NEWS FLASH लोकसभा विधानसभेत महिलांना ३३ टक्के आरक्षण मिळावी अशी मागणी महाराष्ट्र प्रदेश महिला काँग्रेसच्या अध्यक्षा अॅड. चारुलता टोकास यांनी मुख्यमंत्र्यांकडे केली, भाजप नेते माजी आ.रमेश कदम यांचा समर्थकांसह काँग्रेस पक्षात प्रवेश, मुंबई - गोवा महामार्गाच्या दुरवस्थेची जाणीव करून देण्यासाठी गुरुवारी पनवेल सावंतवाडी दरम्यान काँग्रेस पक्ष करणार सत्याग्रह आंदोलन, मुखेड नगरपरिषदेच्या घन - कचरा व्यवस्थापन टेंडर निविदा प्रक्रिया रखडल्याने जागोजाग घाण साचली, राम शिंदे यांना स्वच्छ भारत अभियानाचे महाराष्ट्राचे ब्रँड अम्बॅसेडर नेमा- सचिन सावंत **

३१ जानेवारी, २०१४

छापा..

हिमायतनगरात अन्न व औषध प्रशासनाचा छापा.. दीड लाखाचा गुटखा जप्त 


नांदेड(अनिल मादसवार)स्थानिक पोलिस व राजकीय वरदहस्त असलेल्या शहरातील दोन बड्या किराणा दुकानदारांकडून तर एका पान पासला टपरीधारकाकडून होलसेल गुटखा विक्रीचा धंदा चालविला जात आहे. त्याच्या मार्फत शहरातील पान टपर्या, छोटे किरण दुकान, हॉटेल वाल्यांना विमल, सितार, आर.एम.डी. सह सुगंधी मासल्याचा पुरवठा केला जात आहे. याबाबतची गुप्त माहिती मिळाल्यावरून आज दि.३१ जानेवारी रोजी अन्न व औषध प्रशासनाने हिमायतनगर येथील एका गोडावून वर छापा टाकून दीड लाखाचा गुटखा पकडून पोलिस कार्यवाही करण्यात अली आहे. 

हिमायतनगर येथील ठाण्याचा कारभार नूतन पोलिस अधिकार्यांकडे सोपविल्यानंतर शहरात अवैध्य धंदेवाल्यांनी पुन्हा डोके वर काढले आहे. पोलिसांना हप्ता देवून शहरात रेशन, केरोसीन, मटका, अवैध्य दारू, गुटख्याचा गोरखधंदा तेजीत चालविला जात आहे. यामुळे ३ रुपयाला मिळणारी पुडी हि पाच ते सात रुपयाला विकली जात आहे. तसेच गुटख्याच्या होलसेल पुड्याच्या किमतीतही ९०  ते ७० रुपयाने वाढ करण्यात आली आहे. शासनाने गुटखा विक्रीवर बंदी आणली असताना पूर्वीच्या पेक्षा पोलिसांच्या हप्त्यात दुप्पटीने वाढ करून खुले आम हा धंदा चालविला जात आहे. यामुळे शहरातील लहान बालकांसह शेतकरी, मजूरदार गुटख्याच्या आहारी गेले असून, अव्वाच सव्वा दारात गुटख्याची पुडी खरेदी करून तलब भागवीत आहेत. यावर अंकुश ठेवण्यासाठी जागरूक जनता व स्वतः पालकांना पुढाकार घेवून स्थानिकाच्या जागरूक नेत्यांना हि बाब निदर्शनास आणून दिली परंतु काहीच फरक पडला नाही. उलट राजकीय वरद हस्त असलेल्या गुटखा माफियांनी हा धंदा सुरक्षित रित्या चालू ठेवून अल्पावधीत मालामाल होण्याच्या प्रयत्न चालविला आहे.  

अश्याच छुप्या पद्धतीने गुटख्याचा साठ करून ठेवल्याची माहिती अन्न व औषध प्रशासनाला काहींनी दिली होती. सायंकाळी ६ वाजेच्या सुमारास अन्न औषध प्रशासनाचे सहाय्यक आयुक्त श्री.पी.डी.गळाकाटू, अन्न निरीक्षक श्री संतोष कनकावाड, भारत भोसले, कृष्ण जयपूरकर, स्थानिक पोलिस स्टेशनचे सहाय्यक पोलिस निरीक्षक सुशील चव्हाण, जमादार कोठुळे, कागणे यांनी शुक्रवारी हिमायतनगर शहरातील बाजार चौकातील सीरंजणी रस्त्यावर असलेल्या एका बड्या व्यापाऱ्याच्या गोडावून छापा टाकला. या ठिकाणी काळ्या बाजारात विक्री करण्यासठी ठेवलेला विमल पान मसाला अंदाजे ०१ लाख ८ हजार रुपयेच माल, वि.वन.सुगंधी तंबाखू ३६ हजार असा एकूण ०१ लाख ४४ हजाराचा मुद्देमाल जप्त केला आहे. या धंद्याचा खरा आरोपी अजून पडद्याआड असून, या प्रकरणी शे.हाफिज शे. आलम याच्यावर अन्न सुरक्षा माणदे कायदा कलम २६ व 27 भादवी २७२, २७३, १८८ नुसार गुन्हा दाखल करण्यात आला आहे. या कार्यवाहीमुळे अवैध्य धंदेवाल्यात एकच खळबळ उडाली असून, अन्य गुटखा व्यापार्यांनी आपला माल सुरक्षित स्थळी हलविल्याची चर्चा शहारत सुरु आहे.  

बंदी झुगारून गुटख्याची राजरोसपणे विक्री...

गुटख्यापासून मिळणा-या वार्षिक सुमारे शंभर कोटींच्या उत्पन्नावर पाणी फेरून कर्करोगाला निमंत्रण देणा-या गुटख्याच्या विक्रीवर राज्य शासनाने सन २०१२ ला गुटख्याचे उत्पादन व विक्रीवर बंदी घातली. दोन वर्षापासून कुटखा विक्रीवर बंदी असूनही नांदेड जिल्ह्यातील विविध शहरांत गुटख्याची खुलेआम विक्री होऊ लागल्याने फौजदारी खटला करण्याचे आदेश शासनाने अन्न व औषध प्रशासन अधिका-यांना दिले त्यानुसार नांदेड जिल्ह्यातही अनेक मोठ्या कारवाया करण्यात आल्या. परंतु अजूनही राजकीय वरदहस्त असलेल्या काही गुटखा माफियांकडून राजरोसपणे गुटख्याची विक्री होताना दिसून येत आहे.

धीरजकुमारच्या निलंबनाची मागणी

भाकप व लालसेनेचा जिल्हाधिकारी कार्यालयावर मोर्चा
धीरजकुमारच्या निलंबनाची मागणी  


नांदेड(रामप्रसाद खंडेलवाल)भाकप आणि लालसेना यांच्यावतीने आज जिल्हाधिकारी कार्यालयावर विविध मागण्यांसाठी मोर्चा काढण्यात आला.महिलांची संख्या जादा होती.भाकपने जिल्हाधिकारी धीरजकुमार यांच्या निलंबनाची मागणी केली आहे.

अण्णाभाऊ साठे चौकातून निघालेल्या या मोर्चात महिलांची लक्षणीय संख्या होती.जिल्हाधिकारी कार्यालयात दिलेल्या लालसेनेच्या निवेदनात पारधी समाजावर पोलिसांकडून होणारा अन्याय थांबावा अशी मागणी करण्यात आली आहे.पोलिस पारधी समाजावर खोटे गुन्हे दाखल करतात.नांदेड,परभणी व हिंगोली या जिल्ह्यांमध्ये पोलिसांचा अत्याचार जादा असल्याचे निवेदनात नमूद आहे.या अत्याचारामुळे पारधी समाजातील अनेक लोक आत्महत्या करीत आहे.यावर प्रशासनाने त्वरीत उपाययोजना केली नाही तर लालसेना राज्यभर मोठे आंदोलन उभे करीन.याची जबाबदारी प्रशासनावर राहिल असे नमूद आहे.या निवेदनावर लालसेनेचे संस्थापक गणपत भिसे,जिल्हाध्यक्ष सुदर्शन शिंदे,वसमत तालुका सचिव महेश शिंदे,हिंगोली जिल्हा महिला आघाडी जिल्हाध्यक्ष सुमन थोरात व महिला संघटन शोभा भोसले यांच्या स्वाक्षऱ्या आहेत.

याला जोडूनच कम्युनिष्ट पार्टी ऑफ इंडिया (मा.ले.)या जनसंघटनेच्यावतीने मोर्चा काढण्यात आला आणि त्यात विविध मागण्या करण्यात आल्या.जमिनदार व भूखंड माफिया यांच्यामुळे दलित, भटके, आदिवाशी, पारधी, नंदीवाले, महादेव कोळी, जोशी, मसनजोगी, गोसावी, वडार, पांगोळ, गारोडी, डकलवार या लोकांना जमीन संपत्ती नाही. शहरातील भूखंड माफियांमुळे त्यांना राहायला जागा मिळत नाही.तेव्हा या जमातीसाठी पुर्नवसनाची योजना तयार करा.गॅस पेट्रोल व डिझेलचे वाढते भाव आणि सबसिडीची प्रचंड लूट यामुळे स्वयंपाकाचा गॅस महागला.त्यासाठी वर्षात 15 सिलेंडर देण्यात यावा.इंधनाचा गॅस 47 रूपये किलो तर घरगुती 100 रूपये किलो होत आहे.याकडे लक्ष वेधण्यात आले आहे.बीओटी तत्वावरील रस्त्यांमध्ये महाघोटाळे झाले.कल्याण टोल बंद करा.राजकीय नेत्यांना धार्मिक व आर्थिक दहशत निर्माण करण्यावर बंदी घाला आणि राज्यकर्त्यांचा आश्रय असणाऱ्या जिल्हाधिकारी धीरजकुमारला तात्काळ निलंबित करा अशी मागणी निवेदनाव्दारे करण्यात आली आहे.

नवीन भूसुधार कायद्याची अंमलजबावणी व्हावी,गायरान जमिनी भूमिहीनांना द्याव्यात,अंधश्रध्दा निर्मुलन,साक्षर गाव,पांदणमुक्त रस्ता,निर्मल व स्वच्छ गाव,सामाजिक समता व जातीयवादी मुक्त गाव अशा योजना तयार कराव्यात.सावकारी कायदा पास झाला.पण शेतकऱ्यांच्या हडपलेल्या जमिनी परत मिळाल्या नाहीत. त्या परत मिळवून द्याव्यात. 5 कोटी रूपयांपेक्षा जास्त संपत्ती असणाऱ्यांची संपत्ती जप्त करा, सर्व दारू दुकाने बंद करा, अल्कोहलचा वापर औषध निर्मितीसाठी करा, कामगारांना पेन्शन योजना लागू करा, रामतीर्थचे सहाय्यक पोलिस निरीक्षक संजय खंदाडे यांना निलंबित करा, अशा विविध मागण्या भाकपने आपल्या निवेदनात केल्या आहेत.या निवेदनावर कॉ.अशोक घायाळे,कॉ.पी.डी.वासमवाड,कॉ.एन.टी.पाटील,कॉ.जी.टी.झिंजोरे,कॉ.गणपत भिसे, कॉ. बालाजी कंठेवाड यांच्या स्वाक्षऱ्या आहेत.

३० जानेवारी, २०१४

दूध भेसळीला आळा घालण्यासाठी

भेसळखोराना फाशीच हवी

सर्वोच्च न्यायालयाने गुरुवारी दुधातील वाढत्या भेसळीबाबत चिंता व्यक्त केली. भेसळयुक्त दुधाचे उत्पादन व मार्केटिंग करणार्‍यांना जन्मठेपेपर्यंतची शिक्षा करण्याबाबत काय उपाययोजना केल्या, अशी विचारणा सर्वोच्च न्यायालयाने सर्व राज्यांना केली. दूध भेसळीला आळा घालण्यासाठी राज्यांना आदेश देण्याबाबत दाखल करण्यात आलेल्या याचिकेवर न्यायालय सुनावणी करत होते. दूध भेसळीचा मुद्दा अत्यंत गंभीर असून त्याला आळा घालण्यासाठी सर्व राज्यांनी तत्काळ पावले उचलावी, असे निर्देश न्यायमूर्ती के.एस. राधाकृष्णन यांच्या अध्यक्षतेखालील न्यायपीठाने दिले. भेसळीवर नियंत्रणासाठी काय उपाय केले, तसेच भेसळ करणार्‍यांना जन्मठेपेपर्यंतची शिक्षा होण्यासाठी काय तरतुदी केल्या आहेत, याबद्दल न्यायालयाने शपथपत्र दाखल करण्याचेही निर्देश राज्यांना दिले आहे. उत्तर देण्यासाठी न्यायालयाने राज्यांना तीन आठवड्यांची मुदत दिली आहे.

भेसळ रोखण्यासाठी दूध विक्री करणार्‍या शेतकर्‍यांपासून ते संकलन करणार्‍या केंद्र, शीतकरण केंद्र, खासगी दूध उत्पादक संस्था आणि सहकारी संघ यांनी अन्न, औषध प्रशासनाची नोंदणी आणि परवाना घेणे बंधनकारक आहे. मात्र, त्याकडे सर्वांनीच पाठ फिरवलेली असल्याचे चित्र आहे. धक्कादायक म्हणजे अनेकांना याबाबत माहितीच नाही. दूध धंदा वाढविण्यासाठी सरकार आणि सहकार क्षेत्राचे योगदान मोठे आहे. सुरुवातीला सरकारने दूध संकलन केंद्र सुरू केली. हळूहळू ती सहकार संस्थांकडे हस्तांतरित झाली. मात्र, या संस्थांकडे दूध प्रोसेस करण्याची क्षमता नसल्याने खासगी दूध प्रकल्प आणि दूध केंद्र उदयास आली. त्यातून दूध संकलनासाठी सहकार आणि खासगीत स्पर्धा निर्माण झाली.

यात दुधाच्या प्रतीचा विचार न करता दूध स्वीकारण्यास सुरूवात केली. यातून दूध भेसळीचा प्रकार वाढला. दूध भेसळीला आळा बसावा, जनतेला शुध्द आणि नैसर्गिक दुधाचा पुरवठा व्हावा, यासाठी अन्न औषध विभाग कमी पडत आहे. दूध भेसळ आटोक्यात यावी यासाठी २00६ ला तयार झालेला आणि ऑगस्ट २0११ मध्ये अंमलात आलेल्या अन्न सुरक्षा आणि मानके कायद्यात अनेक तरतुदी आहेत.त्यात एक लीटर दुधाची विक्री करणार्‍या शेतकर्‍यांपासून ते दूध संघापर्यंत सर्वांना नोंदणी आणि परवाना आवश्यक करण्यात आलेला आहे. प्रत्येक दूध शीतकरण केंद्र, उत्पादक संस्था, सहकारी संघ यांना स्वत:ची अद्ययावत प्रयोग शाळा सक्तीची आहे. यात दररोज संकलित होणार्‍या दुधाचे नमुने, दुधाची प्रतवारी, दुधाची खरेदी-विक्री याच्या अद्ययावत नोंदी ठेवणे बंधनकारक आहे.या सर्व बाबींची पूर्तता न करणार्‍या अन्न व प्रशासन विभागामार्फत कारवाई प्रस्तावित करण्यात आलेली आहे. असे असतांनाही त्याकडे कानाडोळा करण्यात आलेला आहे.अंमलबजावणीत घोडे पेंड खात आहे. मराठवाड्यात व नांदेडला मोठ्याप्रमाणात शेजारच्या नगर जिल्ह्यातून दुधाचा पुरवठा होतो पश्चिम महाराष्ट्राची मराठवाडा ही जणू वसाहत आहे.तिकडून येणारे दुध कोट्यवधी रुपयांचा गल्ला जमा करते व तो सारा पैसा पश्चिम महाराष्ट्रात जातो.एकट्या नगर जिल्ह्यात प्रतीदिन संकलीत होणारे २0 लाख लीटर आहे. घरगुती विक्री, हॉटेल आणि अन्य विक्रीचा विचार केल्यास जिल्ह्यात दररोज २५ ते २८ लाख लीटर दुधाचे उत्पादन होते. यातून असे स्पष्ट होते की दररोज दुधाचा व्यवसाय करणारे हजारो शेतकरी, व्यावसायिक आहेत. मात्र, त्यांना दूध खरेदी-विक्रीसाठी अन्न, औषध प्रशासन विभागाची परवानगी आवश्यक आहे, याची कल्पना नाही.

तसेच संबंधित विभाग याबाबत प्रचार आणि प्रसार करण्यास कमी पडलेला आहे. यामुळेच भेसळखोरांचे फावते आहे.नगर जिल्ह्याची व्याप्ती, दूध केंद्राची संख्या पाहता प्रत्येक ठिकाणी स्वतंत्रपणे जाऊन बाबनिहाय तपासणी करणे शक्य नाही. मात्र, कायद्याने ठरवून दिलेल्या फॉरमेटनुसार कार्यवाही न करणार्‍या संस्थांवर कारवाई करण्यात यावी असे आपेक्षित असताना अन्न, औषध विभागाकडे अवघे सहा निरीक्षक आहेत. तेही दोन शहरासाठी असल्याने काम करणे कठीण आहे. पिशवी बंद दुधाची आणि टोन दुधाची तपासणी नियमितपणे होणे आवश्यक आहे. मात्र, दुर्दैवाने तसे होतांना दिसत नाही. जिलत दररोज जवळपास ८ लाख ३२ हजार पिशवी बंद दुधाची निर्मिती होते.त्यातील अवघा १ टक्काच दुधाची तपासणी होत असल्याचे अन्न, औषधच्या वतीने सांगण्यात आले. तर काही प्रमाणात टोन आणि गायीच्या दुधाची तपासणी करण्यात येते. दूध भेसळ रोखण्यासाठी संकलन केंद्र, शीतकरण केंद्र, खासगी दूध उत्पादक संस्था आणि सहकारी संघ यांची तपासणी होणे गरजेचे आहे. अन्न सुरक्षा व मानके कायदा २0११ च्या तरतुदीनुसार जरी तपासणी झाली तरी भेसळीत खूप फरक पडू शकतो कारण दोषी आढळणार्‍यांचे परवाने निलंबित करण्यासोबतच, दंडात्मक कारवाई करण्याची तरतूद या कायद्यात आहे. विभाग कामाला लागले आहे. जिल्ह्यात भेसळीला आळा बसावा, जनतेला शुध्द आणि नैसर्गिक दुधाचा पुरवठा व्हावा, यासाठी तपासणी मोहीमा राबविण्यात येत असल्या तरी जोपर्यंत दंडात्मक कारवाई होत नाही तोपर्यंत भेसळखोराना फरक पडणार नाही त्यामुळे दुधात भेसळ करणारांना जन्मठेपेची शिक्षा द्यावी ही सर्वोच्च न्यायालयाचे सूचना रास्त आहे.खरे तर स्वामी रामदेवबाबा यांनी या आधीच भेसळखोराना फाशी द्यावी अशी मागणी केली होती.निदान जन्मठेपेची तरतूद करणे आवश्यक आहे.

तूर बडवणीचे

ग्रामीण भागातील शेतकरी सध्या तूर बडवणीचे कामात व्यस्त आहेत. छाया - धम्मा मुनेश्वर 


सुभाषचंद्र बोस जयंती साजरी

देशाला स्वातंत्र्य मिळवून देण्यासाठी अनेक थोर महात्म्यांचे बलिदान...भास्कर दुसे  



हिमायतनगर(वार्ताहर)देशाला स्वातंत्र्य मिळवून देण्यासाठी अनेक थोर महात्म्यांनी बलिदान दिले. स्वातंत्र्यासाठी महात्मा गांधीजीनी उपसलेले शस्त्र हे अहिंसात्मक होते.. ते परकीय शत्रूच्या तावडीतून देशाला स्वातंत्र्य मिळवून देण्यास पुरेसे नव्हते. त्यावेळी नेताजी सुभाषचंद्र बोस यांनी " तुम मुझे खून दो मै तुम्हे आजादी दुंगा " असा नारा देत आजाद हिंद सेनेची स्थापना करून आपल्या प्राणाची आहुती देवून देशाला स्वातंत्र्य मिळवून दिले. ज्या ज्या वेळी अन्याय अत्याचार वाढला त्यावेळी अश्या महान पुरुषांनी जन्म घेतला. असे मत जेष्ठ पत्रकार श्री भास्कर दुसे यांनी व्यक्त केले. ते हिमायतनगर येथील राजा भगीरथ विद्यालयात आयोजित नेताजी सुभाषचंद्र बोस यांच्या ११६ व्या जयंती कार्यक्रमात अध्यक्षीय भाषणात बोलत होते. यावेळी मंचावर माजी सैनिक बी.के.राऊत, कृषी उत्पन्न बाजार समितीचे ग्राम पंचायत प्रतिनिधी सुभाष शिंदे, नांदेड न्युज लाइव्हचे संपादक अनिल मादसवार, बाल विकास प्रकल्प कार्यालयाचे सुपरवायजर श्रीमती झाडे, दिक्कतवार, बी.आर.पवार, सौ.माधुरी तीप्पणवार, सौ उत्तरवार, कोंडामंगलसर, हुजपाचे शिरफ़ुलेसर, श्री कापसे सर, यांची उपस्थिती होती. 

कार्यक्रमच्या सुरुवातीला नेताजी सुभाष चंद्र बोस यांच्या प्रतिमेला पुष्पहार अर्पण करण्यात येवून मान्यवरांनी अभिवादन केले. सत्कार समारंभ तसेच विविध क्षेत्रात उल्लेखनीय कार्य करणार्यांना शाल श्रीफळ व सन्मान चिन्ह देवून गौरविण्यात आले. यावेळी पुढे बोलताना ते म्हणाले कि, शालेय जीवनात विद्यार्थ्यांना शिकविले जाणारे अभ्यासक्रम केवळ माहितीचा खजिना आहे. परंतु यातून विद्यार्थ्यांना स्फूर्ती मिळत नाही, त्यासाठी अखिल भारतीय मुस्लिम सेना या सामाजिक संघटनेच्या शे.इस्माईल यांनी आयोजित केलेली क्रांतीकारकाची हि जयंती विद्यार्थ्यांना स्फूर्ती देणारी ठरली आहे. आजच्या नव्या पिढीला नवा इतिहास मिळत आहे, परंतु नवा इतिहास न देता पिढीजात जुन्या क्रांती कारकांचा इतिहास देणे गरजेचे आहे. तरच आगामी काळात अश्या क्रांतीकाराचा जन्म होईल, त्यासाठी विद्यार्थ्यांनी क्रांतिकारकांच्या इतिहासाचा अभ्यास करावा असे आवाहनही त्यांनी यावेळी केले. यावेळी आयोजित रांगोळी स्पर्धा व भाषण स्पर्धेत सहभागी होवून नेताजी सुभाषचंद्र बोस यांच्या जीवन चरित्रावर प्रकाश टाकणारी भाषणे केलेल्या विद्यार्थी - विद्यर्थिनिना बक्षीस वितरण करण्यात आले. भाषण स्पर्धेत प्रथम क्रमांक शीतल चलमेलवार, द्वितीय क्रमांक प्रेम पिंगळे, तृतीय क्रमांक वैष्णवी उत्तरवार हिने पटकावला. तर रांगोळी स्पर्धेत प्रथम क्रमांक प्रियांका मांगुळकर, द्वितीय क्रमांक श्रद्धा कोमावार, तृतीय क्रमांक निकिता दिक्कतवार हिने मिळविला आहे. भाषण स्पर्धा परीक्षकाचे कार्य बाचावार सर, आलेवाद सर यांनी केले. जयंती कार्यक्रम यशस्वी करण्यासाठी शे.इस्माईल, धम्मपाल मुनेश्वर, शाळेतील शिक्षकांनी परिश्रम घेतले. कार्यक्रमाचे सूत्रसंचालन व आभार प्रदर्शन प्रेमकुमार धर्माधिकारी यांनी केले.    

२९ जानेवारी, २०१४

हिमायतनगर केलेल्या वक्तव्यापासून घुमजाव

केंद्रीय कृषी मंत्री शरदचंद्र पवारांनी घेतलेला निर्णय मला मान्य - सूर्यकांता पाटील
हिमायतनगर केलेल्या वक्तव्यापासून घुमजाव

नांदेड(अनिल मादसवार)राष्ट्रवादी कॉंग्रेसचे राष्ट्रीय अध्यक्ष व केंद्रीय कृषी मंत्री शरदचंद्र पवार हे आमचे नेते आहेत. ते पक्षाचे अध्यक्षही आहेत. त्यांचा शब्द मी अंतीम मानीन. पक्षाने घेतलेला निर्णय मला मान्य राहील.पक्ष मोठा आहे. असे मी मानले. त्याच प्रमाणे आपली यापुढची राजकीय वाटचाल राहील. असे घुमजाव माजी केंद्रीय ग्रामीण विकास राज्य मंत्री व राष्ट्रवादी कॉंग्रेसच्या नेत्या श्रीमती सूर्यकांता पाटील यांनी बुधवारी (दि.२९) येथे केलेआहे . कैलासनगरातील प्रियदर्शनी निवासस्थानी पत्रकारांना ही माहिती दिली.

लोकसभा निवडणुकीचे २०१४ मिशन सध्याची परिस्थिती आणि आपली भूमिका मांडतांना त्यांनी हे सविस्त मत व्यक्त केले. परवा अशोक चव्हान यांनी कांग्रेस कार्यकर्त्यांच्या मेलाव्यात हिंगोली मतदार संघातील कांग्रेस पक्षाचे संभाव्य उमेदवार राजीव सातव यांच्या उपस्थितीत, लातूर ,नांदेड ,हिंगोली या तिन्हीही जागा जास्तीत जास्त मताधिक्याने निवडून आणणार असा निर्धार व्यक्त करीत .ही जागा राष्ट्रवादी ऐवजी कान्ग्रेस पक्षाल सुटणार असे संकेत दिले होते.त्यामुळे अस्वस्थ झालेल्या सूर्यकांता पाटील यांनी काल हिमायतनगर यथे एका कार्यक्रमात त्यानी पक्षाने तिकीट दिले नाही तर हिंगोली लोकसभा मतदार संघातून अपक्ष जागा लढविणार असे जाहीर केले होते. त्याचे पडसाद सर्वत्र उमटले होते.

काहीनी याच्या तक्रारी पक्षश्रेष्ठीकडे केल्या होत्या त्यामुळे आज घुमजाव करीत त्या म्हणाल्या ,की, गेल्या ३ दशका पासून मी राजकारणात काम केले. अनेक चढउतार पाहिले. अडचणींवर मात केली. परंत डगमगली नाही.केंद्रात राज्यमंत्री म्हणून काम करण्याची संधी मला शरद पवार यांनी दिली. ही बाब मी कधीही विसरू शकणार नाही. पक्षाचा आदेश मी सर्वोच्च मानते. त्यामुळे शरद पवार साहेब जो आदेश देतील तो मला मान्य राहील.संघ हा राष्ट्रवादी कॉंगे्रसच्या वाट्याला आलेली जागा आहे. हा मतदार संघ माझी कर्मभूमी आहे. येथून मी लोकसभेसाठी प्रतिनिधित्व केले. मागे माझी बदली नांदेड लोकसभा मतदार संघात करण्यात आली होती. तेथूनही मी विजयी झाले. केशवराव धोंडगेंना मिळालेल्या मताधिक्याप्रमाणे मला मताधिक्य मिळाले. पुन्हा माझी बदली माझ्या परंपरागत हिंगोली लोकसभा मतदार संघात करण्यात आली. तिथूनही मी विजयी झाले. या मतदार संघातला खडा न खडा समस्या आणि असलेली आव्हाने याची मला माहिती आहे. या मतदार संघात ब्रॉडगेज रेल्वे मी नेली. त्यासाठी कोट्यावधी रुपयांचा निधी आणला. त्यामुळे मतदारांचा माझ्यावर मोठा विश्‍वास आहे.

कॉंग्रेस पक्ष हा आमचा मित्र पक्ष आहे. मित्र पक्षाने तो धर्म जपणूक करण्यासाठी आम्हाला सहकार्य करावे. राजीव सातवांचा आग्रह त्यांच्या पक्षाकडून केल्या जात आहे. कोणी काय मागणी करावी हा ज्याचा त्याचा अधिकार आहे. परंतु माझ्या अनुभवानुसार मी पक्षाच्या विरोधात जाऊन लढणार नाही. पक्ष जे आदेश देईल तो शिरसावंध्य मानीन. पैशावर मी कधीही राजकारण केले नाही. व मी कधी करणारही नाही. तो माझा स्वभावही नाही. नवी दिल्लीच्या विधानसभेत राजकीय परिवर्तन झाले. आपचा बराच गाजावाजा झाला. परंतु मी खरी जुनी आपवाली आहे. हिंगोलीतून कॉंग्रेसने जागा मागणे हा त्यांचा अधिकार आहे. जो काय अंतिम निर्णय घेतील तो शरद पवार घेतील. परंतु हिंगोलीतून माझ्या ऐवजी इतरांचा विचार केला तर युपीएची एक जागा हातची जाईल. १९९९ पासून हिंगोली लोकसभा मतदार संघ मी मोठ्या महत्तप्रयासाने बांधला आहे. हिंगोलीची जिल्हा परिषद आमची आहे. नगरपालिका व अन्य ठिकाणी राष्ट्रवादीचे संख्याबळ आहे. वसमत आणि किनवटला राष्ट्रवादी कॉंग्रेसचे आमदार आहेत. हे माझे खरे बळ आहे. गेल्या निवडणुकीत मी पराभूत झाले. शिवसेनेचे सुभाष वानखेडे निवडून आले. परंतु वानखेडेंचा गेल्या पाच वर्षाचा अनुभव चांगला नाही. ही प्रतिक्रिया मतदारांची आहे. माझ्यावर मतदारांचे मोठे प्रेम आहे. त्यामुळे मतदार मागची चुक यावेळी करणार नाही. सोळाव्या लोकसभेसाठी सबंध देशात वातावरण ढवळून निघत आहे.

नरेंद्र मोदींची हवा नाही. शिवसेनेचीही हवा नाही. सीबीआय, सीआयडी यांनी या बाबत जरुर चौकशी करावी. कॉंग्रेस व मित्र पक्षाचे युपीए सरकार हे स्थिर सरकार असून देशाला तारणारे आहे. देशातल्या चार राज्याचा मतदारांचा कौल म्हणजे सबंध देशाचा कौल नव्हे. हे सर्वांनी लक्षात घेतले पाहिजे. लोकसभा निवडणुकीच्या निमित्ताने उमेदवारी मिळाली नाही तर बंडखोरी करून निवडणूक लढविण्याचा माझा कोणताही इरादा नाही अथवा तसा माझा पूर्व इतिहासही नाही. मी एकेकाळी कॉंग्रेसमध्ये होते. आता राष्ट्रवादीत आहे. या पक्षाच्या सांसदीय मंडळावरही आहे. राजकारणाचा मला दिर्घ अनुभव आहे. आणि ही माझी शिदोरी मी महत्वाची मानते. मतदार संघ मराठवाडा विभाग, महाराष्ट्र व सबंध देश यांच्या प्रश्‍नाची मला संपूर्ण माहिती आहे. नांदेडला नुकताच माजी मुख्यमंत्री अशोकराव चव्हाण यांच्या पुढाकाराने कॉंग्रेस पक्षाच्या कार्यकर्त्यांचा मेळावा घेण्यात आला. या मेळाव्याच्या बातम्या कुणी कशा दिल्या या खोलात मी जात नाही. परंतु आघाडीचा धर्म पाळू असे खुद्द अशोकराव चव्हाण म्हणाले. नरेंद्र मोदी यांच्या एकसुरी भाषणाला कंटाळले आहेत.

दूरचित्रवाणीवर त्यांचे भाषण सुरू झाले की लोक आता आपोआप टीव्हीच बंद करीत आहेत. भारतीय जनता पक्षाने गेल्या २ वर्षापासून संघटीतरित्या सेटींग केली आहे. परंतु मतदारांवर त्याचा परिणाम होणार नाही. ५४३ एकूण जागा पैकी १८० पर्यंत भाजप जाईल असे काहीचे अनुमान असले तरी त्यावर माझा विश्‍वास बसत नाही. जय ललिता व अन्य नेत्या आपापले गड राखून आहेत. उत्तरेत जात चालते पैसा चालत नाही. हरियाणा व पंजाबात सुद्धा जात चालते त्यामुळे भाजपचा तर्क एकांगी स्वरुपाचा आहे. अशोकराव चव्हाणांनी संकट काळात मेळावा घेणे चुकीचे नाही. त्यांच्या घरात ६० वर्षे सत्ता आहे. अशोकरावांनी नांदेड मधून लोकसभा लढवावी. तर त्यांना यश मिळू शकेल. विद्यमान खासदाराबद्दल मी बोलू इच्छित नाही. डी.पी. सावंत तर कोकणातून इथे आले आहेत. नशीबाने आमदार व नशीबाने राज्यमंत्रीपद त्यांना मिळाले आहे. लोकसभा निवडणुकीच्या युद्धात स्वतः अशोकराव उतरले तर नांदेडची जागा कॉंग्रेस पक्षाच्या ताब्यात राहू शकेल. शिवसेनेचे युवा नेते आदित्य ठाकरे नुकतेच नांदेड, परभणी भागात येऊन गेले. राजकारणातला हा नवा छोकरा आहे. त्याला अजून म्यानातून तलवारही काढता येत नाही. माझ्या वसमत भागात हा छोकरा फिरला. त्याच्या आगेमागे ४०० पोरं फिरत होती. याच काळात माझ्या किनवट व हदगावला सभा झाल्या. देशात कोणतीही लाट असली तरी आमचा राष्ट्रवादीचा बालेकिल्ला अजून अभेद्य आहे. हिंगोली लोकसभा मतदार संघात ६८ टक्के मराठा समाजाचे मतदार असून हे परंपरागत मतदार काम करणारा उमेदवार कोण हे चांगले जाणून आहेत. मला तिकीट मिळाले नाही तर राजकीय भडका उडू शकेल असे भाकीत व्यक्त करून सुभाष वानखेडे यांना पक्षांतर्गत बंडाला सामोरे जावे लागणार आहे. वसमत व कळमनुरी भागात वानखेडेंना त्यांच्या पक्षातल्या अंतर्गत विरोधकांना सामोरे जावे लागणार आहे. विकासाचे प्रश्‍न समोर करून आपण पक्षाने आदेश दिला तरच लोकसभा निवडणुकीच्या रिंगणात उतरू गेल्या पाच वर्षात निवडणुकीतल्या पराभवामुळे नाउमेद न होता आपण मतदारांशी सतत संपर्क ठेवला आहे. आणि हेच आपले मुख्य भांडवल आहे. असे त्यांनी स्पष्ट केले.

आंबा मोहरला

आंबा मोहरला - हिमायतनगर तालुका परिसरात आंब्याची झाडे फुलांनी बहरली असून, आगामी काळात गावरान आंब्याचा गोडवा चाखायला मिळणार आहे. छाया - धम्मपाल मुनेश्वर 


गावाला स्वर्ग बनवा.

मेल्यानंतर स्वर्गाची अपेक्षा करण्यापेक्षा जिवंतपणी गावाला स्वर्ग बनवा...झरिकर


हिमायतनगर(अनिल मादसवार)निसर्गाने मानव जातीला सर्वकाही भरभरून दिले आहे. त्यामध्ये स्वच्छ हवा, पाणी, अन्न, फुले, फळे, आदींचा समावेश आहे. परंतु आपण आपल्या बेजबाबदार कृतीमधून निसर्गाने दिलेला अनमोल ठेवा नाश करीत आहोत. मेलवर मला स्वर्ग मिळावा अशी अपेक्षा आपण करितो. परंतु मेल्यानंतर स्वर्ग मिळण्याची अपेक्षा करण्यापेक्षा जिवंतपणे सामाजिक बांधिलकीची जान ठेवून आपल्या गावातच स्वर्ग निर्माण करा असे आवाहन स्वच्छतेचे पुजारी, अग्रणी समाजसेवक माधवराव पाटील झरिकर यांनी केले. ते निर्मल भारत अभियानामध्ये राज्य समितीत पात्र ठरलेल्या गावातील नागरिकांना प्रबोधन करण्यासाठी आले असता बोलत होते .

याप्रसंगी गावात आलेल्या प्रबोधन यात्रेचे जवळगाव, वाघी, खडकी बा, येथील गावकर्यांनी जंगी स्वागत केले. गावाच्या पाहणीनंतर उपस्थितांना मार्गदर्शन करताना ते पुढे म्हणाले कि, मानव जन्म हा सर्वश्रेष्ठ असून, निसर्गाने दिलेल्या सुख - सुविधांचा उपभोग आपल्याला घ्यावयाचा असेल तर, आपले आरोग्य हे निरामय असणे आवश्यक आहे. यासाठी गाव- गावात असलेले गट - तट बाजूला ठेवून एक गाव - एक परिवार हि संकल्पना आचरणात आणून सांडपाणी व्यवस्थापन, घरोघरी शौच्चलय बांधकाम व वापर, स्वच्छ शाळा, अंगणवाडी यासह गाव परिसर स्वच्छ सुंदर व प्रदूषण मुक्त बनवून गावाला स्वर्ग बनवा असेही ते म्हणाले. सर्वच क्षेत्रामध्ये मुलापेक्षा मुली अग्रेसर असताना मुलीना अपवाद वगळता दुय्यम पदाची वागणूक देवून तिच्यावर अन्याय करणे हि बाब आपल्याला भूषणावह नाही. त्यामुळे मुलींना सुद्धा स्वातंत्र्याचा मोकळा श्वास घेवू द्या. गर्भातच तिची हत्या करू नका असेही ते म्हणाले.

निर्मल ग्राम भारत अभियान हा केंद्र व महाराष्ट्र शासनाचा संयुक्त उपक्रम असून, हिमायतनगर तालुक्यातील जवळगाव, वाघी, खडकी बा. हि गावे निवडण्यात आली आहेत. येथील ग्रामस्थांना प्रबोधन व मार्गदर्शन करण्यासाठी स्वच्छता दूत माधवराव पाटील यांचा हिमायतनगर तालुक्यात विशेष दौरा आयोजित करण्यात आला होता. यावेळी त्यांच्या समवेत पंचायत समिती विस्तार अधिकारी रविराज क्षीरसागर, वाघीचे सरपंच सौ.लताबाई शिवाजीराव देवसरकर, उपसरपंच पुंजाराम कदम, खडकीचे सरपंच पांडुरंग गाडगे, उपसरपंच कावळे, ग्रामसेवक भगवान वडपत्रे, बी.एन.खांडरे, पत्रकार कनब पोपलवार, प्रेमकुमार धर्माधिकारी, अंगणवाडी कार्यकर्ती, यांच्यासह ग्रामस्थ बहुसनखेने उपस्थित होते.

२८ जानेवारी, २०१४

विकास रुपी महामेरू शरद पवार

मोदी विकासाचे नव्हे धर्मांधतेचे मोडेल होय.. उमेश पाटील
विकास रुपी महामेरू शरद पवार साहेबांच्या पाठीमागे खंबीरपणे उभे राहण्याचे आवाहन

हिमायतनगर(अनिल मादसवार)भारतीय जनता पार्टीचे पंतप्रधान पदाचे उमेदवार नरेंद्र मोदीनि सत्ता हस्तगत करण्यासाठी हिंदुत्ववादाच्या नावावर, जाती धर्माच्या नावावर, महाराष्ट्रातील जनतेत धार्मिकतेचे तेढ निर्माण करीत आहेत. एवढेच नव्हे तर एम.आय.एम.सारख्या पक्षांना पैसा पुरउन पंतप्रधान पद बळकावण्याचे षड्यंत्र सुरु केले आहे. अशी घणाघाती टीका करून मोदी विकासाचे नव्हे धर्मांधतेचे मोडेल असल्याचा आरोप राष्ट्रवादी युवक काँग्रेस प्रदेशाध्यक्ष उमेश पाटील यांनी केला. ते हिमायतनगर येथे विकास रथ यात्रा घेवून आले असता मंचावरून बोलत होते. यावेळी मंचावर माजी केंद्रीय मंत्री सूर्यकांता पाटील, सुशीलकुमार जाधव, किनवटचे आ.प्रदीप नाईक, वसंत सुगावे, आनंद पाटील, चक्रधर शेळके, अमर काजी, सुरेश रंगेनवार आदींसह अनेक मान्यवरांची उपस्थिती होती.

सांप्रदाईकता छोडो...भारत जोडो..विकास कि और चलो.. या रथाचे आगमन होतच शहरातील मुख्य रस्त्यावरून मोटार सायकल रेली काढण्यात आले. तसेच रथ श्री परमेश्वर मंदिराच्या मैदानात दाखल फटक्याच्या आतीशबजीने कार्यक्रमाचे संयोजक, राष्ट्रवादी युवक काँग्रेसचे तालुकाध्यक्ष सरदार खान यांनी जंगी स्वागत केले. यानंतर पुढे बोलताना ते म्हणाले कि, देशात गुजरात महाराष्ट्राच्या तुलनेत मागे आहे. एकूण उत्पादनात गुजरात ७ टक्के तर महाराष्ट्र १५ टक्के आहे. गुजरातमध्ये ८० टक्के बारमाही रस्त्यांनी गावे जोडली तर आपल्या राज्यात ९५ टक्के गुंतवणुकीत गुजरातपेक्षा आपण दुप्पट पुढे आहोत. तीन बालकामागे एक बालक कुपोषित.. हाच विकासाचा मॉडेल भाजप देशासमोर देणार काय..? धर्मांध शक्तीला बळ देणाऱ्या भाजपच्या नीतीमुळे भारताचे विघटन होईल. सोव्हिएट संघ (रशिया) सारखी अवस्था आपल्या देशाची होईल अशी भीतीही त्यांनी व्यक्त केली. तसेच भाजप हा धर्मांध - जात्यंध पक्ष आहे, म्हणून जातीवादी विघटनवादी एम.आय.एम.सारख्या पक्षाला सभा घेण्यासाठी पैसा पुरवितो असा आरोपही त्यांनी केला. गुणवत्तेच्या बाबतीत पिछाडीवर असलेले गुजरातच्या मोदिनी महाराष्ट्रातील कृषी, औद्योगिक - आर्थिक - शैक्षणिक गुणवत्तेची बरोबरी करून दाखवावी असे म्हणून गोपीनाथ मुंडे, दिल्लीचे मुख्यमंत्री अरविंद केजडीवाल यांच्यावर थेट हल्ला चढविला. तसेच ना. शरद पवार साहेबांनी शेतकरी, कष्टकरी, यांच्यासाठी विकासाच्या वाटा चालू करून, राजीव गांधी जीवनदायी योजना, अन्न सुरक्षा योजना, सिंचन व्यव्यस्था यासह अनेक विकासच्या योजना राबविल्या. त्यामुळे आगामी काळात कोणत्याही जातीयवादी संघटनेच्या अमिषाला बळी ना पडता ना.शरद पवार यांच्या पाठीमागे खंबीरपणे उभे राहण्याचे आवाहन त्यांनी केले.

नांदेड जिल्ह्यात राष्ट्रवादी कॉंग्रेस बळकट करण्याचे काम करणार्यांच्या पाठीशी पूर्णपणे पक्ष असल्याचे त्यांनी आवर्जून सांगितले. यावेळी माजी बांधकाम सभापती प्रताप देशमुख, जिल्हा सरचिटणीस परमेश्वर गोपतवाड, तालुकाध्यक्ष नागोराव पतंगे, गणेश शिंदे, दशरथ गोसलवाड, अनंता देवकते, इरफान खान, बाळू मुधोळकर, बाबुराव होनमने, चंद्रकलाबाई गुड्डेटवार, लक्ष्मी मादसवार, यांच्यासह पदाधिकारी, कार्यकर्ते, नागरिक व पत्रकार बांधव उपस्थित होते.

...तर हिंगोलीची जागा

....तर हिंगोलीची जागा अपक्ष लढविणार ..? सुर्यकांता पाटील

हिमायतनगर(अनिल मादसवार)हिंगोलीच्या जागेवर डोळा ठेवणाऱ्या मित्र पक्षाच्या पदाधिकार्यांनी जास्त थायथयाट करू नये, कारण हि जागा आमुचीच आहे, आणि आम्हीच लढविणार, तिकीट न मिळाल्यास वेळ प्रसंगी अपक्ष निवडणूक लढविणार असे ठाम मत माजी केंद्रीयमंत्री सूर्यकांता पाटील यांनी व्यक्त केले. यावेळी मंचावर राष्ट्रवादी युवक काँग्रेस प्रदेशाध्यक्ष उमेश पाटील, सुशीलकुमार जाधव, किनवटचे आ.प्रदीप नाईक, वसंत सुगावे, आनंद पाटील, चक्रधर शेळके, अमर काजी, सुरेश रंगेनवार आदींसह अनेक मान्यवरांची उपस्थिती होती.

अध्यक्षीय भाषणात पुढे बोलताना त्या म्हणाल्या कि, सत्तेवर असताना केलेल्या कामगिरीचा पाढा वाचताना उपस्थित नागरिकांपैकी एका शेतकर्यांनी कारखान्याचे काय..? केले असा प्रश्न विचारतच बाई भडकल्या आणि काही हरामखोराणी आमचा कारखाना पळविला. दुसऱ्यासाठी खड्डा खोदणारे स्वतःच खड्ड्यात पडतात याचा अनुभव त्यांना येतही आहे, असा टोला नाव न घेता अशोक चव्हाण यांना लगावला. आम्ही १५ वर्ष हुजपा कारखाना चालविला मात्र शेतकऱ्यांचा एक नवा पैसाही खाऊन बाटलो नाही. शेतकऱ्यांसाठी जीवाचे रान केले, मात्र कधीही दुसर्यांना पाण्यात पहिले नाही.

देशात कॉंग्रेसची सत्तास्थापन करण्यासाठी राष्ट्रवादी पक्षाचे सर्वेसार्वो शरद पवार साहेबांनी नेहमीच सहकार्याची भूमिका घेतली आहे. राष्ट्रवादी काँग्रेस पक्ष आपल्या हक्काच्या २२ जागांवर निवडणूक लढविणार. मित्र पक्ष काँग्रेस हा आमचा मोठा भाऊ आहे. मोठा भाऊच धुरा खोदण्याची कामे करून हिंगोलीच्या जागेसंबंधी वावड्या उठवीत असून, आमच्या हक्काची जागा बळकावण्याचा प्रयत्न करीत आहे. सत्ता माझ्याच घरी राहावी असे म्हणणारे काही राक्षस जन्माला आले आहेत, त्यासाठी काँग्रेसवाल्यांनी जास्त थयथयाट करून आमच्या नादी लागू नये. कोणत्याही परिस्थिती तुमची ताई २०१४ ची लोकसभेची निवडणूक लढवून हि जागा जिंकून दाखवेल असा ठाम विश्वास यांनी दाखवून, वेळप्रसंगी हिंगोलीतून अपक्ष निवडणूक लढविणार अशी घोषणा हिमायतनगर येथे विकास रथ यात्रेच्या मंचावरून बोलताना श्रीमती पाटील यांनी केली. सत्तेवर असताना केलेल्या विकास कामांचा गवगवा न केल्यामुळेच गेल्या निवडणुकीत पराभव पत्करावा लागल्याचे त्यांनी यावेळी सांगितले. तर विद्यमान खा. सुभाष वानखेडे यांच्यावर तोंडसुख घेत कपड्यात झालेले परिवर्तन हेच मतदार संघाचे परिवर्तन असल्याची खिल्लीही त्यांनी उडविली. तसेच आगामी निवडणुकीत मतभेत निर्माण करू पाहणार्यांच्या थापाड्या गोष्टीला बळी पडू नका असे आवाहनही त्यांनी मतदारांना यावेळी केले.

२६ जानेवारी, २०१४

तिरंग्याचा अनादर

तिरंग्याचा आदर न करणाऱ्या शिक्षकावर देशद्रोहाचा गुन्हा दाखल करा 


हिमायतनगर/सरसम(वार्ताहर)नांदेड - किनवट राज्यरस्त्यावर असलेल्या मौजे सरसम येथे भारतीय प्रजासत्ताक दिनाच्या सोहळ्या प्रसंगी केंद्रीय प्राथमिक शाळेतील ध्वजारोहण नंतर शाळेतील एका शिक्षकाने राष्ट्रध्वजास एकास बुद्धीने सलामी दिली नसल्याने त्यांच्यावर देशद्रोहाचा गुन्हा दाखल करा या मागणीचे निवेदन येथील ग्रामस्थांनी गटशिक्षण अधिकारी यांच्याकडे दिले आहे.

याबाबत सविस्तर वृत्त असे कि, मौजे सरसम येथे २६ जानेवारी २०१४ रोजी भारतीय प्रजासत्ताक दिनाचा पहासष्टावा वर्धापन दिन केंद्रीय प्राथमिक शाळेत साजरा करण्यात आले. सकाळी ध्वजारोहण नंतर शाळेतील एका करामती असलेल्या बावणे नावाच्या शिक्षकाने राष्ट्रध्वजास सलामी दिली नाही. हि बाब उपस्थित नागरिकांच्या लक्षात आली. सदर शिक्षकाने जाणीवपूर्वक राष्ट्रध्वजाचा अंदर केला आहे. आणि अश्या शिक्षकावर तत्काळ गुन्हा दाखल करून निलंबित करण्यात यावे अशी मागणी उपस्थित गावकर्यांनी गटशिक्षण अधिकारी एस.एस.सुराजुसे यांच्याकडे केली आहे. या निवेदनावर माजी सरपंच सुनील वानखेडे, बालाजी तुकाराम मंडलवाड, विजय बिच्चेवार, मारोती परसेवाड, साईनाथ शिंदे, गोविंद गोडसेलवार, रामजी ताटेलोटे, ग्राम पंचायत सदस्य साईनाथ धोबे, दत्त अडबलवार, व्यंकटेश जाधव, पुंडलिक कदम, हरीश गिरी, गजानन मोरे, नामदेव मैकलवाड, कोंडाबा कवडे, विष्णू शिंदे, संभाजी मोरे, सुनील दमकोंडवार यांच्यासह अनेकांच्या स्वाक्षर्या आहेत.

बदलीची अनेक वेळा मागणी
-------------------------------

सदरील उचापती शिक्षक बावणे यांची बदली करण्यासाठी शालेय व्यवस्थापन समितीने व गावातील सरपंच, उपसरपंच यांनी शिक्षण विभागाकडे वारंवार तक्रारी करूनही बदली झाली नाही. परिणामी सदर शिक्षकाचा मनमानी कारभार वाढला असून, शिक्षण विभागातील वरिष्ठ अधिकारी या उचापती शिक्षकास पाठीशी घालत आहेत कि काय..? असा संतप्त सवाल येथील नागरिकांनी केला आहे.  

आमरण उपोषण

तुटपुंजी मदत देवून पूरग्रस्तांच्या तोंडाला पाने पुसली...
प्रजासत्ताक दिनापासून शेतकऱ्यांचे आमरण उपोषण सुरु..

हिमायतनगर(अनिल मादसवार)जुलै - ऑगस्ट २०१३ मध्ये झालेल्या अतिवृष्टीने संपूर्ण शेतीचे नुकसान झालेले बहुतांश शेतकरी अनुदानापासून वंचित असून, मदत मिळणारयाना सुद्धा तुटपुंजी मदत देवून शासनाकडून शेतकऱ्यांच्या तोंडाला पाने पुसल्या गेली आहेत. शासनाकडून शेतकऱ्यांची केली जात असलेल्या फसवणुकीच्या विरोधात कामारी येथील शेतकर्यांनी तहसील कार्यालयासमोर २६ जानेवारी प्रजासत्ताक दिनापासून आमरण उपोषण सुरु केले आहे.

विदर्भ - मराठवाड्याच्या सीमेवर असलेल्या हिमायतनगर तालुक्यात सन २०१३ च्या खरीप हंगामात मुसळधार पावसाने झोडपून काढले. त्यामुळे पैनगंगा नदीला तीन वेळा पूर आला असून, या पुराचे पाणी नदीकाठावरील गावात व शेतीत शिरल्याने शेतकऱ्यांच्या शेतजमिनीसह पिके पूर्णतः खरडून गेलि होती. याबाबतचे वृत्त वर्तमान पत्रातून सातत्याने प्रकाशित होताच, दखल घेवून राज्याचे मन्र्त्यसह स्थनिक्च्य माजी मंत्री, खासदार, आमदार यांनी अधिकाऱ्यांसह संबंधित बुडीत क्षेत्राची पाहणी केली. तसेच पिकांचे पूर्णतः नुकसानीपोटी हेक्टरी २५ हजार रुपये, तर अंशतः नुकसानीपोटी हेक्टरी ५ हजार रुपये मदत मिळवून देण्याचे आश्वासन दिले. तसेच मदतीमध्ये २ हेक्टर जमिनीची मर्यादा ठेवून मदत जाहीर सुद्धा केली. त्याप्रमाणे संबंधित सज्जाचे तलाठी यांना शेतकऱ्यांचा नुकसान क्षेत्राचे पंचनामे करण्यात आले, तालुक्याला भरीव मदतही मिळाली. परंतु पिकांचे झालेल्या नुकसानी प्रमाणे मदत न देत अत्यंत तुटपुंजी मदत देवून शासनाकडून शेतकऱ्यांच्या तोंडाला पाने पुसण्याचा प्रकार केला गेला आहे. या निषेधार्थ कामारी येथील शेतकर्यांनी तहसील कार्यालयास आठ दिवसापूर्वी निएवदन देवून २४ पर्यंत नुकसानग्रस्त शेतकर्यांना मोबदला देण्याची मागणी करून, २६ जानेवारीपासून उपोषण सुरु करण्याचा इशारा दिला होता. परंतु संबंधितानी शेतकऱ्यांच्या या प्रश्नाकडे जाणीवपूर्वक दुर्लक्ष केल्यामुळे येथील शेतकर्यांना अखेर उपोषणाचा मार्ग अवलंबवावा लागला आहे. प्रजासत्ताक दिनापासून शेतकरी श्री उत्तमराव चुकारे, विनायकराव देवराये, प्रकाश चुकारे, शंकर शिरफ़ुले, संतोष देवराये, गणेश देवराये, ददरवे देवराये, दिलीप देवार्ये, नारायण शिरफ़ुले, धोंडू बारडकर यांच्यासह अनेक शेतकर्यांनी उपोषण सुरु केले आहे. वृत्त लिहीपर्यंत एकही अधिकारी व पदाधिकार्यांनी साधी भेट देवून विचारपूसही केली नसल्याची खंत उपोशनग्रस्त शेतकर्यांनी नांदेड न्युज लाइव्ह्चे संपादक अनिल मादसवार, पत्रकार संघाचे माजी तालुकाध्यक्ष कानबा पोपलवार, दिलीप शिंदे, शे.इस्माईल, धम्म मुनेश्वर आदी पत्रकारांसमोर व्यक्त केली.

स्वार्थापोटी खोत सर्वे करणार्यांवर कार्यवाही करा...
---------------------------------------------------

शासन स्तरावरून सर्वेचे आदेश देण्यात आल्यानंतर काही तलाठी महाशयांनी मोठ्या प्रमाणात आर्थिक जमवा - जमाव करत नुकसानीचे पंचनामे केले. परिणामी प्रत्यक्षात नुकसान झालेल्या क्षेत्रापेक्षा कमी क्षेत्र दाखवून खऱ्या नुकसानग्रस्त शेतकऱ्यांना शासकीय मदतीपासून वंचित ठेवले असल्याचा आरोप भेट दिलेल्या काही शेतकर्यांनी करून अश्या लालची तलाठ्याने केलेल्या सर्वेचि चौकशी करून शेतकर्यांना वंचित ठेवल्याप्रकरणी निलंबित करावे आणि नुकसानग्रस्त शेतकर्यांना शासनाने जाहीर केल्याप्रमाणे मोबदला मिळून द्यावा अशी मागणी केली आहे. 

प्रजासत्ताक दिन

तालुक्यात ठीक ठिकाणी प्रजासत्ताक दिन उत्साहात साजरा 




हिमायतनगर(अनिल मादसवार)येथील तहसील कार्यालयात भारतीय प्रजासत्ताक दिनानिमित्ताने हदगाव - हिमायतनगर तालुक्याचे आ.माधवराव पाटील जवळगावकर यांच्या उपस्थितीत तहसीलदार श्री गायकवाड यांच्या हस्ते तिरंगा ध्वज फडकविण्यात आला. यावेळी प्रथम पोलिस निरीक्षक सुरेंद्र सोनवणे यांच्या मार्गदर्शनाने तिरंग्याला मानवंदना देण्यात आली. त्यानंतर राष्ट्रगीताने भारत माता कि जय होचा नारा देण्यात एवुन गणराज्य दिन चिरायु होवो, अश्या शब्दात शुभेच्छा दिल्या. यावेळी तहसील कार्यालयात आ.जवळगावकर यांना उपस्थित मान्यवर व नागरिकांनी पुष्पगुच्छ देवून वाढदिवसाच्या शुभेच्छा दिल्या.

शुभेच्छाना उत्तर देताना जवळगावकार म्हणाले कि, सर्व जनतेच्या सहकार्याने मी हदगाव - हिमायतनगर तालुक्यात विकास कामांसाठी निधी खेचून आणण्यात यशस्वी झलो. आगामी मार्च नंतर आणखीन मोठ्या प्रमाणात निधी उपलब्ध होणार आहे. आत्ता एकट्या हिमायतनगर शहरासाठी ०१ कोटी ०५ लाखाचा निधी उपलब्ध झाला असून, यातून विकास कामे सुरु आहेत. तसेच मागील चार वर्षात ग्रामीण भागात मोठ्या प्रमाणात विकास कामे झालीत. आगामी काळात बोरी रस्ता पूर्ण करण्यासठी ०१ कोटी २० लक्ष रुपयाचा प्रस्ताव पाठविण्यात आला असून, लवकरच यास मंजुरी मिळणार आहे. पळसपूरकडें जाणाऱ्या नडव्याच्या पुलाची समस्या आगामी मार्च महिन्यातील बजेटमध्ये मंजुरी देवून मार्गी लावण्यात येईल. कामारी रस्त्यासाठी ४ कोटी रुपये मंजूर झाले असून, लवकरच काम सुरु होईल. तसेच हिमायतनगर शहराला नगरपालिकेचा दर्जा मंजूर करण्यासाठी मुख्यमंत्री पृथ्वीराज चव्हाण यांच्याशी बोलून लवकरच हा प्रश्न सोडविण्यात येईल, असेही ते म्हणाले. यावेळी मंचावर तहसीलदार श्री गायकवाड, नायब तहसीलदार श्री.देवराय, जी.प.सदस्य सुभाष राठोड, कृषी उत्पन्न बाजार समितीचे सभापती दत्तराम पाटील करंजीकर, जेष्ठ पत्रकार भास्कर दुसे, यांची उपस्थिती होती.

शहरातील पोलिस स्थानक, भारतीय स्टेट बैंक, नांदेड जिल्हा मध्यवर्ती, महाराष्ट्र ग्रामीण बैंक, सेवा सहकारी सोसायटी, कृषी उत्पन्न बाजार समिती, ग्रामपंचायत, ग्रामीण रुग्णालय सर्व शासकीय निमशासकीय शाळा, महाविद्यालयात २६ जानेवारी निमित्त ध्वजारोहण करण्यात आले. यावेळी शिक्षक, शहरातील नागरिक, विद्यार्थी, अधिकारी, पदाधिकारी व कर्मचारी उपस्थित होते.

तसेच तालूक्यातील टेंभी, सिरंजणी, खडकी बा, सरसम बु, मंगरूळ, कामारी, पोटा बु, आदी ठिकाणी जी.प.शाळा, ग्रामपंचायत, उप-आरोग्य केंद्र या सर्व ठिकाणी सकाळी ०७.३० पासून ध्वजारोहण करण्यात आले. यावेळी त्या त्या ठिकाणचे सरपंच, उपसरपंच, सदस्य, मुख्याध्यापक, नागरिक, मोठ्या संखेने उपस्थित होते. तर या दिनानिमित्त अनेक शाळांवर विविध खेळ, स्पर्धा, सांकृतिक कार्यक्रमांची रेलचेल सुरु होती.  

वक्तृत्व स्पर्धेतील विजेत्यांना बक्षीस वितरण
-------------------------------------------------

हिमायतनगर(वार्ताहर)१८ डिसेंबर रोजी पंचायत समितीच्या वतीने घेण्यात आलेल्या तालुकास्तरीय स्वच्छता वक्तृत्व स्पर्धेत निवडलेल्या विद्यार्थ्यांना २६ जानेवारी रोजी आ.माधवराव पाटील यांच्या हस्ते बक्षीस वितरण करण्यात आले. यात वरिष्ठ महाविद्यालयातील अंकुश शिवाजी पवार यांना ५ हजार रुपयाचे प्रथम क्रमांकाचे बक्षीस, योगेश नारायणराव चिलकावार यान दुसर्या क्रमांकाचे ३ हजार रुपयाचे पारितोषिक व साईनाथ विठ्ठल देवराये यास तिसर्या क्रमांकाचे २ हजारचे बक्षीस देण्यात आले. तसेच कनिष्ठ महाविद्यालयातून दीक्षा अरविंद येरेकार हिस प्रथम क्रमांकाचे ५ हजारचे बक्षीस, कविता संभाजी कदम हिस द्वितीय क्रमांकाचे ३ हजाराचे बक्षीस तर दिपाली माधवराव तुळसे हिस तृतीय क्रमांकाचे २ हजाराचे बक्षीस देण्यात आले.      

२४ जानेवारी, २०१४

सामाजिक सलोखा

सामाजिक सलोखा राखणे प्रत्येक जागरूक नागरिकांचे कर्तव्य ..चिखले




हिमायतनगर(अनिल मादसवार)सण आणि उत्सव काळात नागरिकांनी जागरूक राहून सामाजिक ऐक्य व शांतता कायम ठेवण्याची जबाबदारी प्रत्येक जागरूक नागरिकांची असल्याचे प्रतिपादन अप्पर पोलिस अधीक्षक तानाजी चिखले यांनी केले. ते हिमायतनगर येथे ठाण्याच्या वार्षिक निरक्षण करण्यासाठी आल्यानंतर घेण्यात आलेल्या सान्मन पत्र वितरण कार्यक्रमाप्रसंगी बोलत होते. यावेळी त्यांच्यासोबत उपविभागीय पोलिस अधिकारी दत्तात्रेय कांबळे, पोलिस निरीक्षक सुरेंद्र सोनवणे, सहाय्यक पोलिस निरीक्षक सुशील चव्हाण यांची उपस्थिती होती.

हिमायतनगर पोलिस ठाण्याच्या वार्षिक तपासणीसाठी अप्पर पोलिस अधीक्षक तानाजी चिखले हे सकाळीच ठाण्यात हजार झाले होते. प्रथम त्यांनी पोलिस कर्मचार्यांनी परेड घेवून तपासणीला सुरुवात केली. त्यानंतर कर्मचार्यांची शारीरिक तपासणी, ठाण्यातील नोंद पुस्तिका, इमारतीची पाहणी, गुन्हेगारीचा आढावा, शास्त्र साठा, दारुगोळा आदी ठाण्याच्या दैनंदिन कामकाजाचा आढावा घेतला. तसेच हिमायतनगर तालुका व परिसरातील प्रतिष्ठित नागरिक उत्कृष्ठ कार्य करणारे गणेश मंडळ, पत्रकार, आणि समाजसेवक, पोलिसमित्र यांना मार्गदर्शन केले. यावेळी पुढे बोलताना ते म्हणाले कि, सण उत्सव शांततेत पार पाडणे, व जातीय सलोखा टिकून ठेवण्यासाठी केवळ वर्दीतील पोलिसांवर अवलंबून न राहता ते प्रत्येक नागरिकांचे अद्य कर्तव्य आहे. कायदा आणि सुव्यवस्था राखण्यासाठी पोलिसांशी नागरिकांनी सोहर्दपूर्ण वागणूक ठेवणे गरजेचे असून, समाजात  घडणाऱ्या  वाईट घटना सांगण्याबरोबर पोलिस दलातील कर्तव्यनिष्ठ कर्मचार्यांचे आणि अधिकाऱ्यांचे कौतुकही नागरिकांकडून होण्याची अपेक्ष त्यांनी यावेळी व्यक्त केली. त्यानंतर पोलिस पाटलांचा दरबार भरविण्यात येवून, अडी -अडचणी समस्यावर चर्चा झाली.

यात गणेश उत्सव काळात शांतता प्रस्तापित करणाऱ्या गणेश मंडळांना व सहकार्य करणाऱ्या प्रतिष्ठित व्यक्ती आणि पत्रकारांचा तानाजी चिखले यांच्या हस्ते सन्मानपत्र देवून गौरव करण्यात आला. यावेळी तंटामुक्त समितीचे अध्यक्ष अन्वर खान, शाहीर बळीराम हनवते, जाफर लाला, विजय वळसे, ज्ञानेश्वर शिंदे, उदय देशपांडे, फेरोज खान युसुफ खान, सुनील चव्हाण, रफिक सेठ, सरदार खान, शकील भाई, योगेश चीलकावर, श्याम जक्कलवाड, अनंत देवकते, इरफान खान, पापा पार्डीकर, प.स.सदस्या लक्ष्मीबाई भवरे, चंद्रकलाबाई गुड्डेटवार, पोलिस पाटील सौ. मिराशे, नांदेड न्युज लाइव्हचे संपादक अनिल मादसवार, पत्रकार संघटनेचे माजी अध्यक्ष कानबा पोपलवार, प्रकाश जैन, गंगाधर वाघमारे, पांडुरंग गाडगे, दत्ता शिराणे, दिलीप शिंदे, सचिन माने, फाहद खान, धम्मपाल मुनेश्वर, स.मन्नान, यांच्यासह पोलिस कर्मचारी व नागरिक उपस्थित होते.            

पत्रकार संघाकडून उत्कृष्ठ गणेश मंडळांना पाच हजाराचे बक्षीस घोषित
------------------------------------------------------------------------------
आगमी होणाऱ्या गणेशोत्सव काळात सामाजिक बांधिलकी जपत शांतता जातीय सलोखा निर्माण करणाऱ्या गणेश मंडळांना हिमायतनगर मराठी पत्रकार संघाच्या वतीने ०५ हजार रुपये रोख, स्मृतिचिन्ह शाल श्रीफळ देवून गौरविण्यात येणार असल्याची माहिती यावेळी माजी अध्यक्ष कानबा पोपलवार यांनी दिली. त्यास नांदेड न्युज लाइव्ह्चे संपादक अनिल मादसवार यांनी दुजोरा दिला.

गुत्तेदरास खडसावले
---------------------
गात दीड वर्षापासून कासव गतीने चालू असलेले हिमायतनगर पोलिस ठाण्याच्या नूतन इमारतीचे बांधकाम अर्धवट असून, हे काम तातडीने पूर्ण करून महाराष्ट्र दिनापर्यंत इमारत हस्तांतरित करण्याची तंबी गुत्तेदार संगणवार यांना अप्पर पोलिस अधीक्षक तानाजी चिखले यांनी दिली. यावेळी पोलिस कर्मचारी, पत्रकार उपस्थित होते.   

२३ जानेवारी, २०१४

आनंद मेळावे

कौशल्य वाढीसाठी आनंद मेळावे .. गटशिक्षण अधिकारी सुरजुसे

हिमायतनगर(वार्ताहर)विद्यार्थ्यांच्या कौशल्य वाढीसाठी सर्व शाळांनी चिमुकल्या बालकांच्या सुप्त गुणांना चालना देण्यासठी आनंद मेळावे घ्यावे असे आवाहन गटशिक्षण अधिकारी एस.एस.सुरजुसे यांनी केले. ते हिमायतनगर शहरातील जी.प.कन्या शाळेतील आनंद मेळावा कार्यक्रमच्या उद्घाटन प्रसंगी ते बोलत होते. यावेळी जेष्ठ पत्रकार भास्कर दुसे, माजी मुख्याध्यापक नागनाथ अक्कलवाड, शाळा व्यवस्थापन समितीचे अध्यक्ष संतोष शिंदे, मुख्याध्यापक अनिल कुलकर्णी, नांदेड न्युज लाइव्हचे संपादक अनिल मादसवार, पं.स.अस्थापना विभागातील पतंगे आदींची उपस्थिती होती.

विद्यार्थ्यांच्या अंगी असलेल्या गुणांना चालना देण्यासाठी प्रजासत्ताक दिनानिमित्त जी.प.कन्या शाळेत विविध कार्यक्रमाचे आयोजिन करण्यात आले आहे. त्यापैकी आनंद मेळावा हा कार्यक्रम कार्यक्रम दि.२३ रोजी संपन्न झाला. कार्यक्रमाची सुरुवात गटशिक्षण अधिकारी एस.एस.सुराजुसे यांनी केले. यावेळी चिमुकल्या बालकांसाठी आनंदाची पर्वणी असलेल्या आनंद मेळाव्यात उत्साहपूर्ण वातावरणाने १३५ बालकांनी सहभाग घेऊन विविध प्रकारच्या खाद्य पदार्थाचे स्टोल उभे केले होते. गुलाब जामुन, चिवडा, सामोसा, इटली - वडा, चना, पेडा, पोहे, पापड, पाणी पुरी, आदींसह विवध प्रकारच्या खाद्य वस्तूंची विक्री करून खरी - कमाई केली. तसेच एकमेकांचे व्यंजन खरेदी करून खाद्य पदार्थाचा अस्वादहि घेतला. यावेळी पत्रकार कानबा पोपलवार, पांडुरंग गाडगे, दिलीप शिंदे, शेकडो पालक, विद्यार्थी आदींसह अनेकांची उपस्थिती होती. सदर कार्यक्रम यशस्वी करण्यासाठी आर. बी. पाटील सर, बी.एस.राठोड सर, एस.दि.गायकवाड सर, ए.पी.बोइले, जी.बी.जावळे, सौ.एस.एम.पानपट्टे, जी.एस.गुंडाळे, एम.पी.बेजरंगे, ए.के.कोरेकलकर, एस.के.चिबडे, अ. आला अ.अजीज, सेविका व्ही.पी.कडेम यांनी परिश्रम घेतले.

अनंतात विलिन

जेष्ठ पत्रकार सुधाकरराव डोईफोडे अनंतात विलिन

नांदेड(अनिल मादसवार)नांदेड येथील दैनिक प्रजावाणीचे संस्थापक जेष्ठ पत्रकार व स्वातंत्र्य सैनिक सुधाकरराव विनायकराव डोईफोडे यांच्या पार्थिवावर आज नांदेड येथील गोवर्धन घाट येथे शासकीय सन्मानाने अंत्यसंस्कार करण्यात आले.

बुधवारी सकाळी त्यांचे हैद्राबाद येथे एका खाजगी रुग्णालयात निधन झाले होते. त्यांच्या भाग्यनगर येथील निवासस्थानी त्यांचे पार्थिव आज अंतिम दर्शनास ठेवण्यात आले होते. सकाळी त्यांच्या निवासस्थानापासून अंतयात्रा काढण्यात आली. हजारोंच्या संख्येने नागरिक अंतयात्रेत सहभागी झाले होते. गोवर्धन घाट येथे शासकीय सन्मानाने पोलीस दलाच्यावतीने बंदुकीच्या फेरी हवेत झाडून सलामी देण्यात आली. शासनाच्यावतीने जिल्ह्याचे पालकमंत्री डी. पी. सावंत, जिल्हाधिकारी धीरजकुमार आणि पोलिस अधिक्षक विठ्ठलराव जाधव यांनी श्री. डोईफोडे यांच्या पार्थिवावर पुष्पचक्र वाहून अभिवादन केले. यावेळी माजी मुख्यमंत्री अशोकराव चव्हाण, महापौर अब्दुल सत्तार, जिल्हा परिषद अध्यक्ष दिलीप पाटील बेटमोगरेकर, खासदार भास्करराव पाटील खतगावकर, आमदार अमर राजूरकर, आमदार ओमप्रकाश पोकर्णा, आमदार शंकरअण्णा धोंडगे, मनपाचे आयुक्त जी. श्रीकांत, कुलगुरु डॉ. पंडित विद्यासागर यांच्यासह लोकप्रतिनिधी, स्वातंत्र्य सैनिक, पत्रकार, पदाधिकारी, विविध क्षेत्रातील मान्यवर तसेच हजारोंच्या संख्येने नागरिक उपस्थित होते. यावेळी झालेल्या शोकसभेत अनेक मान्यवरांनी श्री डोईफोडे यांच्या कार्यकर्तत्वाच्या अनेक आठवणींना उजाळा दिला व त्यांना अभिवादन केले.

जी.प.सोमेश्वर शाळेत डोईफोडे यांना श्रद्धांजली
---------------------------------------------------

नांदेड(प्रतिनिधी)शहरापासून जवळच असलेल्या सोमेश्वर जी.प.शाळेत प्रजावाणीचे संस्थापक, संपादक, जेष्ठ स्वातंत्र्य सैनानी सुधाकरराव डोईफोडे यांना भावपूर्ण श्रद्धांजली अर्पण करण्यात आली. याप्रसंगी शाळेचे मुख्याध्यापक विठ्ठलराव मुखेडकर, सहशिक्षक डी.डी.हिंगमिरे, पत्रकार आनंदा बोकारे, सहशिक्षिका सारिका येरमवार, सौ.जयश्री मुंडे, विद्यार्थी व विद्यार्थिनी यांची उपस्थिती होती. 

२२ जानेवारी, २०१४

ऐसा पत्रकार होणे नाही !

ऐसा पत्रकार होणे नाही !

सुधाकरराव डोईफोडे यांच्या निधनाने आचार्य अत्रे.अनंत भालेराव यांचा वारसा सांगणारी पत्रकारिता खंडीत होत आहे.आयुष्यभर संघर्ष करीत आणि संघर्ष किंवा आंदोलन नसले तर ते ओढवून घेणारे चळवळखोर पत्रकार पुन्हा होणे नाही. माधव गडकरी यांच्या प्रमाणेच सुधाकरराव विविध चळवळीत सहभागी व्हायचे आणि विविध विषयात रस घेत त्या विषयाला सोपे करुन लोकांच्या पुढे मांडणे हा त्यांचा आवडता छंद होता. किती तरी इश्यू घेऊन आणि त्यांचा सतत नव्हे तर काहींचा आयुष्यभर पाठपुरावा करून त्यानी " प्रजावाणी " दैनिक हे आंदोलनाचे हत्यार बनविल्याने हे दैनिक कुठल्या कुठे पोचले आहे.त्यासाठी त्यांना सतत संघर्ष करावा लागला.खस्ता खाव्या लागल्या आहेत, अनेक खटले ओढवून घ्यावे लागले आहेत. त्यामुळेच लोकांना हे दैनिक आपले दैनिक वाटते आहे.

प्रजावाणीतील विविध विषयांवर लिहिलेल्या व प्रचंड गाजलेल्या अग्रलेखांचा शब्दबाण हा संग्रह नवीन संपादकांना जसा मार्गदर्शक आहे तसा तो मराठवाड्याच्या विकासाचा इतिहासही आहे. त्यांच्या साक्षेपी लिखाणाची साक्ष देणारे लिखाण यात आलेले असले तरी तरी त्याचे बोचरी आणि विखारी टीका असलेले अग्रलेख या संग्रहात नाहीत ज्या त्यांनी अनेक मादान्धाना लोळविले होते.वयाच्या बाराव्या वर्षी वृत्तपत्रीय लेखनाचा श्रीगणेशा करणाऱ्या डोईफोडे यांनी १९५६ मध्ये म्हणजे वयाच्या १९व्या वर्षी 'लोकसत्ता'चे वार्ताहर म्हणून कारकीर्द सुरू केली. तेव्हापासून त्यांचा प्रवास विविधांगी अनुभवांची शिदोरी गोळा करीत सुरूच राहिला होता.मराठवाडय़ातील नव्हे तर महाराष्ट्रातील ज्येष्ठ पत्रकार व विकास चळवळीतील कृतिशील व्यक्तिमत्त्व म्हणून डोईफोडे यांनी प्रामुख्याने गेल्या दोन दशकांत वेगळा ठसा उमटवि आहे. या बाबतीत त्यान्ह्ची बरोबरी कोणीही करणार नाही त्यांना विविध मानसन्मान मिळाले.

ते त्यांच्या पत्रकारितेचा गुरव कार्नारेपूर्स्कार मानले पाहिजेत.परवाच स्वामी रामानंद तीर्थ मराठवाडा विद्यापीठाने त्यांचा जीवनगौरव पुरस्कार प्रदान करण्यात आला होता डोईफोडे यांचे महाविद्यालयीन शिक्षण स्वामीजींनी स्थापन केलेल्या पीपल्स कॉलेजमध्येच झाले. आणि त्यानी उभारलेल्या लढ्याचा आभास करून तो तरून पिढीला समजून देणाऱ्या लेखकाचा हा गौरव होता या थोर सेनानीने समाजात रुजविलेली मूल्ये त्यानी जन्मभर पाळली होती. आचार्य अत्रे ,दिवंगत ज्येष्ठ पत्रकार अनंत भालेराव,माधव गडकरी या पत्रकारानी महाराष्ट्रातील पत्रकारितेची दुसरी पिढी घडविली. डोईफोडे यांना त्यांच्यासोबत कामाची संधी मिळाली नसली, तरी आचार अत्रे यांना समोर ठेऊन आणि अनंत भालेरावांना गुरुस्थानी मानत 'प्रजावाणी' दैनिकाच्या माध्यमातून पत्रकारितेत दबदबा निर्माण केलाव अनेक शिष्यही घडविले जे पुण्या मुंबईच्या वृत्तपत्रात पुढे महत्वाच्या पदावर काम करीत राहिले.. आजचा प्रजावाणी व्यवसाईक वाटत असला आणि ती काळाची गरज असली तरी व्यवसायाची वाट सोडून एक व्रत म्हणून सुधाकारावांनी पत्रकारिता केली. अन्याय, अत्याचार, अनाचार दिसला तेथे त्यांची लेखणी तुटून पडली. आणि निर्व्यसनी पत्रकारितेचा कित्ता अनेक पत्रकारांना गिरवायला लावला क्वचित अनंतरावांशीही त्यानी पंगा घेण्यास कमी केले नाही. मराठवाडा विकास आंदोलन, आणीबाणीविरोधी आंदोलन, नामांतर लढा, रेल्वे आंदोलन, वैधानिक विकास मंडळासाठीची चळवळ या सर्व घडामोडींमध्ये डोईफोडे सातत्याने कृतिशील राहिले. पत्रकारितेचे असीतधारा व्रत पाळतानाच राजकारणातही संचार केला. नांदेडचे नगराध्यक्ष, खासदार झालेल्या व्यंकटराव तरोडेकर यांना १९६७च्या पालिका निवडणुकीत पराभूत करण्याची किमया त्यांनी केली होती. आयुष्यभर संघर्ष करीत आणि संघर्ष किंवा आंदोलन नसले तर ते ओढवून घेणारे चळवळखोर पत्रकार पुन्हा होणे नाही.माधव गडकरी यांच्या प्रमाणेच सुधाकरराव विविध चळवळीत सहभागी व्हायचे आणि विविध विषयात रस घेत त्या विषयाला सोपे करुन लोकांच्या पुढे मांडणे हा त्यांचा आवडता छंद होता. किती तरी इश्यू घेऊन आणि त्यांचा सतत नव्हे तर काहींचा आयुष्यभर पाठपुरावा करून त्यानी प्रजावाणी दैनिक हे आंदोलनाचे हत्यार बनविल्याने हे दैनिक कुठल्या कुठे पोचले आहे.त्यासाठी त्यांना सतत संघर्ष करावा लागला.खस्ता खाव्या लागल्या आहेत , अनेक खटले ओढवून घ्यावे लागले आहेत. त्यामुळेच लोकांना हे दैनिक आपले दैनिक वाटते आहे.

प्रजावाणीतील विविध विषयांवर लिहिलेल्या व प्रचंड गाजलेल्या अग्रलेखांचा शब्दबाण हा संग्रह नवीन संपादकांना जसा मार्गदर्शक आहे तसा तो मराठवाड्याच्या विकासाचा इतिहासही आहे. त्यांच्या साक्षेपी लिखाणाची साक्ष देणारे लिखाण यात आलेले असले तरी तरी त्याचे बोचरी आणि विखारी टीका असलेले अग्रलेख या संग्रहात नाहीत ज्या त्यांनी अनेक मादान्धाना लोळविले होते.हैद्राबाद मुक्ती संग्रामातील लक्षणीय प्रसंगावर लिहिलेले ‘त्यांचे पुस्तक नव्या पिढीला मुक्तीसंग्रामचा रोमहर्षक लढा समजून देणारा आहे. हैद्राबाद मुक्ती संग्रामावरच लिहिलेली त्यांची ‘परवड’ ही कादंबरी डॉ. बाबासाहेब आंबेडकर मराठवाडा विद्यापीठात अभ्यासक्रमात होती. म्हणून कोणी मोठी नव्हती तर तिची वाड्मयीन महत्ताही काही कमी नाही. महाराष्ट्र शासनाचा उत्कृष्ट वाङमयनिर्मितीचा पुरस्कार शब्दबाणला प्रदान करण्यात आला होता . डोईफोडे यांनी मराठवाडा मुक्तीसंग्रामात सक्रीय सहभाग नोंदविला.वयाच्या ११ व्या वर्षी मनाई आदेश मोडून त्यांनी निजामविरोधातील मोर्चात सहभाग नोंदवून आपला निषेध नोंदविला होता.

यासाठी पोलिसांच्या काठ्याही खाव्या लागल्या. या आंदोलनात रस्त्यावरील बल्ब फोडणे, अमन कमेटिच्या सदस्यांवर शेणाचा मारा करणे, पॉम्प्लेट वाटणे, हत्यारांची वाहतूक करणे आदि कामे त्यांनी केली होती.तरीही काही जणांनी त्यांना या मुद्यावर विरोध केला व जन्मभर वैर पत्करले होत. आणीबाणीतील सत्याग्रहामुळे त्यांना १५ दिवसांची शिक्षाही भोगावी लागली. समाजवादी विचारसरणीचा पगडा असणार्‍या डोईफोडेंनी पुढे समाजवाद एक समाजवाद असा जप न करता आपले साक्षेपी विचार वेगळे आहेत असे सांगत जार्ज फर्नाडीस यांच्या सुरात सूर मिसळताना पोथीनिष्ठ समाजवाद्यांना उपदेशाचे डोसही पाजले होते.पुणे विद्यापीठातून कायद्याची पदवी प्राप्त केली असली तरी आणि आयुष्याच्या अखेर पर्यंत त्यांना कोर्टाची पायरी चढावे लागली असली तरी त्यांनी आयुष्यभर मराठवाडयाच्या विकासाची वकिली करूनप्रजावाणी व महाराष्ट्रातील विविध दैनिकांतून हे प्रश्न मांडले होते.

रेल्वे प्रश्‍नाचे गाढे अभ्यासक म्हणून ते केवळ मराठवाड्यातच नव्हे तर संपूर्ण महाराष्ट्रात ओळखले जात, रेल्वेंच्या न्याय मागण्यासाठी अनेकवेळा ते रस्त्यावर उतरले होते. अगदी शेवटच्या आजारातही त्यांनी रुंदीकरणाचे काम कसे व्हायला हवे यावर आपले मत मांडले होते .ते म्हणजे चलता बोलता रेल्वे कोशच होते. त्यांचा खोलीत असलेलेया भारताच्या नकाशात वेवेगले रेल्वे मार्ग दाखवून प्रस्तावित रेल्वे मार्ग कुठून व कसे जायला हवेत हे नेहमी दाखवत असत. नियतकालिकामधून अगणित लेख लिहून डोईफोडे यांनी रेल्वे रूंदीकरणाची चळवळ जिवंत ठेवली होती. १९५२ पासून मनमाड ते नांदेड ब्रॉडगेज व्हावे म्हणून ते
प्रयत्नशील होते. रेल्वे प्रश्‍नावर त्यांनी वेळोवेळी व्यापक आंदोलने केली होती. नांदेडला जनतेचा अभूतपूर्व कर्फ्यू घडवून आणला होता. डोईफोडे यांचे नांदेड शहराच्या विकासात लक्षणीय योगदान होते.त्यांच्या सारखा पत्रकार पुन्हा होणे नाही! ईश्वर त्यांच्या आत्म्यास शांती देवो. प्रजावाणी परिवारावर त्यांच्या निधनाने जो दु:खाचा डोंगर कोसळला आहे त्यात आम्ही सहभागी आहोत.

डोईफोडे यांचे निधन

ज्येष्ठ पत्रकार सुधाकरराव डोईफोडे यांचे निधन.. गुरुवारी अंत्यसंस्कार

नांदेड(अनिल मादसवार)व्यासंगी संपादक, ध्येयवादी पत्रकार, सामाजिक विचारवंत, समाजहितासाठी धडपडणारा सामाजिक कार्यकर्ता,लढवय्या स्वातंत्र्य सेनानी,रेल्वे प्रश्‍नाचे गाढे अभ्यासक , सृजनशील लेखक, प्रभावी वक्ते अशा विविध अंगानी केवळ नांदेडच नव्हे तर संपूर्ण महाराष्ट्राला व्यापून टाकणारे व्यक्तीमत्व सुधाकर विनायकराव डोईफोडे यांच्या रुपाने आज लोप पावले.दि. २२ जानेवारी रोजी सकाळी १०.३५ मिनिटांनी हैद्राबाद येथील खाजगी रुग्णालयात त्यांची प्राणज्योत मालवली, मृत्यू समयी ते ७८ वर्षांचे होते.

गेल्या कांही दिवसांपासून यकृताच्या आजाराने ते त्रस्त होते. नांदेड येथे उपचार केल्यानंतर त्यांना हैद्राबाद येथे हलविण्यात आले. येथे डॉक्टरांनी शर्तीचे प्रयत्न केल्यानंतरही उपचारांना त्यांनी प्रतिसाद दिला नाही. त्यांच्या पश्‍चात पत्नी, दोन मुले, सुना, बहिण, पाच भाऊ, नातू - पणतू असा मोठा परिवार आहे. त्यांची अंत्ययात्रा २३ जानेवारी रोजी सकाळी १० वाजता निघून त्यांच्या पार्थिवावर सकाळी १०.३० वा. गोवर्धन घाट स्मशानभूमीत अंत्यसंस्कार होणार आहेत. गेल्या सहा दशंकापासून डोईफोडे यांनी प्रजावाणीच्या माध्यमातून विविध प्रश्‍न व विषयांवर परखडपणे आपली लेखणी चालविली निर्भिड, चतुरस्त्र व दूरदृष्टीचे पत्रकार-संपादक म्हणून ते परिचित होते. त्यांच्या लेखणीला ओघवती शैली असल्याने पत्रकारितेतील स्वयंमेव मृगेंद्रता म्हणून त्यांना गौरविले गेले.

पत्रकारितेतील मानाचे सर्वच पुरस्कार त्यांना प्राप्त झाले होते. मुंबई मराठी पत्रकार संघाचा डहाणूकर पुरस्कार त्यांना तीन वेळा प्रदान करण्यात आला. बाळशास्त्री जांभेकर दर्पण पुरस्कार,विनायकराव चारठाणकर पुरस्कार गौरव पुरस्कार,मीनाताई ठाकरे प्रतिष्ठानचा नांदेड भूषण पुरस्कार, आचार्य अत्रे जन्मशताब्दी समितीचा सर्वश्रेष्ठ पुरस्कार,नांदेड जिल्हा परिषदेच्यावतीने दिला जाणारा नरहर कुरूंदकर पुरस्कार त्यांच्या यशस्वी कारकिर्दीला अधोरेखित करतातप्रजावाणीतील विविध विषयांवर लिहिलेल्या व प्रचंड गाजलेल्या अग्रलेखांचा शब्दबाण हा संग्रह त्यांच्या साक्षेपी लिखाणाची साक्ष देतात. हैद्राबाद मुक्ती संग्रामातील लक्षणीय प्रसंगावर लिहिलेले प्रतर्दनाचे दिवस हे पुस्तक वाचक प्रिय ठरले. हैद्राबाद मुक्ती संग्रामावरच लिहिलेली त्यांची परवड ही कादंबरी डॉ. बाबासाहेब आंबेडकर मराठवाडा विद्यापीठात अभ्यासक्रमात होती. महाराष्ट्र शासनाचा उत्कृष्ट वाङमयनिर्मितीचा पुरस्कार शब्दबाणला प्रदान करण्यात आला. डोईफोडे यांनी मराठवाडा मुक्ती संग्रामात सक्रीय सहभाग नोंदविला.वयाच्या ११ वर्षी मनाई आदेश मोडून त्यांनी निजाम विरोधातील मोर्चात सहभाग नोंदवून आपला निषेध नोंदविला होता. यासाठी पोलिसांच्या काठ्याही खाव्या लागल्या. या आंदोलनात रस्त्यावरील बल्ब फोडणे, अमन कमेटिच्या सदस्यांवर शेणाचा मारा करणे,पॉम्प्लेट वाटणे,हत्यारांची वाहतूक करणे आदि कामे त्यांनी केली होती.

आणीबाणीतील सत्याग्रहामुळे त्यांना १५ दिवसांची शिक्षाही भोगावी लागली. समाजवादी विचारसरणीचा पगडा असणार्‍या डोईफोेडेंनी पुणे विद्यापीठातून कायद्याची पदवी प्राप्त केली होती. रेल्वे प्रश्‍नाचे गाढे अभ्यासक म्हणून ते केवळ मराठवाड्यातच नव्हे तर संपूर्ण महाराष्ट्रात ओळखले जात, रेल्वेंच्या न्याय मागण्यासाठी अनेकवेळा ते रस्त्यावर उतरले होते. विविध नियतकालिकामधून अगणित लेख लिहून डोईफोडे यांनी रेल्वे रूंदीकरणाची चळवळ जिवंत ठेवली होती. १९५२ पासून मनमाड ते नांदेड ब्रॉडगेज व्हावे म्हणून ते प्रयत्नशील होते. रेल्वे प्रश्‍नावर त्यांनी वेळोवेळी व्यापक आंदोलने उभारली व त्या प्रश्‍नांची जाण संबंधितांना करवून दिली. डोईफोडे यांचे नांदेड शहराच्या विकासात लक्षणीय योगदान होते. त्यांच्या अग्रलेखाचे महत्वाचे वैशिष्टय म्हणजे स्थानिक प्रश्‍नांना प्राधान्य देणे हे होते. राष्ट्रीय नेत्यावर कोणीही लिहिल पण एखाद्या स्थानिक नेत्याचा समाचार घेणे अवघड असते. या संदर्भात सुधाकररावांची लेखणी नेहमीच पारदर्शी रहिलेली आहे. दीन पिडीतांना अंतर देऊ नये | जुलमी मदाधांची गय करु नये | हे त्यांनी प्रजावाणीला दिलेले ब्रिद शेवटपर्यंत स्वतः पाळले.

१९६७ ते १९७४ आणि १९८४ ते १९९१ या काळात त्यांनी नगरसेवक म्हणून विविध प्रश्‍नांकडे प्रशासनाचे लक्ष वेधून घेतले. तत्कालीन नगरपालिकेचे शिक्षण सभापती म्हणून काम करताना त्यांनी कै.नरहर कुरूंदकर आणि शंकरराव चव्हाण व्याख्यानमाला सुरू केल्या होत्या. त्यांच्याच कार्य काळात डॉ.राम मनोहर लोहिया वाचनालयात दोन लाख रूपयांची अभिजात मराठी,इंग्रजी पुस्तके आणली. त्या विचारधनाचा लाभ हजारो नांदेडकरांना मिळाला.शिक्षण सभापती असताना त्यांनी तीन नव्या प्राथमिक शाळाही सुरू केल्या होत्या तसेच नगरपालिकेंच्या शाळेमध्ये आदर्श शिक्षक पुरस्कार सुरू करून त्यांनी शिक्षण क्षेत्रात उत्कृष्ट कामगिरी करणार्‍या व्यक्तींना गौरविण्याचा पायंडा निर्माण केला होता. पत्रकार म्हणून विविध विषयांवर लेखणी चालवताना डोईफोडे यांनी भाववाढ विरोधी आंदोलन,संयुक्त महाराष्ट्र आंदोलन,कच्छ बचावो आंदोलन, भूमीमुक्ती आंदोलन, मराठवाडा विकास आंदोलन, लाखोळी डाळीवरील निर्बंध हटावचे आंदोलन आदीत महत्वाचे योगदान दिले. मराठवाडा साहित्य परिषद, मराठवाडा रेल्वे संघर्ष समिती व मराठवाडा जनता विकास परिषद आदि संस्था व चळवळीत काम करताना त्यांनी चतुरस्त्र व्यक्तीमत्वाचा ठसा उमटवला होता. सुधाकरराव डोईफोडे, रामेश्‍वर बियाणी आणि डॉ. नंदकुमार देव या तिन मित्रांनी एकत्र येऊन साप्ताहिक प्रजावाणी सुरु केले. त्यानंतर साप्ताहिकाचे दैनिकात रुपांतर करुन ते वाचक प्रिय ठरविले. डोईफोडे यांच्या अग्रलेखामुळे प्रजाावाणीचा प्रवास नांदेड शहरापासून सुरु होऊन तो मुंबईलतल्या मंत्रालयापर्यंत पोहचला होता. विविध प्रश्‍नांवर डोईफोडे यांना जे-जे वाटत होते ते ते त्यांनी विविध वृत्तपत्रातूनही लेखन करुन प्रगट केले. सामाजिक भान आणि संवेदनशील जाणीवा त्यांच्या प्रत्येक कृतीतून उमटत होत्या. सामाजिक प्रश्‍नांसाठीचा हा संवाद अखेर पर्यंत सुरूच होता. अगदी अखेरच्या क्षणापर्यंत त्यांनी आपल्या सूचना व मते ठामपणे नोंदवली. रूग्णालयात उपचार सुरू असताना देखील त्यांनी दूरध्वनीवरून रेल्वे प्रश्‍नावर सुरू असलेल्या बैठकीत आपल्या सूचना हिरीरीने मांडल्या. विधायक कामांसाठी प्रेरणा देणारी त्यांची लेखणी आणि वाणी अखेर शांत झाली.सुधाकरराव डोईफोडे यांचे निधन झाल्याचे वृत कळताच सकाळपासूनच विविध क्षेत्रातील मान्यवरांची प्रजावाणी कार्यालयात गर्दी झाली होती. विविध वयोगटाचे व विचारसरणीच्या व्यक्तीमत्वांचा यात समावेश होता. यावेळी सर्वानीच व्यक्ती केलेल्या शोक संवेदना सुधाकररावांवरील प्रेमाची पावती देत होते. नांदेडकरांना त्यांच्या पार्थिवाचे अंत्यदर्शन घेता यावे यासाठी दि.२३ जानेवारी रोजी सकाळी ८ ते १० या वेळेत त्यांचे पार्थिव त्यांच्या भाग्यनगर येथील निवासस्थानी ठेवला जाणार आहे.

महसूल आयुक्तालय

महसूल आयुक्तालय स्थापनाची कार्यवाही लवकर करु - बाळासाहेब थोरात


नांदेड(अनिल मादसवार)उच्च न्यायालयाने दिलेल्या निर्देशानुसार महसूल आयुक्तालय नांदेड येथे स्थापन करण्यासाठी लवकरच कार्यवाही सुरु केली जाईल, अशी स्पष्ट ग्वाही राज्याचे महसूल मंत्री बाळासाहेब थोरात यांनी दिली आहे.

भोकर येथे तहसिल व उपविभागीय महसूल कार्यालय नूतन इमारतीच्या उद्धाटन प्रसंगी महसूल मंत्री थोरात बोलत होते. कार्यक्रमाच्या अध्यक्षस्थानी माजी मुख्यमंत्री आमदार अशोकराव चव्हाण हे होते. नांदेडचा महा-ई सेवा प्रकल्प राज्यात सर्व जिल्ह्यात राबविला जात आहे असे सांगून महसूल मंत्री बाळासाहेब थोरात पुढे म्हणाले की, शेतकऱ्यांना ऑनलाईन सातबारा देण्याचे नियोजन येत्या काही महिण्यात पूर्ण होईल. जमिनीचा फेरफार, चर्तुेसिमा, नकाशा ऑनलाईन पाहण्यास मिळेल. दहा वर्षापूर्वीचा जमिनीचा व्यवहार ऑनलाईन सर्च करता येईल. शेतकऱ्यांची अर्थव्यवस्था सहकारी साखर कारखानदारीवर अवलंबून आहे. ते एक मोठे कार्य नांदेड जिल्ह्यात सहकारी साखर कारखाने चांगले चालवून शेतकऱ्यांचे जीवनमान बदलविण्याची किमया झाली. असे गौरवपूर्ण उद्गार महसूल मंत्री बाळासाहेब थोरात यांनी यावेळी काढले.

माजी मुख्यमंत्री अशोकराव चव्हाण यांनी भोकर शहराबाहेरुन किनवट-हदगांव बायपास रस्ता तयार करण्याचे सूचित केले. ते म्हणाले की, भोकर शहरात 20 कोटी रुपये खर्चाची नळपाणी पुरवठा योजना राबविण्यासाठी नागरिकांनी लोकवाटा म्हणून लोकवर्गणी जमा करावी. 65 कोटी खर्चून न्यायालय इमारत व 5 कोटी खर्चून नगर परिषद इमारत बांधकाम पूर्ण केले जात आहे. 1 कोटी खर्चून क्रीडा संकुल व 50 लक्ष खर्चून ग्रामीण रुग्णालय इमारत बांधकाम पूर्ण केले जात आहे.

पालकमंत्री डी. पी. सावंत म्हणाले की नांदेड जिल्हा नियोजन समितीच्या विकास आराखडयाचे बाह्य संस्थेतर्फे गत पाच वर्षापासून लेखा परीक्षण होत असल्याने राज्यात प्रथम क्रमाकांवर राहण्याचा बहुमान या समितीने मिळविला आहे. माहिती तंत्रज्ञानाचा वापर करुन जिल्ह्यात लोकोपयोगी योजना राबविण्यात आल्या आहेत. त्यामुळे लोकाभिमुख व शिस्तबध्द प्रशासन या जिल्ह्यात निर्माण झाले आहे.

खासदार भास्करराव पाटील खतगावकर यांनी लोकाभिमुख प्रशासकीय सुंदर अशा या इमारतीत गावच्या सरपंचाचा आदर करुन कामे पूर्ण केली पाहिजे अशी अपेक्षा व्यक्त केली.

प्रास्ताविक अधिक्षक अभियंता चंद्रशेखर तुंगे यांनी केले तर जिल्हाधिकारी धीरजकुमार, तहसिलदार महेश परांडेकर इत्यादीने स्वागत केले. आभार प्रदर्शन उपविभागीय अधिकारी केशव नेटके यांनी केले.

यावेळी जिल्हा परिषद अध्यक्ष दिलीप पाटील बेटमोगरेकर, आ. अमरनाथ राजूरकर, आ. ओमप्रकाश पोकर्णा, बी. आर. कदम, नगराध्यक्ष विनोद चिंचाळकर, सभापती मंगाराणी अंबुलगेकर, शिवाजीराव देवतुळे, सौ. शोभाताई मुंदगल आदी उपस्थित होते. संचालन प्रा. दिपक कासराळीकर यांनी केले. याप्रसंगी कार्यकारी अभियंता वि. रा. धारासुरकर, तोटावार, वनपरिक्षेत्र अधिकारी के. डी. देशमुख, तालुका कृषि अधिकारी रमेश देशमुख यांचेसह अधिकारी, पदाधिकारी उपस्थित होते. 

२१ जानेवारी, २०१४

जिद्द चिकाटीने कार्य

जिद्द चिकाटीने कार्य करून अस्तित्व निर्माण करा...रेणुका तम्मलवार



हिमायतनगर(अनिल मादसवार)देश २१ व्या शतकात पावूल ठेवत असताना विद्यार्थी दशेमध्ये असून, मोठ मोठ्या स्पर्धात्मक युगात शहरी भागाच्या तुलनेत ग्रामीण भागात शिक्षण घेणाऱ्या युवक - युवतींना अनंत अडचणीचा सामना करावा लागत आहे. परिणामी अनेक विद्यार्थी अर्धवट शिक्षण घेवून सोडल्याचे चित्र बघावयास मिळत आहेत. परंतु या सर्व अडचणीचा सामना करीत विद्यार्थ्यांनी जिद्द - चिकाटीने कार्य करून स्वतःचे अस्तित्व निर्माण करावे लागेल असे मत जिल्हा रोजगार व स्वयंरोजगार मार्गदर्शन केंद्र नांदेडच्या सहाय्यक संचालक सौ रेणुका तम्मलवार यांनी व्यक्त केले. त्या हिमायतनगर येथील औद्योगिक प्रशिक्षण संस्थेच्या वतीने प्रशिक्षण घेतलेल्या विद्यार्थ्यांना टुलकिट व प्रमाणपत्र वितरण सोहळ्याप्रसंगी उपस्थित विद्यार्थ्यांना मार्गदर्शन करताना बोलत होत्या.

यावेळी मंचावर  जिल्हा रोजगार व स्वयंरोजगार मार्गदर्शनकेंद्र नांदेडचे वरिष्ठ सहाय्यक एल.एम.लोकडे, लोकल एक्सपर्ट श्री पालवेसर, प.स.चे दासरवाड, सरपंच गंगाबाई शिंदे, नांदेड न्युज लाइव्ह्चे संपादक अनिल मादसवार, औद्योगिक प्रशिक्षण संस्थेचे प्राचार्य श्री.एम.एस.बिरादार, गंगाधर मामीडवार आदींची उपस्थिती होती. कार्यक्रमाची सुरुवात मान्यवरांच्या हस्ते दीप प्रज्वलन करून व स्वागत गीताने करण्यात आली. त्यानंतर स्वागत समारंभ कार्यक्रम संपन्न होवून मानव विकास मिशन अभियान अंतर्गत ग्रामीण भागातील सुशिक्षित बेरोजगारांना कौशल्य प्रशिक्षण योजनेअंतर्गत काम्पुटर, बेसिक इलेक्ट्रिक, आदी ट्रेडचे गतवर्षीच्या अभ्यासक्रमात यशस्वी प्रशिक्षण पूर्ण केलेल्या २०० विद्यार्थांना टुलकिट व प्रमाणपत्राचे वितरण मान्यवरांच्या हस्ते करण्यात आले.

यावेळी पुढे बोलताना त्या म्हणाल्या कि, शासनाच्या वतीने औद्योगिक प्रशिक्षण संस्थेच्या माध्यमातून विद्यार्थ्यांना मोठ्या प्रमाणात प्रगतीचे दालन खुले आहेत. त्यामुळे शिक्षण घेवून नौकरीच्या मागे न लागता प्रशिक्षणात मिळालेल्या ज्ञानाचा उपयोग घेवून मोठे उद्योजक बनून देशाच्या विकासाला हाथभार लावावा. ग्रामीण भागातील युवकांचा समाज आहे कि, बेकारी वाढलीय, परंतु हि बाब चुकीची आहे, उद्योगीक क्षेतार महिन्याला ५०० ची व्हैकन्सी असते, परंतु ग्रामीण भागातील युवकांची इच्छा काम करण्याची नसते. तसेच श्रीमंतांचीच मुले नौकरीला लागतात असा गैरसमज तथा  व्यक्तिमत्व विकासाच्या अभावामुळे ग्रामीण भागातील युवकांची पीछेहाट होत आहे. या बाबीला दूर सारून अगोदर आपल्या विकासाचे धेय्य ठरवा, त्यानंतर उच्च पदस्त झालेल्या अधिकाऱ्यांचे मार्गदर्शन घेवून ते पूर्ण करा. पुस्तकांचे वाचन, सामाजिक माहिती, स्पर्धा परीक्षा, आदींसह आपली वर्तणूक व आई वडिलांसह गुरुजनांचा आदर राखून मानाने व संस्काराने श्रीमंत व्हा असे आवाहनही त्यांनी केले. यावेळी त्यांनी उपस्थित विद्यार्थ्यांना " तू दिसतेस छान .. कोण कशाला म्हणायला हवे..., आपण आहोतच छान..हे आपले आपल्यालाच कळायला हवे... हि सुंदर कविता म्हणून उपस्थितांना मंत्रमुग्ध केले. याप्रसंगी सौ.लखमावाड मैडम, पत्रकार प्रेमकुमार धर्माधिकारी, धम्मपाल मुनेश्वर, संजय कवडे, जांबुवंत मिराशे, संजय मुनेश्वर आदींसह शेकडो विद्यार्थी, विद्यार्थिनींची उपस्थिती होती.

हिमायतनगर येथे सन २००८ पासून औद्योगिक प्रशिक्षण संस्था अस्तित्वात आली आहे,  तेंव्हापासून ग्रामीण भागातील विद्यार्थ्यांना प्रशिक्षणाचा लाभ मिळत आहे. सध्या स्थितीत पळसपूर रस्त्यावर औद्योगिक प्रशिक्षण संस्थेची भव्य दिव्य इमारतीचे काम सुरु आहे. लवकरच काम पूर्णत्वास जाईल, त्या ठिकाणी ८ ट्रेड व १६ उनीत चालू होणारा आहेत. तेंव्हा मोठ्या प्रमाणात ग्रामीण भागातील विद्यार्थ्यांना प्रशिक्षण मिळून स्वयंरोजगाराच्या संधीचे द्वार खुलतील अशी माहिती प्राचार्य स्रो बिरादार यांनी प्रास्ताविक भाषणात दिली. कार्यक्रमाचे सुरेख असे सुत्रसंचलन एम.एस.शेख यांनी केले तर उपस्थितांचे आभार श्री बिरादार यांनी मानले. 

२० जानेवारी, २०१४

आयुक्तांच्या दौ-यात

आयुक्तांच्या समाधान दौ-यात मालमत्ताधारकांच्या शंकांचे निरसन



नांदेड(अनिल मादसवार)मालमत्ता कर आकारणी किंवा मागणी बिलासंबधी शंका असलेल्या शिवाजीनगर क्षेत्रिय कार्यालय (क्र. 1) अंतर्गतच्या सुमारे तीनशे मालमत्ताधारकांनी सोमवारी (दि.20) मनपा आयुक्त जी. श्रीकांत यांच्याशी व्यक्तीश: चर्चा करुन आपले शंका समाधान करुन घेतले. अनाधिकृत बांधकामाची अतिरिक्त शास्ती माफ़ी टाळण्यासाठी आणि चालू करातील 2 टक्के सूट योजनेचा लाभ घेण्यासाठी आयुक्तांच्या आवाहनानंतर काहींनी लगेच पूर्ण कर जमा केले आणि त्यांचे समाधानही झाले.

उद्या मंगळवारी (दि.21) अशोकनगर क्षेत्रिय कार्यालयात (स्टेडियम परिसर) सकाळी 11 ते 2 या वेळेत आयुक्त मालमत्ताधारकांच्या भेटीसाठी थांबणार आहेत. मालमत्ताधारकांनी येताना जुनी कर भरल्याची पावती आणि चालू मागणी बील सोबत आणावे, जेणेकरुन शंकानिरसन करता येईल, असे आवाहन महापालिकेच्या वतीने करण्यात आले आहे.

मालमत्ताधारकांना भाडेपध्दतीऐवजी मूल्याधारित करप्रणालीप्रमाणे कराची आकारणी झाल्यानंतर मागणी बिलात झालेल्या वाढीबाबत तक्रारी होत्या. त्यात सर्वसाधारण सभा आणि अलीकडेच महापौरांच्या अध्यक्षतेखालील सर्वपक्षीय समितीने 31 जानेवारीपर्यंत मालमत्ताधारकांनी त्यांच्याकडील संपूर्ण कर भरला तर अनाधिकृत बांधकाम शास्तीतून अधिकृत बांधकामाचे क्षेत्र वगळून तसेच चालू करात 2 टक्के सूट देण्याचे निश्चित केले आहे. याउपर मालमत्ताधारकांच्या प्रकरणनिहाय वेगळ्या समस्या असतील किंवा कर निर्धारण चुकीचे झाल्याच्या तक्रारी असतील तर त्या जाणून घेण्यासाठी मनपा आयुक्त जी. श्रीकांत यांनी आज सोमवार पासून (दि.20) क्षेत्रिय कार्यालयनिहाय सकाळी 11 ते 2 यावेळेत समाधान दौरा सुरु केला आहे.

सोमवारी शिवाजीनगर क्षेत्रिय कार्यालयात आयुक्तांना काही नागरिकांची शिष्टमंडळे एकत्रपणे भेटली, त्यांच्याशी एकत्रित आणि भेटण्यासाठी आलेल्या प्रत्येक मालमत्ताधारकांशीही व्यक्तीश: चर्चा करुन आयुक्तांनी त्यांचे समाधान केले. यावेळी उपायुक्त राजेद्र खंदारे, सहाय्यक आयुक्त शिवाजी डहाळे, गुलाम सादेक, कर विभागाचे दत्तात्रय पाटील तसेच शिवाजीनगर क्षेत्रिय कार्यालयाचे सर्व वसुली लिपीक उपस्थित होते.

 गेल्या सात वर्षात मालमत्ता करात कोणतीही वाढ झालेली नाही. तसेच ज्यांनी जानेवारी 2008 पूर्वी अनाधिकृत बांधकाम केले परंतु वेळेअभावी किंबा गैरसमजुतीमुळे त्याची नोंद त्यांनी कर विभागाकडे केली नाही, अशा मालमत्ताधारकांना अनाधिकृत बांधकामाची शास्ती लागणे अपरिहार्य आहे. परंतु संबधितांनी मागणी बिलातून तितक्या बांधकामाची शास्तीची रक्कम वगळून उर्वरीत कराचा भरणा करुन दि. 31 जानेवारी 2014 पर्यंत अपील दाखल केले तर त्याचा निर्णय घेता येईल, असे आयुक्तांनी यावेळी संगितले.

 काही मालमत्ताधारकांनी मुलभूत सुविधेबद्दल तक्रारी केल्या. त्याची नोंद आयुक्तांनी घेऊन मलनि:सारण, घनकचरा साफ़सफ़ाई करण्यासारख्या तक्रारी तात्काळ मार्गी लावण्याची सूचना यावेळी अधिका-यांना दिल्या. तसेच ज्या कामात तांत्रिक अडचणी आहेत, त्या दूर करण्यासाठी संबधित अधिका-याशी चर्चा करण्याचीदेखील ग्वाही यावेळी दिली.

ज्येष्ठ नागरिक आणि सेवानिवृत्त कर्मचा-यांनी त्यांच्यासाठी मालमत्ता करात सवलतीची तसेच इतर मालमत्ताधारकांनी पुढील वर्षी आधी कर भरणा-या करदात्याला अधिक सूट देण्यात यावी, अशी मागणी केली. हे दोन्ही विषय सर्वसाधारण सभेसमोर ठेवून आवश्यकतेनुसार शासनाकडे पाठवण्याचे आश्वासन आयुक्तांनी यावेळी दिले. महात्मा फ़ुलेनगरमधील नालीवर बांधलेली अनाधिकृत भिंत पाडून तेथील ड्रेनेज लाईनचा साफ़सफ़ाई करण्याचे आदेश आयुक्तांनी यावेळी संबधित यंत्रणेला दिले.

ज्यांच्याकडे ड्रेनेज लाईन नाही किंवा शौचालयाची जोडणी दिलेली नाही, त्यांना प्रदुषण नियंत्रण मंडळाच्या आकारणीप्रमाणे हा कर अधिक प्रमाणात लागू शकेल. तसेच अकृषिक कराची पावती व वसुलीसाठी स्वतंत्र व्यक्तीचा खर्च, वेळ टाळण्यासाठी शासन निर्णयानुसार त्याची मागणी बिलात आकारणी केली आहे. मालमत्ताधारकांचे आक्षेप असतील तर हे दोन्ही कर आणि अनाधिकृत बांधकाम शास्ती वगळता निवासी मालमत्ताधारकांना दुपटीपेक्षा अधिक आणि अनिवासी मालमत्ताधारकांना तिपटीपेक्षा अधिक कराची आकारणी झाल्यास मालमत्ताधारकांनी समाधान दौ-याच्या दरम्यान आयुक्तांशी संपर्क साधावा, असे आवाहन करण्यात आले आहे.

नळजोडणी असलेल्या काही नागरिकांना चुकीने लागलेली सामान्य पाणीपट्टी कपात करुन उर्वरीत रक्कम भरुन घेण्याचे आदेश आयुक्तांनी दिले. 31 जानेवारीपर्यंत अकृषिक कर वगळून संपूर्ण मालमत्ता कर भरणा-या मालमत्ताधारकांच्या अकृषिक करासंबधीच्या तक्रारी मनपामार्फ़त तहसील कार्यालयाकडे सोपवल्या जाणार आहेत.

सुभाषचंद्रबोस जयंती

क्रांतिकारक नेताजी सुभाषचंद्रबोस जयंतीचे आयोजन 


हिमायतनगर(अनिल मादसवार)तुम मुझे खून दो..मी तुम्हे आजादी दुंगा.. / असा नारा देणारे क्रांतिकारक, थोर स्वातंत्र्य सेनानी तथा आजाद हिंद सेनेचे संस्थापक अध्यक्ष नेताजी सुभाषचंद्र बोस यांच्या  ११६ व्या जयंतीचे आयोजन आगामी ३० जानेवारी रोजी करण्यात आले असून, या कार्यक्रमास तमाम नागरिकांनी उपस्थित राहावे असे आवाहन अखिल भारतीय मुस्लिम सेना  या सामाजिक संघटनेच्या वतीने करण्यात आले आहे.

क्रांतिकारक तथा आजाद हिंद सेनेचे संस्थापक अध्यक्ष नेताजी सुभाषचंद्र बोस यांच्या ११६ सर्वत्र नेताजी सुभाष चंद्र बोस यांची जयंती साजरी करण्यात येणार आहे. त्या निमित्ताने दि.३० रोजी येथील राजा भगीरथ विद्यालयात विविध क्षेत्रात कार्य करणार्यांना पुरस्कार व स्मृतिचिन्ह देवून गौरविण्यात येणार आहे. तसेच नेताजी सुभाष चंद्र बोस यांच्या जीवन चरित्रावर आधारित भाषण स्पर्धा होणार आहे. या स्पर्धेतील विद्यार्थ्यांना मान्यवरांच्या हस्ते बक्षिसे देवून गौरविण्यात येणार आहे. सदर कार्यक्रमास हदगाव - हिमायतनगर तालुक्याचे आ.माधवरावजी पाटील व तहसीलदार श्री गायकवाड यांची उपस्थिती लाभणार आहे. कार्यक्रमास प्रमुख पाहुणे म्हणून जी.प.उपाध्यक्ष प्रकाश गब्बा राठोड, कृषी उत्पन्न बाजार समितीचे सभापती दत्तराम पाटील करंजीकर, जी.प.सदस्य सुभाष राठोड, रेहाना बी शे.चांद, पंचायत समिती सभापती वामनराव वानखेडे, प.स.सदस्य बालाजी राठोड, माहूरचे शिवसेना तालुका प्रमुख ज्योतिबा खराटे, शिवसेना तालुका प्रमुख डॉ. प्रकाश वानखेडे, गटविकास अधिकारी विठ्ठल सुरोशे, पोलिस निरीक्षक सुरेंद्र सोनवणे, गटशिक्षण अधिकारी श्री संगपवाड, वैद्यकीय अधिकारी डॉ. दामोदर राठोड, डॉ.पांडुरंग कांबळे, सरपंच गंगाबाई शिंदे, परमेश्वर गोपतवाड, एड.अमोल वाघ, पुर्णाचे मा.नगराध्यक्ष मोहन मोरे, पत्रकार प्रकाश जैन, अनिल मादसवार, कानबा पोपलवर, गंगाधर वाघमारे, अशोक अनगुलवार, अनिल भोरे, दत्ता शिरणे, पाशा खातीब, प्रेमकुमार धर्माधिकारी, परमेश्वर शिंदे, जांबुवंत मिराशे, दिलीप शिंदे, धम्मपाल मुनेश्वर आदींची उपस्थित राहणार आहे. या कार्यक्रमाचे आयोजन अखिल भारतीय मुस्लिम सेनेचे संस्थापक अध्यक्ष शे.इस्माईल, जी.संपर्क प्रमुख फेरोज खान युसुफ खान, शे.खायुम, शे.इब्राहीम, अहेमद खान, शे.रफिक, शे.अकबर, शे.कलीम, शे.मौसीन, खायुम खान, शे.नसीर, अंजत खान, इब्राहीम खान आदींनी केले आहे.      

१९ जानेवारी, २०१४

पल्‍स पोलिओ

पालकमंत्री डी. पी. सावंत यांच्या हस्ते पल्‍स पोलिओ लसीकरण मोहिमेचे उद्घाटन

नांदेड(अनिल मादसवार)जिल्‍ह्यात 19 जानेवारी रोजी पल्‍स पोलिओ लसीकरण मोहिम राबविण्‍यात आली या मोहिमेचे उद्घाटन पालकमंत्री डी. पी. सावंत यांच्या हस्ते सकाळी नांदेड तालुक्यातील निळा येथे करण्यात आले. यावेळी पालकमंत्र्यांच्या हस्ते पात्र बालकांना पल्स पोलिओची लस पाजविण्यात आली. या कार्यक्रमास खासदार भास्करराव पाटील खतगावकर, जिल्हा परिषद अध्यक्ष दिलीप पाटील बेटमोगरेकर, जिल्हा परिषदेचे मुख्य कार्यकारी अधिकारी सुमंत भांगे, जिल्हा आरोग्य अधिकारी डॉ. व्ही. आर. मेकाने आदी मान्यवर उपस्थित होते.

सन 1995 पासुन पल्स पोलिओ लसीकरण मोहिम दरवर्षी संपूर्ण देशात राबविण्यात येत आहे. पल्स पोलिओ लसीकरण मोहिमेअंतर्गत 0 ते 5 वर्ष वयोगटातील सर्व बालके पोलिओ लसीद्वारे संरक्षित करणे हा मुख्य उद्देश आहे. गेली 18 वर्ष सातत्याने पोलिओ निर्मुलनाकरीता सर्वांच्‍या अथक परिश्रमामुळे व मोहिमेच्या सातत्यामुळे महाराष्ट्रात 13 जानेवारी 2011 पासून आजपर्यंत एकही पोलिओचा रुग्ण आढळून आलेला नाही. या मोहिमेत सर्वांनी सहभागी होऊन ही मोहिम यशस्‍वी करण्‍याचे आवाहन पालकमंत्री सावंत यांनी यावेळी केले.

या मोहिमेसाठी 3 लाख 95 हजार 252 अपेक्षित लाभार्थी आहेत. 2 हजार 616 बुथ केंद्र संख्‍या आहे. उपलब्‍ध मनुष्यबळ 6 हजार 876 आहे. स्थापन करण्यात आलेल्या कर्मचाऱ्यांच्या टिमची संख्या एकूण 2 हजार 211 आहे. मोहिमेसाठी लागणारी लस उपलब्ध करुन देण्यात आली आहे. या सत्रासाठी लागणारी 5 लाख 13 हजार 602 लस (डोसेस) चा पूरवठा प्राथमिक आरोग्‍य केंद्र स्‍तरावर करण्यात आलेला आहे. या दृष्टीने नियमित लसीकरण कार्यक्रमाचे बळकटीकरण करण्यासाठी या मोहिमेसोबतच नियमित लसीकरण, ए. एफ. पी सर्वेक्षण व पोलिओ लसीकरण मोहिम यशस्वीपणे राबविण्‍यात येत आहे.

या कार्यक्रमास नांदेड पंचायत समितीचे सभापती बंडु पावडे, जिल्हा परिषद सदस्या जयश्री पावडे, अतिरिक्त मुख्य कार्यकारी अधिकारी उत्तम कोमवाड, तालुका समन्वय समितीचे अध्यक्ष शिवाजीराव पावडे, ॲड निलेश पावडे, प्रफुल्ल सावंत, गणपतराव मोरगे, सरपंच संभाजीराव जोगदंड आदी मान्यवर उपस्थित होते. 

टैलेन्ट सर्च कार्यक्रम

सांस्कृतिक तथा टैलेन्ट सर्च कार्यक्रमात चिमुकल्यांचा सहभाग  

 

हिमायतनगर(प्रतिनिधी)येथील श्री परमेश्वर मंगल कार्यालयात दि.१९ रोजी पार पडलेल्या सांस्कृतिक तथा टैलेन्ट सर्च कार्यक्रमात चिमुकल्यां मुला -मुलांनी मोठ्या प्रमाणात सहभाग घेवून आपल्या अंगी असलेल्या कला -गुणांचे दर्शन घडवून आणले आहे. सदर कार्यक्रम येथील ज्ञानदीप कोचिंग क्लासेसच्या वतीने आयोजित करण्यात आला होता.

सदर कार्यक्रमाची सुरुवात सकाळी ९.३० वाजता येथील सरपंच श्रीमती गंगाबाई शेषेराव शिंदे यांच्या हस्ते दीप प्रज्वलन व फीत कापून करण्यात आली. यावेळी मंचावर हुजपाच्या मुख्याध्यापिका सौ. लाठे, प्रा.सूर्यप्रकाश जाधव, ग्राम पंचायत सदस्य हनुमानसिंग ठाकूर, कदम सर, पत्रकार अनिल मादसवार यांची उपस्थिती होती. ऊदघाटनानंतर शालेय विद्यार्थ्यांनी बनवून आणलेल्या खावूच्या साहित्याचे स्टोल लावण्यात येवून आनंद मेळाव्यात खरी कमाईचा आनंदचा अनुभव बालकांनी घेतला. यावेळी मान्यवरांनी सुद्धा चिमुकल्यांनी विक्रीस आणलेल्या खाद्य पदार्थ चाखून बालकांचा उत्साह वाढविला. दुसऱ्या सत्रात येथील सभागृहात शालेय विद्यार्थ्यांची भाषण स्पर्धा संपन्न झाली. यात विद्यार्थ्यांनी मी शेतकरी बोलतोय, मी सावित्रीबाई फुले बोलतेय या विषयावर परखड अशी भाषणे करून उपस्थितांची मने जिंकली. त्यानंतर दुपारच्या सत्रात त्यांच्या अंगी असलेली कला - गुणांची तसेच उत्साह  वाढविण्याचा कार्यक्रम घेण्यात आला. यात विद्यार्थी व विद्यार्थ्यांनी सामाजिक, सांस्कृतिक, व सध्यच्या घडामोडीवर आधारित नाटिका, गीते सदर केले. यावेळी अनिल भोरे, मारोती हेंद्रे, गजानन चायल, रामदास रामदिनवार, कराळे सर, ठाकूर सर, जाधव सर, अनिल भोरे, अमोल कोटूरवार यांच्यासह महिला - पुरुष पालक, विद्यार्थी, नागरिक बहुसंखेणे उपस्थित होते. कार्यक्रमाचे सूत्रसंचालन नागेश कोथळकर यांनी केले. सदर कार्यक्रम यशस्वी करण्यासाठी क्लासेसचे, शिरफुले, हरडपकर आदींसह विद्यार्थी - विद्यर्थिनिनि परिश्रम घेतले. 

१८ जानेवारी, २०१४

पारितोषिकाने सन्मान

मुंबईतील फोटोफ़ेअर २०१४ च्या कार्यक्रमात 
श्री राघवेंद्र कट्टी यांचा उत्कृष्ठ प्रशिक्षक पारितोषिकाने सन्मान 


नांदेड(अनिल मादसवार)मुंबई येथे नुकतेच संपन्न झालेल्या फोटोफ़ेअर २०१४ च्या कार्यक्रमात नांदेडचे छायाचित्रकार तथा प्रशिक्षक श्री राघवेंद्र कट्टी यांना उत्कृष्ठ प्रशिक्षक पारितोषिक देवून सन्मानित करण्यात आले आहे. या वर्षी पहिल्यांदाच राष्ट्रीयस्तरावर हा पुरस्कार प्रदान करण्यात आला असून, या पुरस्काराचे पहिले मानकरी नांदेडचे कट्टीसर ठरल्याने त्यांचे सर्व स्तरातून अभिनंदन केले जात आहे.

दि.१० जानेवारी ते १३ जानेवारी या तीन दिवसीय फोटोफ़ेअर २०१४ च्या कार्यक्रमाचे आयोजन बोरीवली येथील प्रबोधनकार ठाकरे सभाग्रहात करण्यात आले होते. या कार्यक्रमात देश -विदेशातून लाखोच्या संखेने छायाचित्रकार व हौशी नागरिक व मान्यवरांनी उपस्थिती लावली होती. याचा कार्यक्रमात नांदेडचे राघवेंद्र कट्टी यांना फोटोग्राफी क्षेत्रातील उत्कृष्ठ प्रशिक्षक २०१३ च्या पुरस्काराने डीजी फ्लिक या इंटरनैशनल फोटोग्राफी सोफ्टवेअर कंपनीच्या वतीने मान्यवरांच्या हस्ते सन्मानित करण्यात आले. यावेळी कोडैक कंपनीचे नैशनल बिझिनेस मैनेजर पी. रघुवीर, एस.आर.के.इमेजिंग चे सी.ई.ओ.श्री कीर्तीभाई, डीजी फ्लिकचे श्री प्रसाद परुळेकर, सिम्बोसिस स्कूल फोटोग्राफीचे डायरेक्टर श्री. विशाल भेंडे यांच्यासह अनेकांची उपस्थिती होती.

श्री कट्टी यांनी मागील १५ वर्षापासून महाराष्ट्रात फोटोग्राफी क्षेत्रात नवनवीन प्रयोग व प्रशिक्षण कार्यशाळा घेवून अनेक छायाचित्रकारान घडविले आहे. त्यांच्या या कार्याची दाखल घेवून हा पुरस्कार देण्यात आला आहे. त्यांना पुरस्कार देवून गौरविण्यात आल्याने नांदेड जिल्ह्याचे नाव राष्ट्रीय  स्तरावर पोहोंचले आहे. त्यांना हा पुरस्कार मिळाल्याबद्दल नांदेड जिल्हा फोटोग्राफर असोशियांचे अध्यक्ष गुणवंत पाटील हंगरगेकर, सचिव सुशांत आष्तूरकर, सिटी मैकसचे दिलीप माहुरे, सुनील कामीनवार, नाना रामटेक यांच्यासह अनेकांनी अभिनंदन केले.