याची शक्य बळावली आहे. तातडीने नाल्याची सफाई करून नागरिकांना सुरक्षा द्यावी अशी मागणी नागरिकांनी केली आहे. 

पेरणीची गरबड करू नये - कृषी अधिक्षक 
--------------------------------
हिमायतनगर तालुक्यात ०१ जूनपासून आतापर्यत सरासरी ६६.६६ मि.मी.पाऊस झाला आहे. शेतकर्यांनी आत्ताच पेरणीची गरबड न करता किमान १०० मि.मि. पाऊस झाल्याशिवाय पेरण्या प्रारंभ करु नये असे आवाहन कृषी अधिक्षकांनी नांदेड न्युज लाईव्हच्या माध्यमातून शेतकर्यांना केले आहे.

अश्विन राउत या विद्यार्थ्याने ९५ टक्के गुण

प्रतिकूल परिस्थितीवर मात करून मिळविले ९५ टक्के गुण



हिमायतनगर(बी.आर.पवार)तालुक्यातील मौजे सवना ज.येथील एका गरीब शेतमजुराच्या मुलाने कोणतीही खाजगी शिकवणी न लावता इयत्ता दहावीच्या परीक्षेत ९५ टक्के गुण मिळवून गगनभरारी घेत तालुक्यातून दुसरा येण्याचा मान मिळविला आहे. त्याच्या या यशाबद्दल सर्व स्तरातून त्याचे कौतुक केले जात आहे. 

शहरातील राजा भगीरथ शाळेत इयत्ता दहावीचे शिक्षण घेवून नुकत्याच संपन्न झालेल्या महाराष्ट्र माध्यमिक परीक्षेत सहभाग घेतला होता. या परीक्षेचा निकाल दि.०९ रोजी ऑनलाईन पद्धतीने जाहीर करण्यात आला असून, यात हिमायतनगर तालुक्यातील सवना ज. येथील अश्विन भीमराव राउत या विद्यार्थ्याने ९५ टक्के गुण प्राप्त केले. सदर विद्यार्थ्याचे वडील हे शेतमजुरीचे काम करून आपल्या कुटुंबाचा उदरनिर्वाह चालवीत असून, त्यांनी मुलाला उच्च शिक्षण देण्याचे प्रयत्न केला आहे. त्यांच्या सोबत कुटुंबाच्या कामात हातभार लावत अश्विन याने प्रतिकूल परिस्थितीत बाबासाहेबांच्या शिका, संघटीत व्हा या उक्तीचे अनुकरण करीत मिळेल त्या वेळेत अभ्यास केला. कोणताही प्रकारची खाजगी शिकवणी न लावता केवळ शालेय अभ्यासिकात शिक्षकांनी केलेल्या मार्गदर्शनावर त्याने यश संपादित केले आहे. त्याने सर्वात कठीण समजल्या जाणार्या गणित या विषयात ९९ गुण संपादित केले आहे. दृढ इच्छाशक्ती असेल तर कोणतीही समस्या यशाच्या मार्गातील अडसर होऊ शकत नाही हे त्यांनी सिद्ध केले असून, आपल्या यशाचे श्रेय त्यांनी गुरुजन वर्ग आई - वडिलांना दिले आहे. गरीब कुटुंबात राहून आभाळाला गवसणी घालण्याजोगे त्याने मिळविलेल्या यशाबद्दल तालुक्याचे आ.नागेश पाटील आष्टीकर, परमेश्वर मंदिर ट्रस्टचे उपाध्यक्ष महाविरचंद श्रीश्रीमाळ, महाराष्ट्र राज्य मराठी पत्रकार संघाचे तालुकाध्यक्ष पांडुरंग गाडगे, कार्याध्यक्ष प्रकाश जैन, सचिव अनिल मादसवार, संघटक कानबा पोपलवार, अनिल भोरे, असद मौलाना, वसंत राठोड, शाळेचे मुख्याध्यापक, शिक्षक वृंद आदीसह सर्व स्तरातील नागरिकांनी अभिनंदन केले आहे.

अशोकरावांची साथ सोडणार नाही

शेवटपर्यंत अशोकरावांची साथ सोडणार नाही...जवळगावकर



हिमायतनगर(वार्ताहर)कॉंग्रेस पक्षाने मला भरभरून दिले असून, माजी मुख्यमंत्री तथा विद्यमान खासदार अशोकराव चव्हाणांची शेवटपर्यंत साथ सोडणार नसल्याचे माजी आ.माधवराव पाटील जवळगावकर यांनी नांदेड न्युज लाईव्हशी बोलताना सांगितले. 

ते हिमायतनगर शहरात लग्न समारंभासाठी आले असता पत्रकारंशी बोलत होते. यावेळी पुढे बोलताना ते म्हणाले कि, हल्ली माध्यमामधून माझ्या विषयी अनेक वावड्या उठविल्या जात असून, काही जन माझी बदनामी करण्याचा प्रयत्न केला जात आहे. माझे वडील स्व.कै.निवृत्ती पाटील यांच्या काळापासून ते आजपर्यंत कॉंग्रेस पक्षाचे कार्य माझ्या घराणे निष्ठेने केले असून, स्व.शंकरराव चव्हाण व माजी मुख्यमंत्री तथा विद्यमान खा.अशोकराव चव्हाण यांच्या नेतृत्वावर विश्वास ठेवून मी यापूर्वीही कॉंग्रेस पक्षाचे कार्य निष्ठेने केले आहे, करत आहे आणि भविष्यात शेवटपर्यंत अशोकरावाची साथ कदापि सोडणार नसल्याचे स्पष्ठ प्रतिपादन पत्रकारांशी बोलताना करून, वर्तमान पत्रातून उठणाऱ्या पक्षांतराच्या वावड्यांना पूर्णविराम दिला आहे. 

हदगाव - हिमायतनगर मतदार संघात २०१० ते २०१५ या पंचवार्षिक काळात रेकोर्ड ब्रेक विकास कामे करणाऱ्या जवळ गावकर यांच्या अल्पश्या मताने २०१५ च्या विधानसभा निवडणुकीत पराभव झाला असला तरी पराभवाने खचून न जात त्यांच्या कामाचा जोश व त्यांच्या मनमिळावू स्वभावाने आजही कार्यकर्त्यांचे थवे त्यांच्या भोवती गराडा घालताना दिसत आहेत.